الأعضاء الإشتراك و التسجيل

الملتقيات
ADs

طلاب امريكا الخوف قطع قلوبكم ...خايفين من سفاره قبول كل شي خايفين منه ...

طلاب امريكا الخوف قطع قلوبكم ...خايفين من سفاره قبول كل شي خايفين منه ...


NOTICE

تنبيه: هذا الموضوع قديم. تم طرحه قبل 3267 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مبتعث وافلقني لاطلعت
    مبتعث وافلقني لاطلعت

    مبتعث مستجد Freshman Member

    مبتعث وافلقني لاطلعت الكاميرون

    مبتعث وافلقني لاطلعت , ذكر. مبتعث مستجد Freshman Member. من الكونغو الديمقراطية , مبتعث فى الكاميرون , تخصصى anything , بجامعة AOSU
    • AOSU
    • anything
    • ذكر
    • doesn't mater, nothing
    • الكونغو الديمقراطية
    • Aug 2008
    المزيدl

    January 6th, 2009, 04:54 PM

    كيف الحاااااااااااال وكعادتي احب ان افرفش عليكم شوي وارفع معنوياتكم تعرفون مواضيعي ايجابيه بالمره >>>>>> اقول على شحم ..!!!

    المهم حبيت اقول لكم وكالعاده ياناس هدو شوي تراكم من جد ازعجتوني وماخليتوني انام ...

    الحين ارجع واقول وينبح صوتي ويجيني مغص بخشمي وعيوني واذني اليمنى تجيها رعشه واليسرى تشنج طيب لييييييييييييه .... ماسألتوا لييييه ؟؟؟

    ان كنتم تعرفون فتلك مصيبتون وان كنتم لاتعرفون فوالله العظيم انها جلطتون ...

    ياطلاب امريكا ياخوافين ياقلقين يابو القلق انت ويااااه ...

    ان جينا لمواعيد السفاره تقعدون وااااو واااح وااااخ واااأماه وابتاه واختاه >>>>>>>>>.اقول انثبر وخلصنا !!


    طيب من عيوني (قاعد يكلم نفسه!!)


    الحين بذمتكم ياللي تنزلون مواضيع تضيق الخلق وتدورون حل وانتم بعد ماعرفتم المشكله اصلا للحين ماجت المشكله ...

    اش هالتشاؤؤم ياخي حرام عليك انت وياااه وانتي بعد وش تناظرين حتي انتي وياها وجع >>>>>>>>>> ول خربها ..

    كل طلاب امريكا ياشيخ قص ايدي من اكراعي !!! (مافهمت اكراعي !!!) انهم موسوسين ومرتبكين ..

    يالله يوم كنت اسوي موعد مع السفاره ول ول وش التحطيم وش المواضيع الكذب اللي يقولك انتبه عبي بياناتك صح ولاتغلط انتبه واااااااااااااااه انتبه ياويلاتاه ...

    واللي يقول اطبع وجه وقفا هذا انا حذرتكم (ابي اضحك دقيقه هههههههههههههههههههههه)واللي يقول احفظ الاسئله وحاول ان تحط اجوبه وتمارسها قبل الموعد (لا من جد ابي اضحك ههههههههههههههههههههههههههههههه)

    واللي يقول تفتيش واللي يقول كراسي زرقا وكونترات ومترجمين وناس وحرس


    الحمد لله والشكر خيييييييييييير وين عايشين وش هالمواضيع الكذب ليش الكذب ليش اللعب باعصاب الطلاب ليش اتعيشونهم حالة قلق وربكه خافوا الله خافوا الله في ابنائي اقصد طلابي اوووف اقصد الطلاب والطالبات ...


    رعب والله رعب لا وفي ناس ماجتهم قبولات وقاموا وقعدوا الارض لييييييييه وكييييييييف وش اسوي في السفاره وما معي الاي توني وووووووووو .... الخون.


    ياشباب وياشبابات (عاجبتني شبابات!!!! )

    اللي ماجاه قبول حطها براسك وخذ العلم مني انا >>>>>>>>>>.لا تكفى يالعنقري !!!

    والله العظيم ان الوزاره شايل همكم اكثر منكم وقايمه ليل نهار في خدمتكم بس الصبر اقول الصبر بيجيكم قبولاتكم يعني بالله نسوكم والا اشطفوكم ....


    شوف انت بالذات لاتقول ياخي نخاف على مصلحتنا اقول على شحم ...

    وانتي لاتقولين نبغى نعرف مستقبلنا وين اقول انثبري ...


    (ياعيني على القوي )

    كل شيء بيصير على اللي تبونه واللي يريحكم بس الصبر بيجيكم القبول بأذن الله ..


    اما اذا كنتم خايفين السفاره ومدري ايش فلا السفاره عارفه الوضع لا والوزاره معلمتهم ومعطيتهم سي دي بأسمائكم وكل شيء تمام ..

    رحوا لهم وقولوا لهم ماجانا قبول وهم بيقولون لكم مبروك لقد قبلت لحصولك على التأشيره بس اذا جاك الاي توني ارسله لنا وخذ تأشيرتك ومقفاك !!!


    شفتو كيف بسيطه وسهله

    ارجوكم كلكم اذا تحبوني !!!!>>>>>>>>>>>حبك برص !!!

    ابعدوا الخوف والله مافيه شيء يخوف او يقلق طيب وش رايكم اعلمكم بسالفتي يوم رحت لموعد السفاره ..


    ابد رحت بعد ماافطرت وهاوشتني مويمتي لا اقصد ماما (مو جايه شوفو خشتي وشلون )

    ركبت اللكزس حقتي ايييييييييييييييييييييييه لاااااااااااااااااااااا بالله عليك ياشييييييييييييخ الله يرحم والديك وشلون الشركه!!!!!(لاتعليق!!)

    طلعت من منفوحه اقصد المحمديه اييه الساعه 6وربع الا خمس يعني 6 وعشر ياشين التفلسف (على فكره هذي عينات اللي يخوفون !!!!)

    ووصلت حي السفارات وقابلني عسكري ويضرب لي تحيه >>>>>>>>>>كذاااااااااااااب

    المهم رحت للسفاره وصفيت مع الناس واللي يبي ينصرع واللي يبي يمووت واللي يكتب وصيته لاحول ولاقوة الابالله ...

    وانا طاق زقارتي ونظارات شمسيه ابو ريالين ومحد قدي لا وعربجي جايب الاوراق بكيس اخضر!!


    رحت للحرمه اللي بالشارع مكتبها ذكرتني بحقين الاحوال اللي يكتبون معاريض

    المهم ابد دخلت السفاره وتفتيييييييييييييييييييش عاااااااااااااااادي مثل المطار لا والمطار اوسخ بعدين تفتيش ثاني سهل بس علشان انك دخلت ومن ثم طلعت لساحه ومن ثم دخلت اكيد يسوون تفتيش ثاني بس بصراحه حلو يدغدغ هههههههه

    اخذت رقم ودققوا الاوراق وطلع كلها اخطاء وابد قالوا عدلها وخذ قلم بعد ياعيني ناس فللللله ..

    المهم جاء المقابله بس ابي اقول شغله

    تروا المقابله مو مكتب وعسكري مثل الافلام ومحامي ومدري وشو لا بكاونتر فله بسطه ..

    رحت وقابلتني هذيييييييك البنت ياهي بنت .احم اقول اثقل !!


    ايه المهم سألتني سؤال لا وبالعربي مع اني بلبل انقليزي >>>>>>>>>>ايه مايعرف يفرق بين البي والدي !!!

    مدري كم سؤال وانا اجاوب لا اجاوبها بشعر وقصيد وهي تقول ياعيني ياعيني وانا اقول اسمعي زود ...

    وهي تفل شعرها وتقول ياااااه كم انت رومانسي وانا اقول ياويلاه كم انتي جميله ...!!!!


    وابد بالاخير قالت مبروووك حصلت على التأشيره ..

    وانا اقول الله يبارك فيك حياتي...هههههههههههه

    وهي تدز لي الرقم >>>>>>>>>>>>اقول على شحم !!!

    وانا يوم ابي اخلص من السماعه قلت اخليك الحين واتصل عليك بعدين هههههههههه

    يعني اشبكت

    لا بصراحه كانت مقابله عاديييه جدا لا وازيدكم من الشعر بيت اضحكت مني ضحك قالت لي انت ليش تبي تروح امريكا وانت بهالخباله

    قلت علشان اعقل ....وهي تضحك ههه ههه ههه

    المهم رحت وسددت عند الفيدكس وقالي 65 ريال ياعمي

    قلت ولايهمك بس انت تامر امر اقول نزل شاي للموجودين على حسابي .....

    ابد وكانت شغله فله ووناسه وابد تروني بروح امريكا جو >>>>>>>>>بالله عليك !!!

    المهم الكلام المختصر والمفييييييييييييييييييييييييد



    لاتخافووووووووووووووون ولاتقرون المواضيع اللي تبط الكبد اقسم بالله انها سهله ووناسه

    لاحد يحلق سكسوكة او دقنه او يلبس جينز ومدري وشو تروا مايهمهم المظااااااااااااااااهر عاااديييين هالناااس اهم شي انه مافيه شيء اصلا ...

    على فكره كل ماكنت ريلاكس في حياتك كلها كل ماكنت افضل واحسن حال وتشوفها تمشي معك ..


    مثلي انا والله اني مدري وين ربي حاطني مدربي راسي وماشيه معي الحيييييييييياه




    يالله انا برجع لغرفتي اخر المنتدى على اليمين ....



    بااااااااااااااااي مع السلااااااااااااااااااااامه



    ياخوفي ترجعون لنفس الحاله
  2. هههههههههههههههههههههههههههههههه

    الله يسعدك اخوي مبتعث

    وانا بصراحة أايدك في كل كلمة قلتها

    انا قريت في المنتدى انواع التخويف قبل موعدي بالسفارة ويوم الموعد

    لمارحت انا وزوجي والله تفاجئت كل الكلام اللى قريته كذب في كذب

    والسفارة تعاملهم جدا راائع وراااقي

    وشكل البنت اللي عملتلك المقابلة هي نفس البنت اللى سوتها لنا تتكلم عربي مكسر

    وضحكتها شاقه وجهها والله انها فلة ووناسة

    على طول خلصت اجرئاتنا

    حتى اني انا وزوجي تفاجئنا لما قالت مبروك اوفق على ذهابكم الى امريكا

    وتذكرت كلام النت والتخويف وقلت والله ماعندهم ماعند جدي

    الواحد يتوكل على الله ورح يلاقي كل شي طيب

    ومشكور اخوي ع الموضوع

    7 "
  3. بيض الله وجهك يا ذيبان طيب انا موعدي الاثنين ان شاء الله تعالى اروح باللكزس والا اروح بالكرسيدا أحسن وبعدين أنا ماني متعود أروح أي مكان إلا والرشاش على كتفي والربع في جيبي عادي أدخل السفارة فيها؟؟؟
    7 "
  4. والله انك صاااادق .. فلها وربك يحلهااا



    المهم فعلااا ما فيه شي يخووف ابد بالعكس كل الامور سهله ..


    على العموم انت خل عنك الوسوسه والامور كلهاا بتصير تماااام


    الا ي امبتعث انت وين راح تدرس باي ولايه ..

    ومشكورر على المووضوووع التوووحفه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.