اللي وصلتهم رسائل واللي ماوصلتهم بشأن القبوول
ياشباب ودي الكل يشاركـ اللي جاهم قبول واللي لسه يستنون ..
انا للحين ماوصلني رساله من الوزارة بشأن قبووولي..هل هذا طبيعي ؟؟
اخاااف استنى الرساله ويطلعوون ناسيني وبعدين اجيهم يقوولون راحت عليك ليش ماراجعتنا مع العلم اني راجعت ادارتهم قبل ثلاث اسابيع اسألهم عن القبول قالوا انتظر اتصالنا...
ارجوووا من الجميع المشاركه للأهميه..
تحــــــــياتي للجميع ودمتم بود
رد: اللي وصلتهم رسائل واللي ماوصلتهم بشأن القبوول
هلا أخوي انا والله زيك ماجاني قبول وأتصلت على الوزارة اليوم وقالوا لي انتظر حتى تجيك رسالة على الجوال وقال لي ان فيه ناس الى الان ماجاهم قبول وان شاء الله ربك يجيب خير
رد: اللي وصلتهم رسائل واللي ماوصلتهم بشأن القبوول
وأنا كمان إلى الان لا حس ولا خبر كلمنا الرياض وبرضوا يقولوا استنى رسالة تجيك مننا
وايش الحل ياترى هل نروح الوزارة ولا نستى وخلاص أمرنا إلى الله
رد: اللي وصلتهم رسائل واللي ماوصلتهم بشأن القبوول
السلام عليكم ورحمة الله وبركاته
مساكم أو صباحكم خير أخواني , بالنسبة لي نفس الوضع باقي ما جاني قبول مع العلم إنه جاني رسالة على الإيميل من الجامعة التي بامريكا تقول فيها انه تم قبولي عندهم ودراستي راح تبدأ في 5 مارس والكلام هذا صار له يمكن شهر والوزارة الى الحين ما جابوا القبول برغم اني اني سويت المقابلة في السفاره الامريكية في 6 يناير , يعني الله يستر
( أصعب شي في الدنيا الخوف من المجهول )
رد: اللي وصلتهم رسائل واللي ماوصلتهم بشأن القبوول
مـــــــرحبا بكم..
ع بالي انا لوحدي اللي ماجاني قبول قلت يمكن سقطت سهواً :roflmao:
اتاري في حد معي يعاني نفس مشكلتي.. الله يعيننا..
وانا ارسلت لهم ايميل قالوا لي كمان انتظر..وافكر اطلع الرياض حقيقة..
لأن ينقال انو القبولات احياناً تكون موجوده عندهم وهم مايرسلون مسجات .. مثل ماحصل
لجماعه من المرحلة الثالثه..ارسلوا لهم مسجات متأخره.. والقبولات عندهم من زماااان..وبعدين
يطلع الحق علينا.. :no1:
رد: اللي وصلتهم رسائل واللي ماوصلتهم بشأن القبوول
صاحبتي حاولت معاهم بكل الطرق وأخذت ضمان مالي من عندهم وجابت قبول لنفسها
حاولوا بكل الطرق
ربي يسهل لكم ان شاء الله
رد: اللي وصلتهم رسائل واللي ماوصلتهم بشأن القبوول
انا كنت زيكم لكن الحمدالله بعتولي مسج يوم الاربعاء اللي فات واستلمتو الاحد الحمدالله..
لكن تخيلو في اية ولاية حطوني..
في لاس فيقاس..
والدراسة تبدأ في 6 ابريل..
لكن عندي مشكلة رقم الاي توني مني عارفة كيف اغيرو في السفاره كنت حاطته اصفار زي ما قالولنا دحين مني عارفة اغير بالله اللي عندو خبر كيف يتغير يقلي ضروري عشان موعد السفارة يوم 2/فبراير..
رد: اللي وصلتهم رسائل واللي ماوصلتهم بشأن القبوول
طيب الي راحوا السفارة وهم وماستلموا القبول ايش سوو لاني زيكم ومااستلمت القبول وموعدي بسفاره قريب
رد: اللي وصلتهم رسائل واللي ماوصلتهم بشأن القبوول
مساءكم خير جميعا.......
نفس حالتكم بس الجديد عندي انو انا وصلنى قبل شهر تقربيا 26/12 يوم الأربعاء مسج منهم انو قبولى وصل ولازم استلمة يوم الأحد من نفس الأسبوع جانى اتصال من موظف في الوزراه وقال انت فلانه قلت ايه قال معليش المسج اللى وصلك بالغلط فيه خطا بالأسم لانو الظرف من برا فيه اسمك والأي تونى من جوا اسم ثانى وهذا الخطا من الملحقيه لا تجين ولا تستلمين اي قبول وانتظر مننا اتصال .... قلت اوكي كل هالقلق اللى سببتوه لى وفي النهايه خطا,,,
بعد بشهرتقريبا تحديد الأسبوع الماضي على يوم الأربعاء جانى مسج انو حضرة جناب القبول شرف ولازم اجى استلمه خلال ثلاث ايام ...ومارحت الأ امس بعد ماخلصت الثلاث ايام وحست عند القسم النسائي وصار القبول من عند الرجال ملفي كان عندهم المهم وانو استلمته مع العلم انى ماراح اطلع الحين ولا حسافر بالتورايخ اللى هم حاطينها لانى مضظره ااجل ...
قبولى في ولايه لوزيانا مدينه روستن معهد ELSوانا ماعندى اى معلومات عن هالمدينة على كثر الولايات اللى قريت عنها الأ هالولايه ما أدري وش قضيتها ...
عموما اللى ماجوا قبول لا يقلق انتظروا وراح يرسلوا لكم مسج وكل تاخير فيها خيره ...
الله يسهل ويوفق الجميع .......
رد: اللي وصلتهم رسائل واللي ماوصلتهم بشأن القبوول
حبايبي الى باقي ما وصلهم القبول توقعاتي انه في واحد مننا راح يجيله القبول خلال الاسبوع الجاي هههههههه احس اننا بمسابقه
نجي للجد انا يوم رحت مقابلة السفاره قابلت واحد في السفاره ربي يخليه وقال لي انه كان في مكتب الدكتور وائل حضرمي وقله انه معاد باقي الا عدد قليل من مبتعثين امريكا الى ما وصلت قبولاتهم واليوم الثاني انا رحت الوزارة وسألت بنفسي وقالولي نفس الكلام , بعدها كنت اتصل عليهم واسأل بس في الاخير خلاص تركت الموضوع هو الى يجيني تدرون ليه .؟؟
لان الموضوع معاد يبغاله الى شوية صبر مننا بس , بعدين في توقع انا شفته كثير في المنتدى الى هو ( يمكن يكون القبول عندهم ولا هم دارين ) هذا من المستحيلات لاني شفت مكتب القبولات فيه رفوف باسم الجامعات وكل رف فيه اوراق القبول الى وصلت فاذا كانت القبولات واضحه للمراجعين فما بالكم للموظفين وفي شي لاحظته من الموظفين يوم احد يسألهم عن القبول على طول يقولوله جاك ايميل يجلس يشرح يرجعون يقولوله جاك ايميل هذا يعني انهم واثقين من الاليه الى يتبعونها في اخبار من وصلت قبولاتهم ,, فلا تشيلون هم غير هم كيف تتهيئ للسفر من كل النواحي وخاصة نفسيا .
نجي لسالفة السفارة تدرون اني اكثر شي ندمت عليه اني دخلت وقريت المشاركات الى في موضوع السفاره قبل لا اروح المقابله من خياااااااااااااااااااااال في الطرح من كثر ما هوجست جلست على الفراش ساعتين اليوم الى قبل المقابله لين حسيت اني بموت هذا غير تعب الاوراق وتجميعها وترجمتها ويوم رحت سالوني عن القبول جيت اجاوب سبقتني الموظفه وقالت باقي ما جاك من الوزاره قلت ايه بعدها اخذت النماذج ووصل سداد الفيزا وسجل الدرجات والجواز بس بس بس وقالت اجلس خلاص وجت المقابله الماسخه مدري ليه قالوا عنها مقابله والله والله والله ثلاث دقايق ما جلستها قال لي في عام كم تخرجت من الثنويوقلتله التاريخ ,قال وبعدين وش سويت قلت دخلت الجامعه , قال وين بتروح تدرس بامريكا قلت مدري عاد السؤال قلت مدري قبولي من الوزاره طلع ورقته وقال ارسل النواقص ..يعني اختي ريومي هم عارفين عن وضعك بس روحي عطيهم الاوراق وسولفي معاهم عن معلوماتك ..... وربي يوفقك والجميع
سامحوني على الاطاله ( بس جمعت الكلام الى كنت ابي اقوله من يوم سجلت في المنتدى وقلته هنا :)