سؤال عن المحرم اللي يعمل بوظيفه حكوميه

عندي سؤال لو سمحتووو بخصوص المحرم الذي يعمل بوظيفه حكوميه ...

ماهي المتطلبات عشان يطلع معاي يعني لو اخذ اجازة شهر من العمل ... لان اخوي طالع معاي شهر بس... والوزاره تطلب اوراق رسميه بخصوص هالموضوع ولا لا؟؟

ثانيا تعريف العمل للسفارة لازم يكون انجليزي ولا يمشي حاله العربي؟؟؟

وسؤال اخير اذا جيت اقدم موعد للسفارة ادخل على الطلاب واقدم انا معاه سوا ولا انا مع الطلاب وهو لا؟؟

واذا في اي شي ثاني بخصوص المحرم ياليت لو تفيدوني

اسفه لاني طولت عليكم بس والله حاسه اني تايهه وخايفه من الموضوع

ويعطيكم الف عافية...

اهلين اختي

بالنسبة للوزارة تطلب اوراق تثبت انه ماهو على رأس عمل .. واجازة شهر ماتكفي .. يعني راح يطلبوا اوراق استقالة او اخلاء طرف ..ونفس الشي الملحقية اذا حابة تسوي اضافة محرم وينزل له راتب

لكن بالنسبة للوزارة يمكن انهم ما يعرفوا انه موظف اصلا ..اذا مافي شي يثبت لا تعلموهم وتفتحوا على نفسكم باب ... لا يجيب طاري انه موظف من الاساس ولا الاجازة ولاشي .. وان شالله ما يدققون ويسووا مشاكل


اهم شي يطلع فيزا وتاخذوا امر الاركاب .. والملحقية امرها هين يعني اذا رفضوا يعترفوا فيه كــ محرم وينزلوا له راتب ماهي مشكلة بالنسبة لك لانه راح يرجع صح ولالا


وبالنسبة لجلوسك بدونه مافيه مشاكل من الملحقية سواء كانوا عارفين ولالا ومايهمهم الموضوع هذا .. اللي يهمهم هو في صرف المخصصات له او لا فقط


بالنسبة للفيزا ماحددتي انتي هو اخ ولا زوج ولا اب ؟

الزوج والزوجه لهم فيزا مرافقين .. اما الاخ اذا كان بيدرس فيزا طالب وتجيبي له قبول لغة .. والاب فيزا سياحية

بس بما انو مرافقك جاي شهر فقط فــ خليها فيزا سياحية وارتاحي


بالنسبة للاوراق طبعا كل شي بالانجلش

بالتوفيق

المرافق اللي معاك يحتاج الى تعريف باللغة الانكليزية للسفارة ورايح يسالوها بالتاكيد اذا كان طالب او موظف يعني رايح يسالونه وش تسوي من تخرجت الى الحين يعني لابد يثبت انه مو عطالي ثانيا اذا كان موظف فتاكدي ان الملحقية ما راح تصرف له راتب الا اذا جاب اجازة بدون راتب وصرف الراتب له من بداية نهاية اجازته اللي بدون راتب
والله اعلم

مشكووووووورة أختي بينك على المعلومات الوافيه...و بالنسبه للمرافق هو اخووووي وبالنسبه للراتب مو مهم مانبيه...
:)

ومشكووووور أخوي الظاهر عالتوضيح...

والله معلومات مهمه جدا لي واستفدت منها السراحه والف شكر على العلومات