رد: رفض بعثتي الى امريكا مع وجود التذاكر معي عطوني الحل
اول شي ارجع لدوامك وبلغ رئيسك المباشر بمشكلتك وباشر العمل وخذ خطاب المباشر للمديريه وخلوهم يسجلون انك رجعت عشان ما يتوقف راتبك وسلمهم التذاكر وثانيا خيار انك تغير الدوله مو سهل فلازم تراجع الابتعاث بالرياض بالوزاره وتشرح لهم ان الفيزا رفضت لك وتبدأ باجراءات تغير الدوله كانك مقدم من جديد يعني لجنه الابتعاث توافق ثم البند المالي ثم التعليم العالي ثم الخدمه المدنيه
رد: رفض بعثتي الى امريكا مع وجود التذاكر معي عطوني الحل
طيب عطوك سبب للرفض ؟
يعني هل هو من السفاره الرفض او من دي سي ؟
اذا من السفاره موضوعك سهل ان شاء الله
رد: رفض بعثتي الى امريكا مع وجود التذاكر معي عطوني الحل
الرفض كان من قبل السفاره فقط ام اوراقي جاهزه
رد: رفض بعثتي الى امريكا مع وجود التذاكر معي عطوني الحل
فيه حاجه اسمها appeal
يبيلك تكتب لك ايميل مرتب وصيغه حلوه تشرح وضعك بالتفصيل ووتوضح لهم اهمية الدراسه في امريكا بالنسبه لك
وان شاء الله تتسهل الامور
رد: رفض بعثتي الى امريكا مع وجود التذاكر معي عطوني الحل
والله مشكلة أنا الآن جالسة أحول بعتثي من بريطانيا لأمريكا وكيف عاد إذا رحت للسفارة ورفضوا يعطوني فيزة ؟؟
وش بيصير ماراح اقدر اغير الوجهه وأنا من أصل مغيره ..
الله يسهل أمرنا وأمرك أخوي
رد: رفض بعثتي الى امريكا مع وجود التذاكر معي عطوني الحل
طيب اخوي ابو خالد ابي اعرف سبب الرفض ايش بالظبط ايش قالوا لكـ؟؟؟
وانت ماوريتهم اخلاء طرف وشهادة خبره اذا كان معك ؟؟؟
وهل معاملتك غير عن الطلاب ؟؟
ياليت تخبرنا بالتفصيل
تحيتي لكـ ؛؛؛
رد: رفض بعثتي الى امريكا مع وجود التذاكر معي عطوني الحل
في المقابله اوراقي كلها كامله وبعدين انا موظف وما طلب اخلاء طرف مني ولا شئ بس الظاهر يرفضوا بكيفهم اذا ماعجبهم كلامك رفضوك
الاخ cute1 فين appeal اللي تقولي عليه بصراحه كرهوني في الابتعاث في آخر الدنيا وبفلوسنا ولسى يتشرطوا عليك
رد: رفض بعثتي الى امريكا مع وجود التذاكر معي عطوني الحل
لا لا تلغي البعثة
حول على مكان ثاني والتذاكر تتبدل يعني ابدا بالأجراءات من بكره
روح كندا..استراليا..بريطانيا..نيوزلندا
عندك اكثر من خيار
والأغلب الكورس الثاني يبدا على 3 ..بس تأكد طبعا من الجامعة
والله يسهل امرك
رد: رفض بعثتي الى امريكا مع وجود التذاكر معي عطوني الحل
الاخ M.A.T بصراحه ماني عارف كيف الاجراءات وكيف اغير الدوله وكيف اطلع ضمان مالي غير السابق
الاول تركته في السفاره وما عطوني ولا سألتهم عليه طفشوني وخرجت مباشره
افيدني بارك الله فيك فقط اعطوني i.20 وجوازي
رد: رفض بعثتي الى امريكا مع وجود التذاكر معي عطوني الحل
ابو خالد بالنسبه للـ appeal
زي ما قلت لك تضبط لك ايميل بصيغه حلوه وتحاول تتحاشى الاخطاء اللغويه في الايميل وترسلها لاحد البريدين التاليين :
RiyadhUS_Visa_Status AT state.gov
RiyadhNIV AT state.gov
وبالنسبه لرفض السفاره مزاجي تراه وهم يعتمدون اعتماد كلي على اللي مكتوب في الابليكشن ويجلس يناقشك فيه يمكن اللي سويت معه المقابله ما عجبته أحد اجابتك او حس انك مالك نيه ترجع للسعوديه بعد التخرج