خريج كلية تقنية دبلوم قوى كهربائية وبكمل دراستي (التفاصيل بالموضوع)

السلام عليكم ورحمة الله وبركاتة

صبحكم/مساكم الله بالخير والرضا

صراحة مجهود تشكرون علية وأنا ما أحمل كل عضو او مشرف في المتلقى بالرد علي وهذا كلة بسبب كثرة المواضيع المدرجة وكثرة الاستفسارات وماقول غير جزاكم الله الف خير ورحم الله والديكم على هالتعاون وإثبات إننا أبناء وطن واحد صدقوني وهذي مو مبالغة ابداً الموقع الوحيد والاعضاء الوحيدين ولاننسى المشرفين على مستوى آلاف المواقع هذا الموقع الوحيد الي فية تكاتف تدمع لة العين من الفرح
ماطول عليكم

طبعا من قرا عنوان الموضوع عرف زبدة الموضوع لكن في تفاصيل آمل منكم الاطلاع عليها وافادتي

انا قريت اكثر من موضوع بس ماقدرت اوصل لشي

انا خريج الكلية التقنية تخصص قوى كهربائية دبلوم طبعا ومن زمان افكر بموضوع تكملة الدراسة وهو ماكان تفكير بس لا. انا جهزت كل الاوراق المطلوبة من ترجمة وثيقة وشهادة الثانوي والسجل الاكاديمي مع تعديل الاسم كما بجواز السفر وكنت ناوي اطلع ادرس في استراليا مبدئيا على حسابي وبعدها احول على بعثة لكن طلع قرار الـ 30 ساعة واحبط كل محاولاتي وكسر مجاديفي وعشت في الصدمة كم شهر.
طبعا كان القرار على كم دولة وانتم ادرى مني بهالموضوع والي اعرفة ان امريكا مو من ظمن هذي الدول
عند صدور قرار الـ30 ساعة نصحوني الشباب اني ادرس بأمريكا وانة ماتكمل شهر او اسبوع الا وانت محول على البعثة وإدرس اللغة بأمريكا وانت على البعثة وبعدها حول بعثتك الى استراليا.
الفكرة كانت حلوة وعجبتني بس الي خلاني اتردد كل هالفترة هو امريكا ومايدور بأمريكا.

آمل منكم نصحي

حاصل على دبلوم قوى كهربائية عام 1425/1426هـ بتقدير جيد 3.16 من 5 ولا ادري عن موضوع العمر اخاف يوقفون لي فية

انا راسلت اليوم على الرابط الدعائي هنا في الملتقى فوق (إدرس في امريكا) قبل اكتب الموضوع.

آمل منكم نصحي ولا تبخلو علي بإي شي او اي معلومة.

ولكمـ مني جزيلـ الشكر

عندي اضافة بسطة
اي الدول يكون فيها التحويل للبعثة سهل انا اخترت امريكا بحكم انة يقولون التحويل للبعثة سهل؟ مو حب فيها
وماذا عن بريطانيا او نيوزيلندا لأني قرأت عن نيوزيلندا وبصراحة بدأت افضل الدراسة فيها ومو واقف لي غير التحويل..!

السلام عليكم ...:fez:

أخوي أنا أنصحك بالتوجه لأمريكا لعدة أسباب وهي أنهم متساهلين في معادلة ساعات الدبلوم وهي من ارخص الدول.. أما بريطانيا واستراليا فمشروط فيها ال30 ساعه

وأنا ألحين أخذت وصف المواد من الكلية التقنية من رئيس القسم وختمته من عندكم وبراسل شركة WES وهي شهادة تعادل موادك الدراسية بالمواد الامريكية وهي تساعدك على معادلة اكبر عدد من الساعات عند الجامعات الامريكية.. وبعدها بدور على جامعات تعادل اكبر عدد ممكن من الساعات بعدين براسلهم وبشوف كم بيعادلون الشهادة:crash:

:gossip:






الكلية: الكلية التقنية
التخصص: قوى كهرباءية
المعدل: 3.90 من 5

أخي/ المبتعث11

مشكور على تفاعلك الاكثر من رائع

طيب الان امريكا متساهلين بالمعادلة بس ياخوك هي على الدولة والنظام المتبع فيها والي قريتة بالملتقى عن مشاكل الفيزا ومن جد تعقدت.

طيب ايش رايك في نيوزيلندا؟

مشاكل الفيزا!!
طيب ليه اكثر عدد للطلاب السعوديين في امريكا مهوب في غيرها..ماا نيوزيلندا مدري اذا كان فيه احد راح لها وعادل شهادته

بعدين اتوقع اللي تتاخر له الفيزا اللي سفراته واجد خصوصا سوريا و ايران

وانا اعرف ناس واجد ما صار لهم مشاكل مع الفيزا بالعكس تماما بعدين اذا صارت لك مشكلة بالفيزة بتصير وانت عند اهلك لكن اذا صارت مشكلتك مع نظام الحياة في الدولة اللي بتروح لها او مع جامعاتهم..بعدين تجارب السعوديين واجد

أنا كنت ابحث افضل وجهه للابتعاث للسعوديين لقيتها امريكا تجاهلتها وحاولت القى غير امريكا وواصلت البحث وما لقيت افضل منها وهذي نصيحتي ولا زلت انتظر مشاركاتك:sleep2:

اقتباس:

---

المشاركة الأصلية كتبت بواسطة المبتعث11

مشاكل الفيزا!!
طيب ليه اكثر عدد للطلاب السعوديين في امريكا مهوب في غيرها..ماا نيوزيلندا مدري اذا كان فيه احد راح لها وعادل شهادته

بعدين اتوقع اللي تتاخر له الفيزا اللي سفراته واجد خصوصا سوريا و ايران

وانا اعرف ناس واجد ما صار لهم مشاكل مع الفيزا بالعكس تماما بعدين اذا صارت لك مشكلة بالفيزة بتصير وانت عند اهلك لكن اذا صارت مشكلتك مع نظام الحياة في الدولة اللي بتروح لها او مع جامعاتهم..بعدين تجارب السعوديين واجد

أنا كنت ابحث افضل وجهه للابتعاث للسعوديين لقيتها امريكا تجاهلتها وحاولت القى غير امريكا وواصلت البحث وما لقيت افضل منها وهذي نصيحتي ولا زلت انتظر مشاركاتك:sleep2:

---

والله احترت من جد مادري

بس كذا افهم منك أنك ماتدري إذا جامعات نيوزيلندا تعادل ولا لا..؟

ومن ناحية الفيزا أنا سمعت ان فية طلاب مو قادرين يشوفون اهلهم بالسعودية بسبب الفيزا..!