غــــــبــــــاء الشعب الأمريكي والشعوب الغربية عموماُ
غــــــبــــــاء الشعب الأمريكي والشعوب الغربية عموماُ
تنبيه: هذا الموضوع قديم. تم طرحه قبل 5566 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - هههههههههههههههههههههههههههههههههههههههههههههههه7 "
- 7 "
ما اختلفنا اخوي ... لكنك انت تتكلم عن تاريخ صار له مئات السنين واحنا نتكلم عن اليوم ...
انا ملاحظتي كانت على عنوان الموضوع الي يقول ان الشعب الامريكي غبي ..
كلام صحيح .. لكن الرد يأتي تباعاً في الأسفل..
هذا التعميم خاطيء جدا .. امريكا وصلت الفضاء وعندها افضل مراكز العلاج والمستشفيات وعندهم افضل الجامعات ... واحنا للاسف كل شي نستورده من غيرنا ...
كون إننا نستورد كل شي طبعاً هو شئ مؤسف لكنه لايدل على غباء أو ذكاء الشعوب الكلام كل الكلام على الحكومات اللي ما تستعين بالكوادر الوطنية في شتى المجالات للتطوير والبحث العلمي وتستخدم مواردها للوصول للإكتفاء الذاتي بدون الإعتماد على غيرها من الأمم
يعني المسألة أولاً وأخيراً سياسة دولة وإلا الشعوب فيها الصالح والطالح
لكن أنا أعيب على أمة تقود العالم جهل شعبها
أمة فيها من الديمقراطية مايخول الشعب المساهمة في صنع القرار
ومع هذا فأن نسبة عالية جداً من الشعب الأمريكي جهلاء جداً بما يدور حولهم وبالتالي صناع القرار يوجهون الآلة الإعلامية والعسكرية حسب طموحات وإستراتيجيات حفنة من الأشخاص
وأعتقد أنه من الغباء أن نُسيٌر من قبل حفنة من الأشخاص طبقاً لمصالحهم الشخصية على أنها مصالح أمتنا ونحن جهلاء وخصوصاً عندما يتعلق الأمر بأرواح وأوطان وأعراض تقتل وتحتل وتنتهك
المقصد جهل تلك الشعوب التي تحكم العالم هو بحد ذاته غباء لأنه يساهم في إستمرارية قيادة القطيع من الراعي دون معرفة الوجهة .. فقط لأنه الراعي "القائد أو الرئيس" فأنه على صواب
وأعتقد محد يقدر يقول إنهم غير مسيرين من قاداتهم وإعلامهم مع أن لهم الحرية في البحث والتقصي والسؤال عن طريق النت أو التلفزيون أو الصحافة فنحن الآن في عالم مفتوح وعدم معرفتك بالعلومة لا يعتبر بالضرورة جهلاً إلا في حال أن لك علاقة بتلك المعلومة
قبل ما نتهم الآخرين بالغباء ونستهزأ فيهم
عدم معرفتي كم ضلع في المثلث يعتبر جهل أم غباء؟!
لازم نشوف انفسنا ...
كلام سليم وصحيح 100% ونحن مثل ما عندنا غباء وجهل عندنا من الطاقات الوعقيلات والموارد البشرية الكثير ولكن الغير مستخدم وأعتقد العتب على الحكومات
وما اتوقع ان مقطع الفديو هذا يعبر عن شعب باكمله
مؤكد مايعبر عن شعب بأكمله لكن يعبر عن نسبة عالية جداً من الشعب الأمريكي خصوصاً
وعندما تكون نسبة عالية في مجتمع جاهلة وهي قادرة على تغيير حتمي فهي مصيبة وأي مصيبة
عندما تكون الغالبية مثقفة في إطار جغرافية معينة وجاهلة خارجها وفي نفس الوقت تكون تلك الأمة "الشرطي على العالم" فأعتقد وفي رأيي أنه من الغباء الحكم على الآخرين دون أن نعرفهم وهو ما أظهره الفيديو
أخيراً يجوز أن العنوان عمم الغباء ولكن المقصود ليس الكل بل الجُل
وإن كان مضايقكم العنوان يا شباب نغيره
وشكراً على الردود
وآسف على الأطالة
تحياتي لكم
----------------------------------------------- - عفوا اخوي .. لكنك تقول انهم مسيرين من قبل حفنه من الاشخاص ؟؟ وش المقصود بكلامك ؟؟7 "
اذا كنت تقصد انهم مسيرين من حكوماتهم ... هذي الحكومات منتخبه .. يعني الشعب هو الي يقرر من الي يحكمه ... واي شخص في السلطه ممكن يحاكم بغض النظر عن منصبه ... واكبر دليل على كلامي الحادثه الاخيره لحاكم الينوي ... على العموم ... احنا اكثر شعب مسيرين ومغلوب على امرنا ... ما عندنا حرية رأي ولا عندنا انتخابات ولا عندنا محاسبه للمسؤؤولين !!!
لكن مشكلتنا .. اننا نمدح انفسنا ليل نهار ونشوف اننا احسن من كل العالم والعكس هو الصحيح ..
اتمنى من كل قلبي اننا نتطور ونصير احسن من غيرنا لكن للاسف ما عندنا غير الكلام الفاضي .. اجل دوله عدد سكانها يتجاوز العشرين مليون ما فيها الا جامعات متهالكه تعد على الاصابع !!! للاسف احنا لاعبه فينا المحسوبيه والفساد ...
اتمنى لو ينعمل نفس الفيديو في السعوديه .. ونشوف اجوبة الناس وش بتصير ... - اول ما قريت الموضوع قلت يالله سترك ...الرجال قام يخبص وهو في امريكا7 "
بس بعد ما شتفت المقطع .......والله انا خجلت على نفسي من اللي نعتبرهم قدوه في الثقافه وهم ما عندهم ماعند جدتي صدق . - 7 "أنا ماني عدو للشعب الأمريكي لكن أنا عدو لأي أحد يمس وطني بسوءعفوا اخوي .. لكنك تقول انهم مسيرين من قبل حفنه من الاشخاص ؟؟ وش المقصود بكلامك ؟؟
اذا كنت تقصد انهم مسيرين من حكوماتهم ...
نعم هذا قصدي
هذي الحكومات منتخبه ..
كلام سليم
يعني الشعب هو الي يقرر من الي يحكمه ..
إلى الآن معاك
. واي شخص في السلطه ممكن يحاكم بغض النظر عن منصبه ...
يحاكم صحيح
لكن على إيش؟!! على الأفعال والجرائم اللي إرتكبها داخلياً وأتحدى إن في أمريكي إرتكب جريمة حرب (واللي هي أكثر وألعن من الفساد الإداري) وتمت محاكمته
يارجل جرائم إغتصاب وقتل متعمد دون حمل سلاح في العراق وأفغانستان وياخذله سنة سجن ويطلع في ثلاث أرباع المدة إن كنت تعتبر هذا مثالاُ للديمقراطية والحرية وإن كان إرتكب أمريكي جريمة قتل سعودي في السعودية بالله عليك تقدر تحاكمه؟ إنت إنت لو كنت رئيس الدولة بتقدر؟ حتى لو كانت دولتك مليون في المية ديمقراطية!
واكبر دليل على كلامي الحادثه الاخيره لحاكم الينوي ...
حادثة داخلية .. طلعلي حادثة خارجية .. الشعب الأمريكي مايهمه إلا مصالحه الداخلية ومايدري عن مصالحة الخارجية وطبعاً الحكومة تربط المصالح الخارجية بالمصالح الداخلية بطريقة تخلي الشعب يتعاطف مع جرائم حكومته ويبررها ومفتاح هذا التعاطف جهل الشعب وأؤكد على جهل الشعب
على العموم ... احنا اكثر شعب مسيرين ومغلوب على امرنا ... ما عندنا حرية رأي ولا عندنا انتخابات ولا عندنا محاسبه للمسؤؤولين !!!
لا تعليق
لكن مشكلتنا .. اننا نمدح انفسنا ليل نهار
والله صحيح وأنا غير مؤيد لمدح الذات كما إني غير مؤيد لجلد الذات
ونشوف اننا احسن من كل العالم
صحيح لكن هذي النظرة إلى زوال
والعكس هو الصحيح ..
لأ .. ماهو صحيح العالم مو أحسن مننا ... لا تنسى إننا أحسن من ناس كثير ثانيين إذن لا تعمم وتقول العالم أحسن مننا .. قول الشعب الفلاني أحسن مننا في النقاط التالية وقول واحد إثنين عشرة
اتمنى من كل قلبي اننا نتطور ونصير احسن من غيرنا لكن للاسف ما عندنا غير الكلام الفاضي ..
عفواً أخوي إذا كنت تقصد كلامي فاضي .. فأنا ماراح أرد عليك في هالنقطة ، لكن إذا كنت تقصد عموم الشعب اللي إنت وأنا محسوبين عليهم فأنا أخالفك الرأي
الشعب السعودي ماعنده الكلام الفاضي بس
الشعب السعودي فيه الصالح والطالح والصالح أكثر إنشالله وأعتقد إنك إنت الحين اللي كلامك فيه تعميم وزعلت وكتبت إني عممت على الشعب الأمريكي
المشكلة عندنا في التوعية وطبعاً في هالحالة ألوم الحكومة .. الشعب دوره في المؤسسات المدنية .. والمؤسسات المدنية لها دور محدود فقط لا تستطيع تجاوزه
لكن أرجو منك عدم التعميم
ترى الشعب السعودي مثله مثل كل الشعوب (ويمكن أفضل في كثير من الأشياء) فيه الزين وفيه الشين وفيه قدرات بشرية وعقلية كبيرة جداً لكن الكلام .. وين الأستثمار في هالعقول؟ إذن أعتقد الخطأ مو خطأ الشعب .. الشعب حالياً يحاول بجانب الحكومة الإستثمار في العقول والدليل إنت وأنا وين؟
اجل دوله عدد سكانها يتجاوز العشرين مليون ما فيها الا جامعات متهالكه تعد على الاصابع !!!
أنا أتكلم على الشعب .. الجامعات اللي عندك أهلية؟ ... إذن لا تلوم الشعب
للاسف احنا لاعبه فينا المحسوبيه والفساد ...
صحيح .. لكن الذنب مو ذنب الشعب
اتمنى لو ينعمل نفس الفيديو في السعوديه ..
بتلقى بلاوي .. بس ما أعتقد محد يعرف وش عملة مصر مثلاُ لكن في الفيديو الأمريكي أكثرهم موعارف عملة بريطانيا اللي هو وجده وجد أبوه أصولهم من هناك!!!
ونشوف اجوبة الناس وش بتصير ...
أتوقع تلقى بلاوي بس مو بمستوى الجهل الأمريكي أبداً ... العوام تجد فيهم جهل مثل جهل كل الشعوب لكن مو مثل الشعب الأمريكي
الشعب الأمريكي الوحيد اللي له خصوصية خصوصاً إن حكومته هي "شرطي العالم"
ليس معنى كلامي إن وطني هو الأفضل لكنه الأفضل على الأقل في عيني وأتمنى أن يكون في عينك كذلك.
ولو كنت أحمل الجواز الأمريكي فهو ليس فخراً أبداً بل مصلحة وأتمنى أن تكون كذلك - ابي افهم وش دخل الجواز الامريكي بموضوعنا ... !!!7 "
ياليت تحصر النقاش على موضوعنا وبس اترك عنك التلميحات الي مالها داعي ...
عموما ... انا حاولت اوصل لك وجهة نظري لكن شكلك منت قادر تفهمها .. او يمكن ما تبي تفهمها .. الايام بتعلمك انشالله ..
هذا آخر رد في هالموضوع .. - 7 "--------------------------------------------------------------------ابي افهم وش دخل الجواز الامريكي بموضوعنا ... !!!
ياليت تحصر النقاش على موضوعنا وبس اترك عنك التلميحات الي مالها داعي ...
عموما ... انا حاولت اوصل لك وجهة نظري لكن شكلك منت قادر تفهمها ..
أخوي أنا فاهم وجهة نظرك والحمدلله إني فاهمها لكن ماني مقتنع فيها وإنت حر في رأيك
او يمكن ما تبي تفهمها ..
والله فاهم وجهة نظرك لكن ماني مقتنع فيها تماماً في بعض الأمور ذكرتها ووافقتك الرأي فيها
الايام بتعلمك انشالله ..
بتعلمنا وتعلمك إنشالله
هذا آخر رد في هالموضوع .. - كل شعب فيه الجاهل والمتعلم والي في الفيديو جهلة ، يعني أكيد لو واحد جاوب الأسئلة كلها صح مابيحطونه في الفيديو.7 "
هذا مقطع هم مصورينه في السعودية، الي يشوف المقطع هذا ايش يقول؟
- فيصل إضافتك عنيفة للموضوع..وعنيفة جدا.....الله يعطيك العافية7 "
ماستر...لاتروح دقيقة النقاش حلووووووووووو معاك الصراحة....
فورجوت تن شكر عميق على هذا المقطع...صراحة لعبة معلم...
انا ودي اطب في النقاش من نواحي بسيطة...ما أتمنى احد ياخذ النقاش برسونال...ياشباب
** الشعب كشعب أي كمجموع شعب..الامريكي افضل من السعودي بكثير...هذه مافبها كلام..اللي يشهد ع كذا جامعاتهم، مستشفاياتهم ، مراكز بحوثهم، قوتهم السياسية والعسكرية. ما أظن أحد منكم الاثنين يخالفني.
**كأفراد- وأعتقد هذه نقطة الخلاف بينكم- هنا فيها كلام..من وجهة نظري..انا تفأجت بالشعب الامريكي من خلال هذا الفيديو..جدا تفاجات صراحة..ما اقول إن الشعب ..والا بلاش الشعب عشان ما نلخبط بالنقطة اللي فوق..ما اقول الافراد السعوديين فيهم مثل هذا الغباء...انا متاكد أنك حتحصل إجابات غبية في الافراد السعوديين بس والله ماعليش مو بهذا الغباء..طبعا هذا رأيي اللي أظنه الا اذا احد نورني فياليت..
** الفيديو حق فيصل رهيب من ناحية إنه اظهر بلاوي عن الشباب السعوديين.... وبلاوي الشعب السعودي غير بلاوي امريكا..يعني واحد تنايجر مايقدر يعبر..معقووووووولة يا جماعة........مع انه معروف ان التينجرز يجيب اللي وراه وقدامه ع سؤال واحد..هذولا الله بالخير..مع المدرسين ويالله بالله يتكلمون وبعدين أفزعوا المدرسين وقوفوا التصوير.....وهذه مشكلة كبيرة لنا يا السعوديين لا شباب ولا شيبان..مانعرف نعبر بحرية..واسمحوا لي..من جد مانعرف..
يعني باختصار: مقابل حرية الشعب الامريكي تقابله عبوديتنا أحنا..ومقابل غباء افراده يتفوق عليه -على الاقل- ذكاء ؟افرادنا...
هذا رأيي في الاخير..واتمنى تنورنوي
تحياتي
وشكر عنيف لكم (كلبوكم)
كخخخخخخخخخخخخخخخخخخخخخخخخخخخخخخخخخخخ
:-)
 
ما اختلفنا اخوي ... لكنك انت تتكلم عن تاريخ صار له مئات السنين واحنا نتكلم عن اليوم ... انا ملاحظتي كانت على عنوان الموضوع الي يقول ان الشعب الامريكي غبي ..
هذا التعميم خاطيء جدا .. امريكا وصلت الفضاء وعندها افضل مراكز العلاج والمستشفيات وعندهم افضل الجامعات ... واحنا للاسف كل شي نستورده من غيرنا ...
قبل ما نتهم الآخرين بالغباء ونستهزأ فيهم لازم نشوف انفسنا ... وما اتوقع ان مقطع الفديو هذا يعبر عن شعب باكمله
تحياتي لكم