الأعضاء الإشتراك و التسجيل

الملتقيات
ADs

مقابلتي بـ القنصليه الامريكيه بـ الظهران " 7 FEB "

مقابلتي بـ القنصليه الامريكيه بـ الظهران " 7 FEB "


NOTICE

تنبيه: هذا الموضوع قديم. تم طرحه قبل 3234 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Un 6aBi3eY
    Un 6aBi3eY

    مبتعث مجتهد Senior Member

    Un 6aBi3eY غير معرف

    Un 6aBi3eY , ذكر. مبتعث مجتهد Senior Member. , تخصصى STUDENT , بجامعة George Mason
    • George Mason
    • STUDENT
    • ذكر
    • VA , FAIRFAX, VA
    • غير معرف
    • Jan 2009
    المزيدl

    February 8th, 2009, 04:12 AM

    السلام عليكم يالزقرت و البنات ,
    تمت المقابله اليوم , والله كان يوم حلو حقيقه لأن الجو كان ممطر بـ الشرقيه ,
    المهم كان الوضع يهيئ الشخص انه بيكون اليوم حلو ,

    انطلقت لـ القنصليه الامريكيه بـ الظهران بعد ما وصلت اخوي لمدرسته لأنها ع الطريق ,
    طلعت طبعا لا فطور ولا شي .. اللهم اشتريت لي ذاك الباور هورس من ميد , و ياهم حراميه ذا الميد .. صا الباور هورس بـ 5 و نص ؟
    ماعلينا ,
    طبعا مع كل لفه ترص البنزين و تزحف فيك السياره ’ يا هو بغيت اجيب العيد بعد خخخ
    و امسك الخط لـ القنصليه ,
    جيت عند التفتيش و يقولي امش , طبعا تعرفون الاستعباط ع الصبح مافيه احلى منه , و اوقف السياره و اساله وين القنصليه , شوي يقولي عطني اثباتك خخخخخخخخخخ يا حلو عساكرنا
    وصلت القنصليه , و الساعه 7 و 20 دقيقه , ادخل
    شوي الهندي يقولي متى موعدك ؟ قلت له 8 و نص ,
    قالي رح ريح بالسياره لين اجي اناديك , لأن الحين يدخلون اللي موعدهم 8 , و طبعا اللي موعدهم 8 مادخلوا الا معنا ..
    و طبعا سحب علي و جاوا ناس قدامي , و دقيتها حنك مع شخصين , واحد جاي من النعيريه , و واحد جاي من الخبر < بالله خخخ
    المهم بعد ما فتشنا ذا الهندي دخلنا ,..

    الوكاد ,

    ان انلطعنا بـ السيب تقريبا ساعه و نص , و بعدين جانا واحد و ماسك زي الريشه بيده و يمسحها ع يدي اليمين و اليد اليسار ,
    بعدين شوي قالي انتظر .. بعدين ناداني , و رحت قدمت ورقة الموعد و الجواز لـ وحده سودانيه , حبيّبه البنت ,
    وسووا لي تفتيش مره ثانيه داخل ,
    بعدين قالت لي انطلق من ذا الباب ..
    و دخلت من الباب . و طلع فيه باب قدام و يفتحه لي اوتوماتيك , و دخلت على ساحه حلوه فيها زرع و شي يفتح النفس ..
    دخلت و خذت رقم , و انتظرت و جاوا الشباب بعدين و جلسوا معنا , و طقيناها حنك و كل واحد يقول وش متخوف منه و الخ , ..
    لين نادت الرقم بالشباك , ورحت لها ,,
    لاحظوا الحين وش صار معي .. كنت جايب ملف , قالت لي ارجع رتب الاوراق المطلوبه حطهم داخل الجواز بعدين تعال , ..
    و ارجع احطهم بعدين رجعت لها .. و شوي دبست الجواز بالورقه الخضرا .. و قالت رح كمل اسامي اخوانك ع نفس الخانه لا تكتب ورا ,
    يعني مثلا حط بمكان الاخت اخت ثانيه و مكان الاخ اخو ثاني و كذا ..
    و بعدين سويت اللي تبيه و رجعت لها بعد ما نادتني ..
    و قالت لي ابصم " قلت تبين ابصم لك على العشره ؟ " خخخخ ياهو صاااروخ "
    المهم طلعت ريحتها بالبصمات .. قاعده تقولي عبدالله انتبه و شوف يدي كيف .. قلت اوه اوه سوري < يعني الانقليزي خخخ
    وبصمت و قالت لي اقعد ,


    طبعا شوفوا الحين خلصت كل شي .. وش بقى يا ترا ؟
    اييه اييه صح عليكم .. المقابله

    المقابله جات , كنت متخوف ,
    ناداني الشباك رقم 3 ..
    رحت .. كان واحد امريكي حبوب والله .. يعني ارتحت وانا اسولف معه
    طبعا اول ما رحت له قالي حط ابهامك ع الجهاز حق البصمات ,
    و قعد يشوف الاوراق و يكلمني , و ترا كان يطالعني بنظرات يبي يخوفني و انا كنت مريح و اجاوبه بكل صراحه ,
    اسالته كانت مباشره ,
    وش سويت بعد الثانويه بما اني متخرج ,
    انت كنت بكلية الجبيل الصناعيه وش سويت فيها ,
    قلت له اني مخلص الاورينتيشن
    ليش طلعت منها ,
    قلت له الوالد تعب و الحمدلله الحين تمام
    طبعا كان يسالني سؤال بالانقليزي و اجاوب بالانقليزي لأنها اسئلة بسيطه ,

    بعدين قالي بعطيك هذي الورقه " الصفرا " ,
    و انتظرنا لين نتصل عليك , و لمن نتصل تأكد انك ترسل التران سكربت حق الكليه عن الاورينتيشن و شهادة الثانويه مع الجواز ,و كشف حساب لأخر 6 شهور ,
    مع العلم اني جايب ضمان مالي ,

    و زاد كلمه , قالي ترا كل هذا عشان نشوفك اذا كنت جاد بالدراسه ,
    قلت له شكرا ً قالي سي يو ليتر عبدالله ,
    قلت ثنكيو و ابتسمت ,



    اللي ابي اوضحه بما اني كنت خايف من المقابله ,
    و اللي عندهم اوراق صفرا ,

    موعد دراستي بـ 20 MAY
    و مقابلتي 7 FEB

    يعني لابد انهم يلطعوني , لأن قانونهم بامريكا يمنع دخول الطالب قبل شهر من الدراسه ,

    و الله يوفق الجميع و ييسر امورهم ,
    بـ الاخير دعواتكم
  2. مبرووووووووووووووووووك أخوي وعقبال الفيزا إن شاء الله ولاتخاف ولد عمي صار زيك بعد اسبوع دقوا عليه قالوله ارسل الترانسكريبت مع الجواز وجاته الفيزا بعدها بأسبوع لا تخاف . وبعدين عندك مجال ليه تظبط أمورك شوف عندك نص شهر فبراير وشهر مارش كامل وشهر ابريل كامل . بالتوفيق أخوي .
    7 "
  3. بالتوفيق

    الله ييسر امور كل الطلاب


    كيكه نفس حالتي انا بعد انتظر فيزة اخوي وبحاله ما يعلم فيها الا الله

    أجلت دراستي شهر وشكلي بأاجلها شهر ثاني والشكوى على الله


    حسبي الله عليهم سفارة ما ادري من وشو خايفين؟
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.