السفاره هم بالليل وذل بالنهار
السلام عليكم ورحمه الله مساكم الله بالخير تحياتي الحاره لكم
موعدي غدا باذن الله بالسفاره وجهزت كل شي ما بقي الا اوضع بحبل المشنقه ،المعذره على ها الوصف لكن والله ثم والله ان خلال الفتره الماضيه اني عشت ايام عصيبه بسبب ها الابتعاث لكن اوعدكم متى استلم امر الاركاب اني لانزل قصتي كامله اسميها (قصتي مع الابتعاث من الالف الي الياء)لتكون منهاج ونبراس للاجيال القادمه لاني متوقع انها بتكون خالده لانها قصه عجيبه غريبه لكن تبون القصه كامله تنزل ادعولي بالتيسير والتوفيق ارجوكم ،سبحان الله شي غريب هذا ابتعاث والا حكم بالاعمال الشاقه ،لكن عساه تطهير وتمحيص تحياتي وانتظروا (قصتي مع الابتعاث)
رد: السفاره هم بالليل وذل بالنهار
والله مدري وش تفاصيل قصتك .. لكن الاحظ ان المبتعثين شكاويهم واجد خصوصا من السفاره ووزارة التعليم العالي ... ياخوي احمد ربكم تدرسون وتعيشون على حساب غيركم ... والله محد لاقيها الا انتو ..
رد: السفاره هم بالليل وذل بالنهار
اول شي موفق اخوي
ثانيا ترا السفارة ومقابلتها ما تحتاج كل ذي الربشة والخوف
تراها سهلة وتافهه بصراحة
بس خلي اوراقك وتوكل على ربك
وباذن الله كلها اسبوع او 9 ايام بالكثير والفيزا في جوازك
رد: السفاره هم بالليل وذل بالنهار
بالتوفيق ان شاء الله أخوي...
رد: السفاره هم بالليل وذل بالنهار
مشتاقين لقصتك
انا صراحة ما عنيت ابداً او لنقول شي بسيط جداً لا يذكر
اللهم لك الحمد
المشكلة هي وجود ضغط رهيب في السفارة من اجل الفيز
ولا يوجد موظفين كافيين لتغطية هذا الضغط للاسف الشديد
بل حتى النظام عندهم زفت
فيوم رحت لهم كان متعطل ؟؟؟
صراحة قمة في السخافة والاستهتار فينا كـ سعوديين
للاسف الشديد !!
حتى انك تفصح حذيانك
كلام فاضي
بإمكانهم فحصك من إلى عن طريق الاجهزة الخاصه
ليش افصخ حذياني ؟؟
إهانة وقلة حياء
رد: السفاره هم بالليل وذل بالنهار
الله يوفقك يا اخوي واكثر من الدعاء
رد: السفاره هم بالليل وذل بالنهار
مرحبا اخوي مبتعث طازج الله يوفقك ويسهل لك اموورك يارب
ارسلي نزل تحت مبتعث للاتصال
رد: السفاره هم بالليل وذل بالنهار
السلام عليكم ورحمة الله
اتمنى لك التوفيق والله يكتب لك اللي فيه الخير :)
وان شاء الله الامور كلها تكون تمام اهم شي المصداقيه
وبالنسبه للذل والله احس ان العاملين ينتقموون لأن السعوديين دايم شايفييين حالهم على كل خلق الله
اهم شي خلك مبتسم ولا تعصب ايش ما صاار
والله يوفقك يا رب واقرأ سوره يس قبل ما تروح وادعي بتيسيير امورك
رد: السفاره هم بالليل وذل بالنهار
ورد الياسمين
الحق حق
الصراحة كل السعوديين اللي كانوا معي في تلك اللحظات على قمة الاخلاق والتواضع و الانقياد لكل الانظمة واللوائح
لا يوجد اي شي مما ذكرتيه
ومع هذا وذاك
نجد من السفاره التكبر و الإذلال و التحقير و الاستهانه بنا وبوقتنا و بضروفنا
خاصة ذاك الرجل سوداني الجنسية في داخل السفاره الذي يأخذ الاوراق
ناشف جداً جداً جداً وغير متعاون
بل انه وحده لا يكفي على الاقل بحجاه لثلاثة موظفين معه
اما في الداخل فالجهاز عطلان فتره و هناك خلل في الشبكة فتره و التهويه زي الزفت
اما تلك المرآة التي في الخارج فلا بأس فيها ودودة و محترمة و تحترم الاخرين وضروفهم وبحاجة لعدة مساعدين معها
رد: السفاره هم بالليل وذل بالنهار
اخووووووي بالله ما قصدته هو ان السعوديين الله يهديهم شايفين حالهم في كل مكان
ودايم يحسسون الغير انهم اقل منهم في الاماكن العامه
وصارت قدامي مواقف كثيره
وبالسفاره ينتقمون من السعوديين ككل وليس الشخص بذاته وهالشي ناتج عن حقد بسبب موقف مر فيه