مين يبي يعمل خير يساعدني الله يجزاه الف خير فيصل الشريف
يااخوان
السلام عليكم ورحمة الله وبركاته وبعد
كيف حالكم انشاءالله بخير يااخواني بصراحة انا صارلي ايام وليالي وانا حاط امل بعدالله ان الوزارة تضمني للبعثه ولكن للأسف ماحالفني الحض وودي استفسر كذا استفسار وياليت احد فيكم يتفضل مشكورا ويجاوبني على اسألتي الله يجزاه الف خير انا ياجماعة عندي قبول في احد المعاهد والجامعات بكندا في شهر 5/2009انشاءالله بس للأسف الوزارة خذلتني تقريبا على العموم بسلامتهم ولكن انا حاب اطلع ادرس على حسابي الخاص كم يكفيني من المبلغ الين انضم الى البعثه وكم مدة الأنضمام تطول ولا بسرعة ياليت احد من الأخوان يجاوبني طيب ممكن اعرف اي الخطوط ارخص تكلفه وشكرا اخوكم فيصل
رد: مين يبي يعمل خير يساعدني الله يجزاه الف خير فيصل الشريف
إن شا الله 3 شهور مش اكثر من 30 ألف
رد: مين يبي يعمل خير يساعدني الله يجزاه الف خير فيصل الشريف
والله يا استاذ فيصل كل يوم كلام وكل يوم يقولون في الحاق ومره مافي الحاق
احسب حساب ثلاث شهور بكندا بجميع المصاريف
واذا لك نصيب ان شالله تبي تلتحق
رد: مين يبي يعمل خير يساعدني الله يجزاه الف خير فيصل الشريف
تسلموا اخواني على مساعدتكم لي وردكم الطيف طيب اذا انشاءالله التحقت بالبعثه قولوا انشاءالله الملحقية السعودية ترجع جميع ماصرفته وانا بكندا ولا بعد فيها كررررررررررررررررررشه
واي الخطوط سعرها مناسب انا تقريبا وجهتي على ثلاث محطات رياض لندن لندن مدينه في كنذا بس والله يحضرني اسمها ءوبعدها مدينة الأستقرار انشاءالله والله انا عارف اني طولتها معاكم بس استحملوني وشكرا اخوك فيصل
رد: مين يبي يعمل خير يساعدني الله يجزاه الف خير فيصل الشريف
شوف فيصل وانا اخوك انا طلعلي ثلاث روس انتبه لايطلعون لك من القهر ههههههههه المهم انا مثلك سافرت على حسابي كنت متحمس وانا طفران بعت سيارتي وسيارة الوالد وسافرت ادرس ثلاث شهور على حسابي وبعدين الين انضم للبعثه ودرست اربع شهور وانا يشهد علي الله اني ماني راعي خرابيط كنت طالع بس للدراسه درست اربع شهور على حسابي بس في الاخير قالولي في الملحقيه انتظر للبعثه القادمه السنه الجايه وضيعوني وضيعو قروشي ورجعت الحين اقدم من الاول وراح علي القبول وضاعت سيارتي فنصيحه مني لك لاتروح الين يجيك القبول عشان لاتعيش الم الطفره الي عاشها اخوك ابو الروس ودي ابكي بس نشفت دموعي الحين املك سيكل ولله الحمد ههههههههههههه
رد: مين يبي يعمل خير يساعدني الله يجزاه الف خير فيصل الشريف
ابو الروس والله انك حزنتني بس الله يستر لايجيني الدوركأنك داري ببيع سيارتي وتروح اقلب وجهي بفلوسها وببيع اغراض بيتي والله يستر من الجايات بس ممكن اسألك طيب ليش مانضميت للبعثه وش السبب لأن في مرسوم ملكي يقول ان الطالب يطلع يدرس على حسابه الخاص ويطبق الشروط ينضم للبعثه ياليت تفيدني انت وين درست في اي الدوله وشكرا
رد: مين يبي يعمل خير يساعدني الله يجزاه الف خير فيصل الشريف
يااااااااااااااااااااااارب تشملنا البعثة كلناااااااااااااااا
رد: مين يبي يعمل خير يساعدني الله يجزاه الف خير فيصل الشريف
هــــــــلا بك فيصـل ممكن انت معك قبول جامعه ومعك قبول معهد ومعك فيزاءءءءءء
طيب ليش الوزاره ماعطوك قرار ابتعاث ناس واجد في المنتدى جاهم قرار ابتعاث وش معنى انت
قريبه واللللللللللللللللللللللله على كل حال اللله يوفقــــك انشـــــاءءءءءءءءءءء
رد: مين يبي يعمل خير يساعدني الله يجزاه الف خير فيصل الشريف
من قالكم الالحاق مقفل هاذي كلها اشاعات بجبلكم كلام من موقع الملحقية و بلصقه هنا و بحط الرابط كمان عشان تشوفو بعيونكم انه الاحاق ما تقفل
خطوات إلحاق طالب دارس على حسابه الخاص بعضوية البعثة
إيضاح هام:
-على الطالب الدارس على حسابه الخاص Private Student ان يقوم بتقديم طلب التحاق بالبعثة. إن حصول الطالب على تذكرة السفر لا يعني انّ الطالب اصبح مبتعثاَ. وكذلك الأمر، انّ حصول الطالب على خطاب من الوزارة بعنوان For Admission Purposes Only، لا يعني انّ الطالب الحق بالبعثة.
التعليمات:
تقوم الملحقية بالرفع للوزارة عن الطالب الدارس على حسابه الخاص لإلحاقه بعضوية البعثة ويطلب منه اتباع الخطوات التالية:
Saudi Cultural Bureau
و هاذا الرابط و هاذا يدل على انهم ما قفلو باب الالتحاق بالبعثه
اخوكم
نمنم تورنتو
رد: مين يبي يعمل خير يساعدني الله يجزاه الف خير فيصل الشريف
هلا ابو هاشم وانا اخوك امن نفسك كمصروف شهري لك مع السكن مع العائله بشرحه بالتفصيل
السكن مع العائله من 650 رولار الى 900 دولار الشهر مع او بدون الاكل
مصاريفك الاسبوعيه ماتتعدي 400 دولار الين تعرف الديره ثم يقل عن ذلك طبعا هذا اقصى مصروف شهري للي ماله في الخربطه
ويبقى عندك حق المعهد واناخوك موجود في فانكوفر واما القرى او المدن الصغيره بيكون اقل