مبتعث طالب ولا مبتعث موظف
انا موظف وقدمت على البعثة ولا قلت للوزارة اني موظف ولا قلت لجهة عملي كذلك
بعد ما طلع اسمي في البعثه اخذت اجازة استثنائية من عملي 3 شهور وسافرت وانا الحين رجعت لترتيب اموري
الحين عندي فرصة انه عملي يوافقلي على الأبتعاث لأننا تحولنا من قطاع حكومي (وزارة المياه والكهرباء سابقا ) الى خاص ( الشركة الوطنية للمياه ) وتغيرت الأنظمة القديمة
لأن الشركة الحين عندها توجه في تطوير الموظف ولا مانع لديها من ابتعاثه بعكس الوزارة سابقا
سؤالي كالتالي :
1 -هل وزارة التعليم العالي ما عندها مانع لو قلتلهم اني موظف وانه جهة عملي راغبة في ابتعاثي على برنامج خادم الحرمين الشرفين .
2- لو كان الوزارة ماعندها مانع في ابتعاث الموظفين هل ممكن يقولولي انت الحين تتبع شركة قطاع خاص ولست تابع للحكومه .
ارجو افادتي الله يوفقكم ووش تنصحوني فيه لأنه نص مبتعثي الماستر والدكتوراه اتوقع موظفين وعانوا من المشكله هذي
رد: مبتعث طالب ولا مبتعث موظف
اخوي
الشي اللي متأكده منه إذا كنت تتبع نظام التأمينات ممكن تأخذ إجازه إستثنائيه من عملك ولمده البعثه سنتين اوثلاثه سنوات وتقوم بدفع مايسمى بالتقاعد سنوياً لجهه عملك حتى ترجع ومعاك الماجستير وبكذا تكون حجزت الوظيفه وماراحت عليك وفي نفس الوقت ترجع عملك واكيد يحسنوا وضعك .
اما إذا كنت موظف حكومي فأنسى .. لأنه من الصعب تحصل على بعثه إلا في حالتين :
يكون عندك واسطه ومدعوم والله ساعدك او جهه عملك متطوره ومتجدده ترسلك ..
بالتوفيق ،،،،،،،،،،،،،
رد: مبتعث طالب ولا مبتعث موظف
مشكوره اختي ضي على المساعده
انا مثل ما سبق وقلت عملي ممكن يوافقلي بما انه ماراح يتحمل تكاليف ابتعاثي
المشكله الوزارة يوافقون او لا
رد: مبتعث طالب ولا مبتعث موظف
صعب جدا لاني اخوي شغال بالوزاره ويقول الحكومي صعب الى ابعد الحدود
رد: مبتعث طالب ولا مبتعث موظف
شكرا لكل من تفاعل معاي..
تجديدا للموضوع انا الشركة اللي اتبعلها حاليا لسه ما اصدرت لائحة للتدريب والأبتعاث ولا ادري برضه يسمحولي او لا
ولكن ارجو ممن يعرف انظمة الوزارة واجراءاتهم يفيدني عاجلا يا اخواني لأني محتار ..
بالنسبة لوضعي انا طلعت للأبتعاث على اني طالب ولست موظف .
1 - الآن انا ابغى اقولهم انا موظف وش تتوقعون راح يطلبون مني وهل يمشي موضعي او لا .
2 - بالنسبة للشركة اللي اتبع لها حاليا هل الأجازة الأستثنائية من حق الموظف نظاما ولا يمكن ان ترفض او لها اشتراطات خاصة .
اي احد له اقتراحات بالنسبة لوضعي يفيدني يا اخوان والله يجزاه عني كل خير لأنه بصراحه انا محتار بين الوظيفة والبعثه ولا اقدر افرط في الوظيفة لأنه راتبي فيها جيد ...
الله يوفق من يعطيني حل لوضعي ويسهله اموره
رد: مبتعث طالب ولا مبتعث موظف
في الأخير شركة المياه الوطنية شركة تابعة للدولة ولا لا؟؟؟
باعتقادي انت الان امام خيايرن اما تختار الوظيفة او البعثة
في حال اخترت الاولى حاول تحصل على الابتعاث وانا شخصيا ارجح هذا الحل استمر في وظيفتك وخلهم هم يبعثونك ترى كذا افضل الف مرة من ابتعاث الوزارة...
موفق ان شاء الله
رد: مبتعث طالب ولا مبتعث موظف
اتوقع انك تضبط وضعك مع شركتك فقط والوزاره مالهم دخل ولو سمعو خبر اتوقع بتروح عليك البعثه