انتو حبوبيين .. وانا ابي مساعده ...

صباح الخير ...

يا مبتعثين امريكا الحبوبيين ساعدوني الله يفرج عليكم ... :balloon:

انا للحين ما سويت مقابلة القنصلية .. وباقي لي اسبوع قبل ما تخلص مدة تعديل البيانات ..

فالله لا يهين اللي يقدر يساعدني .. لان عندي كمن سؤال صغيرووون :

1- حطيت فيزة الوالد F2 وبعدين سمعت انه لازم تكون سياحية .. فهل أغيرها والا اخليها زي ما هي ؟
2- في اخر فقرة يوم تسجل الموعد مكتوب لك جهات الاتصال في امريكا .. كنت اول احسبها شي له علاقة بالقبول وكذا .. بس يوم جا قبولي وعدلت الاتوني ما حصلت شي له علاقة بجهات الاتصال هذي .. وليووومكم ماني عارفة ايش اعبيها!
3- لا جا وقت المقابلة ( فيس مخترع حددده) :bawl:.. اللي اعرفه انه هذي هي الاوراق المطلوبة :
( نموذج 156 و 157 و 158 + قبولي+ورقة تسديد السيفس+ورقة تسديد التاشيرة+ الصور الشخصية+شهاداتي+الجواز) بس !! في شي ثاني ؟

4- اخر سؤال لا هنتو .. النماذج لو احد يشرح لي ايا منهم لي وللمرافق وايا لي انا بس او للمرافق بس .. وهل تسديد رسوم التأشيرة تكون لنا حنا الاثنين والا بس انا ؟

اللي بيرد علي بيكوون ولد حلاااااااااااااااال او بنت حلااااااااااال .. ومنجد بيفك ازمة .. لاني احس انه خلاص ممكن اقدم على وظيفة بالهمنتدى او اشتغل قوووقل من كثر ما فرت عيوني ادور لي على معلوماات .. :dead::dead::dead::dead:

بس خلاص .. يعطيكم العافية .. وان شاء الله تعم الفايدة .. :roflmao:

:bye1: :bye1::bye1::bye1::bye1::bye1::bye1::bye1::bye1::b ye1:

مرحبا اختي بالنسبة للفيزا أنا نفس الشي حطيتها F2 لأخوي وهي كانت سياحية انشالله ماعندك مشكلة في القنصلية هم بيحددوا النوع.

بالنسبة لمتطلبات فيزا الطالب: I20 وصورة منه , جواز السفر وصورة منه , ورقة تسديد التأشيرة وصورة منها بس الصورة عشان تستردي المبلغ انشالله من الملحقية , ورقة تسديد السيفيس وصورة منها لنفس الغرض , صورتين شخصية , الشهادات , جوازات السفر القديمة , ونموذج 156 و 158

بالنسبة لمتطلبات الفيزا السياحية للوالد الله يخليه لك: جواز السفر وصورة منه , ورقة تسديد التأشيرة وصورة منها بس الصورة عشان تستردي المبلغ انشالله من الملحقية , صورتين شخصية , جوازات السفر القديمة , ونموذج 156 و 157

اعذريني إذا صار مني قصور وانشالله ما اكون نسيت شي أها ولا تنسي ورقة الموعد تطبعيها من النت

اقتباس:

---

المشاركة الأصلية كتبت بواسطة mezagyah

صباح الخير ...

مساء النور :roflmao:

يا مبتعثين امريكا الحبوبيين ساعدوني الله يفرج عليكم ... :balloon:

ايوا صح احنا حبوبين والله يفرج عليك

انا للحين ما سويت مقابلة القنصلية .. وباقي لي اسبوع قبل ما تخلص مدة تعديل البيانات ..

لا تشيلي هم اللي يقول لك السفارة تخوف وكل هالامور تراه يهول بالسالفه

والله انهم ماعندهم ما عند جدتي اتوكلي على الله بس

فالله لا يهين اللي يقدر يساعدني .. لان عندي كمن سؤال صغيرووون :

1- حطيت فيزة الوالد F2 وبعدين سمعت انه لازم تكون سياحية .. فهل أغيرها والا اخليها زي ما هي ؟

لا تغيريها خليه مثل ماهو وفهميهم هناك انه بيروح معاك مرافق وهما على حسب وش يعطوه . ابوك بيدرس ؟ واذا ما بيدرس خليها مثل ماهو كمان
2- في اخر فقرة يوم تسجل الموعد مكتوب لك جهات الاتصال في امريكا .. كنت اول احسبها شي له علاقة بالقبول وكذا .. بس يوم جا قبولي وعدلت الاتوني ما حصلت شي له علاقة بجهات الاتصال هذي .. وليووومكم ماني عارفة ايش اعبيها!
اكتبي عنوان المعهد اللي باللي ايوتني واذا مافيه اكتبي NONE مثلي
3- لا جا وقت المقابلة ( فيس مخترع حددده) :bawl:.. اللي اعرفه انه هذي هي الاوراق المطلوبة :
( نموذج 156 و 157 و 158 + قبولي+ورقة تسديد السيفس+ورقة تسديد التاشيرة+ الصور الشخصية+شهاداتي+الجواز) بس !! في شي ثاني ؟

انتي لك 156 +158 واللي قلتيهم واذا فيه لك جواز قديم جيبيه ضروري ومبلغ

عشان تسديد الفديكس وعشان اذا ماعجبهم صورتك يخلوك تتصوري ب40 ريال

وقلم عشان اذا ناقص شئ يقولون لك كمليها بخط يدك عاادي

4- اخر سؤال لا هنتو .. النماذج لو احد يشرح لي ايا منهم لي

اللي لك قلت لك فوق واللي للمرافق نفس اوراقك بالاضاف الى نموذج 157

واذا ما بيدرس لا تجيبي صور شهادات ولا تجيب اي تونتي طبعا لانه مافي
وللمرافق وايا لي انا بس او للمرافق بس
زي ما قلتي انتي بالضبط بس ابوك 157 وانت مافي هذا النموذج وفقط

.. وهل تسديد رسوم التأشيرة تكون لنا حنا الاثنين والا بس انا ؟

لازم تسددي لنفسك رسوم تأشير ة ولابوك وصل ثاني وصوري الوصلين عشان الملحقيه بامريكا تعوضكم وطبعا لانه السفارة تاخذ الاصل ولاتنسي انتي وصل وهو وصل ثاني

وتسددي رسوم السيفس لك وتصوريه كمان واذا المعهد مرسلين لمرافقك اي تونتي

تسددي له

اللي بيرد علي بيكوون ولد حلاااااااااااااااال او بنت حلااااااااااال

بنت حلااااااااااال :heh:

.. ومنجد بيفك ازمة .. لاني احس انه خلاص ممكن اقدم على وظيفة بالهمنتدى او اشتغل قوووقل من كثر ما فرت عيوني ادور لي على معلوماات .. :dead::dead::dead::dead:

بس خلاص .. يعطيكم العافية .. وان شاء الله تعم الفايدة .. :roflmao:

:bye1: :bye1::bye1::bye1::bye1::bye1::bye1::bye1::bye1::b ye1:

---

لاتشيلي هم شئ واي استفسار انا موجودة سمي بالله وكل شئ تمام وترى السفارة ماتخوف ابدا

ما يبي لها شئ غير الدعاء والثقه من النفس فقططط

MADA وو LOLYCAT

اروووح لكم فدوة والله :heart::heart: .. مشكووورين وماقصرتوا .. الله يسهل عليكم وعلينا .. وويوفقكم دنيا واااخرة ..

بردتووو قلبي الله يفرج عليكم وعالكل ... :drool1:

منجد احس نفسي مثقفة الحين .. :gap:

احم احم .. اقوول شباب بنات .. مبتعثيين مبتعثاات ..
اللي يبي يسألني اي سؤال لا يرده الا لسانه.. :bleh:

اخليكم لانه حالة التشقق بتطول شوي :yay:

:v::v::v::v::v:

الله يوفقك ياررررررررررب ...>>>يابنت الحلال
وإنشاء الله الأمور تمشي معاك تمام,,, وإنشاء الله نشوفك تبشرينا عن طلوع الفيزا
وبالنسبة للمقابلة والله ماعندهم ماعند( جدة عم خال أبوي)>>والله المشوار
خخخخخخخخخخخخ
الشغله بسيطة مرة كنك رايحه لصالة سينما,,,, >>>من كثر الكراسي اللي شافها
ححححححححح يوهـ قصدي خخخخخخخخخخخخخ
ولاأبشرك عندهم قناة sky news يعني شوفي أنواع الأخبار,,,
وخلي بالك وسيع وأهم شي مايكون شفاف,,,,,خخخخخخخخ
(هذا بالنسبة للسفارة في الرياض)
والله يوفقك يارب ونشوفك رمز من رموز الوطن ونفتخر فيك وفي أخواتنا الباقيات,,,
وربي يحفظكم...
تشااااااااااااااااااو

اقتباس:

---

المشاركة الأصلية كتبت بواسطة mezagyah

1- حطيت فيزة الوالد F2 وبعدين سمعت انه لازم تكون سياحية .. فهل أغيرها والا اخليها زي ما هي ؟


** لازم تـعـدّلـينها إلى B-2 . لا الأخ ولا الأب يـسـتحقّون F-2 .ـ!!


2- في اخر فقرة يوم تسجل الموعد مكتوب لك جهات الاتصال في امريكا .. كنت اول احسبها شي له علاقة بالقبول وكذا .. بس يوم جا قبولي وعدلت الاتوني ما حصلت شي له علاقة بجهات الاتصال هذي .. وليووومكم ماني عارفة ايش اعبيها!


** مـثل ما الإخـوان والأخـوات قالـوا لك .!.!

3- لا جا وقت المقابلة ( فيس مخترع حددده) :bawl:.. اللي اعرفه انه هذي هي الاوراق المطلوبة :
( نموذج 156 و 157 و 158 + قبولي+ورقة تسديد السيفس+ورقة تسديد التاشيرة+ الصور الشخصية+شهاداتي+الجواز) بس !! في شي ثاني ؟

لا تـنسي تـوقـعي على الـ I-20 والـنماذج . . وبرضوا لا تـنسي مـتـطلبات فـيزا الـسياحية لوالدك :-

جواز سفر - نموذج 156 و 157 - الجوازات السابقة " إذا موجودة " - ايصال سامبا - صورتين شخصية حاسر الرأس خلفية بيضاء - خطاب من العمل تعريف بالراتب والمنصب " إذا موظف " - سجل تجاري " إذا عنده محلات " - كشف حساب أو شهادة بنكية.


4- اخر سؤال لا هنتو .. النماذج لو احد يشرح لي ايا منهم لي وللمرافق وايا لي انا بس او للمرافق بس .. وهل تسديد رسوم التأشيرة تكون لنا حنا الاثنين والا بس انا ؟

بالـنسبة لك :- DS- 156 & DS-158

الـوالد :- DS-157 & DS-156

ورسوم الفيزا من سامبا لكل واحد , اما الـ SEVIS فلك ِ إنت ِ .

اللي بيرد علي بيكوون ولد حلاااااااااااااااال او بنت حلااااااااااال .. ومنجد بيفك ازمة .. لاني احس انه خلاص ممكن اقدم على وظيفة بالهمنتدى او اشتغل قوووقل من كثر ما فرت عيوني ادور لي على معلوماات .. :dead::dead::dead::dead:

بس خلاص .. يعطيكم العافية .. وان شاء الله تعم الفايدة .. :roflmao:

:bye1: :bye1::bye1::bye1::bye1::bye1::bye1::bye1::bye1::b ye1:

---

بالـتــوفــيـــق أخــــتــــي , , ,

بـ النسبه لـ الفيزا F2 ما ياخذها الا الزوجه او الزوج او الاطفال دون 21 سنه ,
لذلك الوالد الله يحفظه ياخذ B2 ’

طبعا لـ الاشياء اللي بتاخذينها , لازم الضمان المالي مع الاشياء اللي ذكرتيها ,
و صورتك لابد تكون واضحه لهم عشان ما يزلعون لك ,


و طبعا أهم شي انك تصورين كل وصل تدفعينه ,
مثلا السيفيس + الموعد " 45 ريال " + التاشيره .. و اي شي تدفعينه , تصورينه لأن القنصليه بياخذون الاصل .. و انتي لا رحتي امريكا ترسلين الصور للملحقيه عشان يعوضونك :D

الحمد الله تم الانتهاء من الابلكيشن ورتبت اورااااااااقي خلص
بس ظهرت لي مشكله من يوم ماقريت الموضوع ....
ابوي تاجر ومثل ماذكر الاخ ممدوح انه لازم يجيب سجل تجاري طيب ماراح يمدينا نجيب الان لان موعدي بكره ايش الحل لازم يكون فيه سجل تجاري ولا مايحتاج؟؟؟؟؟

صحيح نسيت ادعي للموجودين والا راح يسيروا علينا
يااااااارب وفقهم ويسر لهم امورهم
يااااارب يحنن قلب بابا علي ويتحملني لاني بهدلته بالاوراق والطلبااااااااات الله يعين
ادعوا لي

لا مب شرط ,
بما انه تاجر فـ عنده معارف بـ البنك ,
فـ لذلك يطلعون له ضمان مالي خطي , مب شرط سجل ,
يعني مكتوب بالضمان ان عنده هالمبلغ الفلان بحسابه , " بالريال و بالدولار "
و يكتبون انه متكفل فيك و الخ ..

كل البنوك تسويها ..