الأعضاء الإشتراك و التسجيل

الملتقيات
ADs

نصيحه للطلاب حاملي الجواز الامريكي (بخصوص السوشل سكيورتي نمبر)

نصيحه للطلاب حاملي الجواز الامريكي (بخصوص السوشل سكيورتي نمبر)


NOTICE

تنبيه: هذا الموضوع قديم. تم طرحه قبل 3247 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية SA Master
    SA Master

    مبتعث مجتهد Senior Member

    SA Master غير معرف

    SA Master , ذكر. مبتعث مجتهد Senior Member. , تخصصى موظف , بجامعة PSU
    • PSU
    • موظف
    • ذكر
    • Portland, Oregon
    • غير معرف
    • Nov 2007
    المزيدl

    January 25th, 2009, 08:09 AM

    بس حبيت افيد اخواني المبتعثين .. انا طالب مبتعث وعندي الجواز الامريكي .. قدمت على السوشل وما جاني الا بعد اربع شهور .. عموما .. هذي مجرد نصيحه لاخواني حاملي الجواز الامريكي عشان ما يكررون الاغلاط الي طحت فيها ...

    اولا .. حاول تطلع السوشل من السفاره قبل ما توصل امريكا لان كل شي هنا يعتمد على السوشل ولا راح تقدر تستخدم جوازك السعودي .. على سبيل المثال .. ما راح تقدر تطلع رخصة قياده بدون السوشل .. وهذي اكبر ورطه طحت فيها .. شريت سياره ولا قدرت اسوقها لمدة شهرين .. لانهم ما يتساهلون في موضوع القياده بدون رخصه ولا راح يقبلون الرخصه السعوديه او الدوليه ..

    ثانيا .. اذا ما امداك تطلع السوشل من السعوديه .. جب معك مستندات تثبت وجودك في السعوديه من تاريخ ولادتك الى اليوم ... يطلبون اثبات لكل خمس سنوات .. يعني جب لهم خطاب من مستشفى او مدرسه او اي مكان رسمي يثبت وجودك في السعوديه يوم كان عمرك 5 سنوات و 10 سنوات و 15 و20 و 25 .. الخ .. كل خطاب لازم يكون مترجم ولازم يكون اسمك وتاريخ ميلادك على الخطاب .. على فكره الترجمه ممكن تكون من اي مكتب يعني مو لازم تصدقها من السفاره ..

    ثالثا .. لازم تكون معك شهادة ميلادك الامريكية بحكم ان مولود في امريكا ...

    رابعا .. احسب حسابك ان الشغله بتطول وبتقعد بين شهر الى اربع شهور ... عشان كذا خلك مستعد ...

    خامسا ... لا تنصدم من اسلوب وطريقة تعامل موظفين السوشل ... قابلت هناك اسوأ انواع البشر في حياتي .. خلك صبور ولا تنفعل من اسئلتهم واستفزازهم ..

    سادسا ... عطهم عنوانك البريدي الصحيح ولا تقعد تروح لهم كل يوم والثاني .. انتظر خطاب منهم يفيدك انه تم اصدار رقمك ...

    اذا احد منكم عنده استفسار انا حاضر ... عسى الله يوفقكم ويسهل عليكم غربتكم ...
  2. الله يعطيك العافيه اخوي ..

    انا معاي الجواز الامريكي وباذن الله باكون بامريكا بعد شهرين وش رايك ايهم افضل واسرع اطلع السوشيال سيكبورتي نمبر من السفاره في الرياض والا امريكا اذا وصلت ؟؟ وكم يبي لها من السفاره هل بيمديني لو باروح اقدم عليها من الحين ؟؟ لان كثير قالوا طلعيها من امريكا اسرع بس بصراحه سالفة النفوس الشينه والاثباتات خوفتني !!!

    طيب بالنسبه للي معاهم الجواز السعودي برضه كيف ممكن يطلعونها ؟؟

    وجزاك الله خير معلومات جدا مفيده
    7 "
  3. بسم الله الرحمن الرحيم...
    أنا عندي جواز أمريكي وعندي سوشيل سكيوريتي نمبر كمان بس سؤالي هو:
    القنصلية ما أعطت الوالد فيزة مرافق بل أعطته فيزا سياحية لمدة 3 شهور و 1 Entry؟؟؟؟؟؟؟
    فهل أستطيع من أمريكا أغير له نوع الفيزا؟ أو أعطيه green card؟ و هل الملحقية بتتفهم الوضع؟؟؟؟ لأن على حسب كلام القنصلية إذا انتهت الفيزا تجي تطلب غيرها فممكن نعطيك و ممكن لا؟؟؟

    و لكم جزيل الشكر...
    7 "
  4. مشكور اخوي على المعلومه...
    لكن حبيت اسئلك انا بالنسبه لي ترجمت شهاداتي من اول ابتدئي الي ثالث ثانوي..
    وايضآ ترجمت شهادة الدبلوم اللي مدتها سنتين؟؟
    هل وضعي اوكي او فيه شي ثاني لازم اسويه؟؟؟
    ارجو الافادة وشكرآ؟؟
    7 "
  5. MAD123
    هلا بك اخوي .. ما سوينا غير الواجب .. وانا شخصيا استفدت كثير من هذا المنتدى

    just-imagine
    انا رحت اقدم على السوشل من القنصليه الامريكيه بالظهران وقالو لي يمكن ياخذ ست شهور .. عموما لا تاخذ بكلامي .. روح للسفاره بنفسك واسالهم .. لكن انا لو كنت بمكانك راح اقدم عليه من امريكا

    Wafa
    والله مادري عن موضوع الفيزا ... خذي الكلام من مصدره الرسمي افضل مني انا .. راجعي السفاره واساليهم .. الله يسهل اموركم

    الوصالي
    مثل ما قلت في مشاركتي ... لازم يكون عندك اثبات انك موجود في السعودية كل خمس سنوات ... يعني لازم يكون معك شهادة ميلادك الامريكيه ... واي اثبات او خطاب يؤكد انك كنت موجود بالسعودية يوم كان عمرك 5 سنوات وعشر و15 و20 و25 ... الخ ... كل خطاب لازم يكون مذكور فيه اسمك وتاريخ ميلادك ...

    localman
    انا موظف مبتعث ... يعني استلم راتب شهري من الشركه وعشان كذا انا ملزوم اني اعبي الفورم حق الضرايب ... لان لازم يكون راتبك السنوي فوق ال 90000 دولار عشان تدفع ضرايب وانا ما وصلت لهالحد الى الآن ... عموما .. اكرر لك نفس النصيحه .. لا تعتمد على المنتديات .. روح بنفسك للسفاره وخذ منهم المعلومات الاكيده ...

    تمنياتي لكم جميعا بالتوفيق
    7 "
  6. اممممممممم لالا تقووول مابييييي امممممممم سالفه !!المهم ههه من جد اهناك مكتب السوشل نذلين انا كنت بعطلة الصيف اهناك عند اختي رحت ابي ارجع السوشل عندي بابا مطلع من وانا بيبي ومضيعه راح اللي يشتغل قالي كم عمرك؟قلتله 18 قال خلاص انتي بالغه ومسؤوله عن تضييع الرقم مانقدر نسوي شي!!مره نذل قعدنا انا واختي نحاول نكلمها نقنعهم جا واحد ثاني اللي يمه مسكين وطلعه كان طيب بس هم سئل كم سؤال غبي !اهم شي انه طلعوه امممممم بس يعنيي الحين لازم نترجم شهاداتناا كلها؟!ليش حق شنو هالشي؟!اختي اهناك وعندها جنسيه وسوشل ووليسن بس ماترجمت شي!يعني بشنو نحتاج هالترجمه انا عندي شهادة ثنويه مترجمه مايكفي هالشي!؟واثباتات شنو بالضبط وليش؟!وبما انك باوريغن انا بروح اوريغن عندي سؤال اهناك اذا بنطلع رخصه مافي امتحان بالعربي لازم انقليزي؟

    وثاانكس عالموضووع والتنبيه ..
    7 "
  7. اذا كان عمرك 21 سنة أو أكثر ممكن تطلعي غرين كارد لأبوك.

    المشاركة الأصلية كتبت بواسطة Wafa
    بسم الله الرحمن الرحيم...
    أنا عندي جواز أمريكي وعندي سوشيل سكيوريتي نمبر كمان بس سؤالي هو:
    القنصلية ما أعطت الوالد فيزة مرافق بل أعطته فيزا سياحية لمدة 3 شهور و 1 Entry؟؟؟؟؟؟؟
    فهل أستطيع من أمريكا أغير له نوع الفيزا؟ أو أعطيه green card؟ و هل الملحقية بتتفهم الوضع؟؟؟؟ لأن على حسب كلام القنصلية إذا انتهت الفيزا تجي تطلب غيرها فممكن نعطيك و ممكن لا؟؟؟

    و لكم جزيل الشكر...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.