السلام عليكم ورحمة الله وبركاته
تكفون علموني كيف النظام احس اني طايع بقول لكم السالفه بأختصار
انا جيت وصلت امس فانكوفر وابغى اقدم على الملحقيه ما ادري كيف
قلت في خاطري اذا جيت المعهد حقي فيه سعوديين بسألهم بس على ما سمعت
ان المعهد حقي ممنوع تتكلم عربي ابد عشان كذا بطرح عليكم الموضوع وارشدوني
انا اوراقي كامله كلها قبول جامعه وقبول معهد والجواز و تأشيره والبطاقة الأحوال وشهادة الثانوي مترجمه وحسن سيره وسلوك مترجمه وعربي بعد عندي كل هذي
مدخلها سكنر في جهازي باقي تأشيرة الدخول وورقة المباشره في المعهد بأخذها يوم الأثنين من المعهد اذا داومت بس سؤالي
1ـ كيف اقدم على الملحقيه هل عن طريق بريد ممتاز احط اوارقي هذي كلها في ضرف
وارسلها على الملحقيه طبعا ارسل صوره من الأوراق مو الأصل
2 ـ او ما يحتاج ارسلها بريد ممتاز ارسلها على ايميل معين يعني افتح حساب في المحلقيه عن طريق الموقع واحط اوراقي كلها هذا يكفي مو عارف والله كيف الطريقه
ياليت توضحون يا اهل الخير والله يجزاكم خير تكفون والله اني ما ادري ايش اسوي إلي يعرف يشرح لي بتفصيل او يعطيني ايميله عشان اقدر اتواصل معه ويرشدني الله يجزاكم الف خير واسف على الأطاله لأني في فانكور واحس اني تايه مو محصل احد اسأله
صار لي يوم عند العائله ما طلعت لا يفهمون علي ولا افهم عليهم اللغه عندي مشي حالك