المخالفات المرورية + فواتير الجوال
السلام عليكم حبايبي :fez:
كيفكم شخباركم
حبيت أسأل المبتعثين اللي سافروا قريب
واللي عليهم مخالفات مرورية او مديونيات جوال :crash:
هل قبل سافرت طالبوك بالتسديد اول والا خذ تذاكرك وعالمطار ولا احد جنبك:walkman:
<<<<<<<<< اخوكم عنده ملف قسايم سرعة خخخخخخخخ
<<<<<<<<< وعنده بكل شركة اتصالات فواتير بالجملة خخخخخ:no1:
لأن تعرفون وضعي يالله يمديني الحين للملابس والتجهيزات اما الفواتير بروح جمعية خيرية خخخ
شاكر لكم التعاون
رد: المخالفات المرورية + فواتير الجوال
نفس الموضوع اللي جالس أفكر فيه..
عندي قسايم مرور وفواتير اتصالات..
بانتظار ردود الاخوان اللي سافروا قريب..
رد: المخالفات المرورية + فواتير الجوال
لا لا لا ،، ياخي انت سعودي ما يشيكون عليك ، فيه تشييك على الاجانب فقط
رد: المخالفات المرورية + فواتير الجوال
اخوي روميو مشكور على الرد
شكل الشباب يشوفون الموضوع ويطلعون
مايدرون وش يردون فيه شكلهم مؤدبين ماقد اخذوا قسايم وحنا الفضايح ههههههه
اخوي محترف يعطيك العافية عالخبر الحلو
فكة يخوي نحتاج الدراهم ليش نعطيها الاتصالات
تشكرات
رد: المخالفات المرورية + فواتير الجوال
المخلفات تكون مشكلة وقت تجديد الجواز، بس طالما جوازك ما يحتاج تجديد لا تشيل هم. انا قد سافرت وعلي مخالفة. وسألت موظف الجوازات في المطار قلتله علي مخالفة. قال مدام جوازك شغال ما عندك مشكلة بس لما تجي تجدد لازم تسددها.
اما فواتير الاتصالات، ما اظن لها اي علاقة بموضوع السفر، او حتى تجديد الجواز.
رد: المخالفات المرورية + فواتير الجوال
أفا يا ذا العلم
عليكم قسايم :mad:
لازم تتبعون فلسفتي : " خالف القانون وأنت لابس حزام الأمان " :)
ههههههههههههه
الحمد لله , مع أنني ما بقيت إشارة إلا وقطعتها ولا رصيف إلا وركبته ولا خط إلا صفيت طبلون السيارة عليه ولا شارعاً إلا ومشيت بعكس السير إلا أنه لم تتسجل في سجلي مخالفة رسمية
المهم
مما سمعت أكثر من مرة أنه ما أحد حولك يا باشاوات
لكن حط في بالك أنك باقي بترجع السعودية ومصيرك أنك راح تدفع
فصفي أمورك أول بأول عشان تكون أحسن واحد :)
رد: المخالفات المرورية + فواتير الجوال
المخالفات الله يهديك
وش مخلفين حنا عيال ونسيناهم هههههههههههه
بس تمام اصيل يعطيك العافية عالمعلومة
اجل ماني جاي اجدد خخخخخخ
رد: المخالفات المرورية + فواتير الجوال
هلا اخوي مستر ركو
لو اني رجل مرور سجلت دفتر القسايم كله لك لسبب واحد
طبلونك اللي كنت ماسحه بالسيفيك
بس انا الحمدلله الاشارة ماقدر اقطعها ولا اوقف غلط
بس عندي شيء ماقدر اتخلى عنه
السرعة خخخخخخخخخخخخ لو ماصادني الرادار يصيدني البوليس السري اللعين هههههههه
بس يقول المثل اقلعها وتوكل هع هع
تشكرات
رد: المخالفات المرورية + فواتير الجوال
اقتباس:
المشاركة الأصلية كتبت بواسطة RoOoMaNcE
هلا اخوي مستر ركو
لو اني رجل مرور سجلت دفتر القسايم كله لك لسبب واحد
طبلونك اللي كنت ماسحه بالسيفيك
بس انا الحمدلله الاشارة ماقدر اقطعها ولا اوقف غلط
بس عندي شيء ماقدر اتخلى عنه
السرعة خخخخخخخخخخخخ لو ماصادني الرادار يصيدني البوليس السري اللعين هههههههه
بس يقول المثل اقلعها وتوكل هع هع
تشكرات
ههههههههه
ما أظن أنه دفتر بيكفي :)
يبغى لك دفاتر :)
شيك في موقع المرور إذا عندك مخالفات أو لا
ما تدري يمكن ما سجلوا البتاع
http://moi.gov.sa/wps/portal/!ut/p/k...lVRS82XzBfOUk5
ذكرتني بإبن الذين أعطى حول 300 سيارة مخالفة في كليتنا
عشاننا موقفين عند الجزيرة مع العلم أن كليتنا قالوا لنا نوقف عندها
وبعدها صارت إتصالات على جامعة البترول ومع إدارة المرور وفيه صار كتابة خطابات وما أدري إيش
لكن راحت القسيمة ولا سجلت أصلاً :)
وهذا ما كان غلطي
وفيه المرة الثانية " اللي هي غلطي "
جيت لك متأخر عن الدورة التأهيلية التي تقام في جامعة الملك فيصل بالدمام
الساعة 8:15 ليلاً
وأخش الشارع بعكس السير وأوقف قدام مبنى الكلية بكل قوة عين
ويوم خلصت من الدورة إلا وأشوف على الزجاج الأمامي ورقة وردية
علطول عرفت أنها مخالفة
قمت أسب علطول :mad:
ومكتوب أنه هذه مخالفة خاصة بجامعة الملك فيصل
وأنها سوف ترفع إلى إدارة المرور إلكترونياً :drunk: " إفلقني لو فكروا يرسلوها أصلاً " :roflmao:
ويوم جيت أطلع من البوابة إلا الحارس وقفني لأنه شاف البلاغ
وقال : " سفط السيارة "
ووقفت السيارة ودخلت الكوخ حقه
وخويه كان يصايح على واحد مخالف زيي
ويقول : " حنا كم مرة قلنا لكم وقفوا في مواقف الطلاب "
أنا قلت : " أنا مش طالب في جامعة الملك فيصل , أنا بس عندي دورة حقت الابتعاث "
وبعدين سجل إسمي والسجل المدني والسيارة في ورقة عنده
وقال : " بنشوف لو ما كان عندكم مخالفة ثانية هذه الأسبوع , بنمسح لكم هذه المخالفة , وإن صارت مخالفة ثانية بندفعكم الثنتين "
وأنا فرحان أني طلعت من عندهم وكل شيء تمام :)
وعلى فكرة
ترى حقين المرور حبايب
أنا كنت جايك من الظهران وطاير على المسار الأيسر ماشي 180
وكان على يميني دوريتين ربع :)
وكل شيء سلك :)
أي شرطي مرور يشوفني أهم شيء لا يوقف سيفك 2008 بيضاء :)
رد: المخالفات المرورية + فواتير الجوال
خخخخخخخخخخخخخخخخخخخخخخخخخ شكلك معميها مو مخربها بس
ياخوي حقين المرور عندنا مو حبايب
تجيه بالطيب يجيك ينافخ
<<<<<<<< مايحب السلك العسكري خير شر مع احترامي للجميع
صحيح يطلع منا مخالفات بس هات قسيمة وانت ساكت
لا تقعد تتفلسف وان تكلمت عليه صارت قضية مو مخالفة مرور
بس كلمتي المعتادة >>>>>>>>>>>> نزل بدلة الدولة ويصير خير خخخخخخخخخخ << متهور
بس سددت كل قسايمي يوم جددت الجواز واخذت مخالفة وحده سرعة
ويوم جيت اشيك من ايام والا هي فوق 500 واستفسرت عنها قالوا المخالفات الحين تتضاعف لين تسدد
شف بالله الربا عيني عينك