من بريطانيا الى امريكا او كندا , و العكس

السلام عليكم و رحمة الله و بركاته
يا اخوان محتاج مشورتكم في موضوع , فأنتمى من كل من يملك معلومه ما يبخل علي
انا طلعت على حسابي من 6 اشهر الى بريطانيا , و الان الحمد لله الحقت بالبعثه , و اموري من ناحية الوزاره ماشيه ( يا ربي لك الحمد )
انا اخترت بريطانيا لقربها و قلت خلني اجرب الدوله عسى و لعل اكمل فيها بعثتي
لكن افكر الحين بأني احول بعثتي اما لـ آمريكا أو لـ كندا


لاني بصراحة في بريطانيا , ما وجدت الراحه النفسيه ابدا
بعض الاشياء الي مب مريحتني

1 - معيشه غااااااليه و الراتب يا دوب ( ادري ان فيه برضو بامريكا و كندا ولايات غاليه , لكن بشكل عام بتكون ارخص )
2 - الاكسنت عجزت افهمه ( ما ادري ليش هل لاني متعود ع الامريكي لان عشت بصغري في امريكا ما يقارب السنتين )
3 - الشعب و هي اكبر مشكله , زباله تكرمون , يعني يجيني نفته ابو 16 سنه و يبهذل فيني و انا ساكت لاني مقدر اقول شي , العنصريه فيهم بشكل فظيع
4 - الواحد لا ضاقت به الدنيا ما يعرف وين يروح بالليل , مافي الا تكاسي , و انا احتاج سياره , و من المستحيل اني اعرف اسوق بشوارعها المعكوسه


و عشان اكون صادق برضو ,,, الشغلتين الي ريحتني فيها

1 - سهولة اصدار الفيزا
2 - قربها من السعوديه



ابي من الاخوان الي حولو من بريطانيا الى امريكا او كندا ,,, او كانو العكس , حولوو الى بريطانيا يفيدوني من تجربتهم بالتالي

1 - اول شي هل ندمت انك حولت
2 - و الي شايل همه , بالنسبه للطلاب الي راحو امريكا , هل اعطوكم فيزا لمدة 5 سنوات فعلا , و اذا لآ كم كانت مدتها
3 - الفيزا طلعته من بريطانيا ولا رجعت الرياض و سويتها ؟
4 - هل ارتحت نفسيا لما طلعت من بريطانيا , و حسيت بفرق بالعيشه
5 - الوزاره او الملحقيه , وش سويت معه وش طلبو وش قالو , تشرح لي



اي شي تحبو تضيفوه , انا سامع لكم
بالنسبه لوضعي , بكالوريوس , حاسب الى , جايب بالايلتس 5 , الانقلش عندي احسن من المقبول


والله بااالي مشغول و ضايقن صدري , اتمنى انكم تساعدوني , احسب اني لا انضميت ابرتاح , الا طلعت لي مشكله ثانيه

احترامي للجميع

توكل على الله وحول

أمريكا احسن من ناحية الاسعار والشعب والاكسنت من بريطانيا بكثير

وبما انك بكالوريوس ان شاء الله سهالات

شف انا ماعرف احد حول ..
لكن التحويل لازم عذر قوي ع الاغلب ..
هذا اللي اعرفه ..
والله ييسر امرك و يسهل لك ..