اختكم من الكويت تبي فزعتكم..
السلام عليكم ورحمة الله وبركاته
اخواني واخواتي
هذي اول مشاركة لي في منتداكم الراااااااائع
وعندي كم استفسار يشغل باااااااالي
اولاً اعرفكم بنفسي:
انا من الكويت
حديثة التخرج من كلية التربية
(تقريبا اقل من سنة)
اعمل في التدريس
تخصصي دراسات اسلامية
تخرجت من الجامعة بمعدل امتياز مع مرتبة الشرف
حاليا افكر بالتقدم للحصول على بعثة للحصول على الماجستير لدراسة اما:
مناهج وطرق تدريس
او
اصول تربية
او
ادارة تربوية
وجامعة الكويت تبعث الى امريكا وبريطانيا فقط لمن يريد التخصص في التربية
وقبل سنة قدمت اختبار توفل لاول مرة وجبت
463
هذا انااااااا باختصار
والسؤال:
هل هناك جامعة في امريكا تقبلني في احد تخصصات التربية اللي ذكرتها
وشنو افضل تخصص فيهم
وشنو الجامعة اللي تكون الدراسة فيها سهلة وغير معقدة
وبالنسبة للتوفل:
هل في جامعة تقبلني في الماجستير على نتيجتي اللي جبتها
وتكون معترف فيها في الكويت
واذا لأ:
هل في جامعة تقبلني لبرنامج الماجستير وبنفس الوقت تعطيني كورسات لغة
اذا اجتزتها اكون كأني مجتازة التوفل؟
وشكرا مقدما ً
رد: اختكم من الكويت تبي فزعتكم..
والله كان ودي افيدك بس ابي ابحث لك في الموضوع هذا وترقبي الرد القريب
تحياتي
رد: اختكم من الكويت تبي فزعتكم..
اهلا اختي بافيدك باللي اعرفه
بالنسبه للقبول اكيد فيه جامعات تقبلك ولكن بالنسبه هذي قد يكون شوي صعب ممكن لوكانت اكثر شوي وممكن برضه يقبلوك لكن لوتعيدي الاختبار وتجيبي نسبه اكثر اتوقع بيكون قبولك اسهل
لكن على العموم فيه جامعات تعطي قبول مشروط
وهو قبول مشروط بتجاوز اللغه وبعدها تسحجلي في المعهد التابع للجامعه او اي معهد يعجبك حتى تتجاوزي النسبه اللي طالبينها في الجامعه
اما بالنسبه لتخصصات اللي ذكرتيها فخلفيتي عنها مش ولابد فماراح اقدر افيدك عن الجامعات الافضل
اتمنى لك التوفيق
رد: اختكم من الكويت تبي فزعتكم..
انصحك ادرسي لغة من جديد اللغه الي بتتعلمينها في بلدك ما هي مثل الي بالخارج بعدين بتواجهين بحوث ورساله الماستر
اول شي فكري في القبول المشروط والله يوفقك
رد: اختكم من الكويت تبي فزعتكم..
شوفي جامعة سياتل
University of Seattle
من اروع الجامعات اللي شفتها
يطلبون منك درجة 67 في اختبار التوفل اونلاين IBT مو اللي عندك وهالدرجة تعتبر نازلة مقارنة بالدرجات اللي يطلبونها باقي الجامعات واللي هي عادة 79 - 80
بس طبعاً يقبلونك مو على طول عالجامعة وكلاسات الجامعة والتخصص
لا يعطونك كلاسات لغة مثل اللي تبين بالضبط
بحيث يقوّون لغتك وبعدين تقدرين تاخذين مواد التخصص
ماني متأكد من الدرجة المطلوبة لطلاب الماستر
الدرجة 67 للبكالوريوس وممكن تكون نفسها للماستر
خشي موقعهم واللي بتحصلينه بقوقل طبعاً بعد ادخال اسم الجامعة اللي بالاعلى وشوفي طلباتهم
هالجامعة روعة وتقع بمدينة روعة ونظامهم اتوقع مناسب لك لانك كما يبدو لا تريدين الدراسة بمعهد لغة..
بالتوفيق..
على فكرة صور هالجامعة مع تقرير معها موجودين بموضوعي المثبت اسمه اكثر من 1500 ..الخ يمكن يفيدك
بالتوفيق
رد: اختكم من الكويت تبي فزعتكم..
ماشاء الشباب ماقصروا. من ضمن الجامعات الي زرتها وفي رأيي انها مناسبة جامعة Kent State University في أوهايو. مايدققون في التوفل وممكن يطلبوا منك تدرسي سمستر في معهد اللغة ، وعندهم التخصصات الي ذكرتيها وهذا رابط كلية التربية:
College & Graduate School of Education, Health, and Human Services
رد: اختكم من الكويت تبي فزعتكم..
يا هلا بك ,
انا عندي صديق متخرج بكلوريس لغة عربيه , ويدرس ماستر حاليا بـ سياتل زي ما قالوا لك الاخوان ,
رد: اختكم من الكويت تبي فزعتكم..
فديــــــــــــــــــــــــــــــــت قلوبكم
ما قصرتوااااااا :)