الأعضاء الإشتراك و التسجيل

الملتقيات
ADs

شورو علي تكفوون لاتتركوني بحيرتي انا بنهبل

شورو علي تكفوون لاتتركوني بحيرتي انا بنهبل


NOTICE

تنبيه: هذا الموضوع قديم. تم طرحه قبل 3278 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية E's-soul
    E's-soul

    مبتعث مجتهد Senior Member

    E's-soul الولايات المتحدة الأمريكية

    E's-soul , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى Finance , بجامعة A University
    • A University
    • Finance
    • ذكر
    • Chicago, Illinois
    • السعودية
    • Jan 2008
    المزيدl

    December 27th, 2008, 01:15 PM

    بسم الله الرحمن الرحيم


    والله إنها قافله معي << عليك مدخل !!!

    حبايب قلبي

    مساء الخير والورد

    والله مدري شلون أبدا موضوعي

    ماكنت متوقع تصير لي الخربطه ذي كلها محتاس ومتشتت ومتردد وحالتي يرثى لها

    ورب البيت عجزت اوقف التفكير بالموضوع ذا ماخذ عقلي كله الله ياخذ ابو عقله لحس مخي

    وربي كرهت البعثه وحاس اني بخسرها ليش مدري

    والله العظيم بعتمد على الله سبحانه وتعالى ثم على رأيكم لاتقرون وتروحون حط رأيك تكفى

    أنا إنسان جاني قبول من مكتب اجيك وتاريخ الدراسه 5 - 1 - 2009 مده خمس شهور

    طبعا انا اول ماجيت المكتب ماأرتحت سبحان الله قلت له لو سمحت أبي أأجل موعد الدراسه

    قال ممنوع ومدري وش الوزاره قلت ياخي موعدي بالسفاره قبل يوم من الدراسه

    قال اوكي أأجل لك شهرين يعني بدايه الدراسه باخر فبراير وانا زي الاطرش بالزفه قلت اوكي

    بس نبهت عليه يعطيني خبر بالاي تويني الجديد متى يوصل

    رجعت للديره وقعدت انتظر وانتظر أخذت اراء ناس كثير وقالو لي ياأهبل شلون تدرس من اخر فبراير يعني بتدرس شهرين بس ؟؟؟؟؟

    الفيزا بتجيك شهرين ؟؟؟؟

    قالوها من هنا وانا تضرب فيوزات مخي من هنا

    وفيه أكثر من واحد نصحني أأجل موعد الدراسه للسيمستر الجاي بشهر 5 كلمت اجيك وقالو

    لازم خطاب من الوزاره لابوكم اذهبتو عقلي جننتوني

    راسلت المعهد مليون وخمسميه الف وستطعش مره وكل مره ترد علي وحده اسمها جيني

    لقيت صورتها بموقع الجامعه هي وخشمها تقول هجمه مرتده

    كل مره تقول حولت ايميلاتك لمنسق القبول ومنسق القبول أذانه تقول ارصاد جويه ولا عمره رد علي

    ارسلت لهم اخر مره اني أبي أأجل موعد الدراسه الى شهر 5

    الان موعدي بالسفاره يوم الاحد القادم 4 - 1- 2009

    والله مدري اروح لهم بالاي تويني اللى معي ولا أأجل موعد السفاره واروح للوزاره اخذ خطاب التأجيل أعطيه لاجيك يكلم المعهد

    وربي مشكله مدري شلون جايه مشكله مدري وش تبي

    العالم يقولو هد اللعب ارجع دفاع لاتتعب روحك بالتفكير

    طيب شسوي اروح لموعد السفاره ولا أأجل أحسن واللللللللللللللللله مدرررررررررررري

    لاأكل زي العالم والناس ولا نوم زي العالم والناس

    ربعي يقوول كيف حالك اقول ياخي ماجا الاي تويني

    ابوي يقول مر علي بالمزرعه اقول له اصبر الاي تويني ماجا

    أحلم فيه بالليل يلعن أمه على أم أمه


    الحين وطلبي الاخير يابعد قلبي انت وياه

    لو مريت باللى انا فيه الان وش بتسوي

    شورو علي لاتتركوني بحيرتي تكفون




    هذا هو الاي تويني ملعون الجدف هبل فيني وش قال قال 5 - 1


    يااااااااااااارب توفق كل من يرد علي ياااااااااارب


    من طلب العلا يصبر لين يجيه الايتويني
  2. السلاام عليكم ورحمه الله وبركاته...
    ان شاء ربي يسهلك امورك.
    شوف وانا اخووك اذا تبي تأجل موعد الدراس لا ترووح لسفااره اجل موعدها.
    وحاول ترتب نفسك.
    لان ما ابيك ترووح وتعقد نفسك معهم.
    لازم ترتب اوراقك مضبووط.

    ترى خبرتي بعد رفض اعطاائي الفيزا الامريكيه..
    من الافضلك انك تأجل موعد السفاره.


    دعوواتك
    7 "
  3. يواد ياعسل رور وصل
    ترا انتا زيي تمام بس اقول ازا لم تكن ذئبا اكلت الذئاب
    انا موعدي يوم 6 والدراسه يوم 5 اجلت موعد السفاره ليوم 24 عشان ادرس السيمستر الجي التاني يعني
    والاي توني الجديد والله زي زيك حايس عليه مراسلات مع الجامعه بس هما دحين اجازة الكريسماس حقهم
    تحياتي
    7 "
  4. انا قبولي كان من نفس المكتب ..
    والاي توني كان فيه تاريخين لبدء الدراسه
    يعني اذا مالحقت عالاول اجيهم عالثاني ..

    والمكتب ضروري يردولك بدري والشغله ماتاخد وقت كلها خطاب تمديد والسلام
    ليش البهدله هدي ؟؟؟
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.