نداء إلى كل أم مبتعثة

السلام عليكم ورحمة الله ...

كيفكم يا أمهات وكيف الدراسة معاكم ؟؟!! إن شاء الله كل شي تمام التمام

ندائي لكم أتى من باب مخاوف تروادني بين الفينة والأخرى في قضية الإبتعاث والإغتراب
رغم اني ولله الحمد انسانة طموحة مستعدة بجانب زوجي لمواجهة جميع الصعاب والعقبات في سبيل تحقيق ما نهدف إليه ...

فلا اللغة ترهبني .. ولا الإغتراب يرددني .. ولا البعد سيثنيني عن تحقيق مرادي بإذن الله

لكن جلّ ما اخافه هو على ابنتي ذات العامين - الله يحفظها ويحميها -

اخاف أما ان اقصر بحقها أو أن تكون عائق لإكمال دراستي وناهيك عن التفكير الوارد لحمل مستقبلي وولادة وما إلى ذلك...

وأعتقد ان الأمور في الغربة ستكون أصعب بكثير مما هي هنا بحيث انك في غربة لا أهل لك يمدون يد العون ..

طيب لو قلنا أن وقت وجودك في الجامعة ستكون ابنتي في الحضانة طيب وقت ماتكونين في البيت كيف يكون الوضع؟؟

البيت يحتاج لتنظيف وطبيخ والإبنة محتاجة لرعاية ووقت والجامعة محتاجة لدراسة مكثفة (طبعا ما ذكرت زوجي بإعتبار انه في صفي وسيقدر الأمور وهو بإذن الله كذلك)

فطلبي منكن ايتها الأمهات أن تطمونني من هذه الناحية وتذكرولي كيف هي احوالكم وكيف تديرون أموركم...

وياليت كل وحدة تذكر تخصصها وبأي جامعة هي

شاكرة لكم حسن استماعكم وبإنتظار مشاركاتكم القيمة :blush:

معقولة ولا رد؟؟؟
وين راحوا الأمهات ؟؟؟
ولا امكن حايسين مع الدراسة والمسؤولية ..
ما أقول إلا الله يعينكم ويوفقك يارب

هلا حبيبتي
ياقلبي لاتشيلين هم ولاتفكرين تتعبين نفسك
انا مثلك عندي ولد عمره سنتين ونص وباخده معايا وان شاء الله اول مااوصل بادور على حضانات واذا ماحصلت زوجي موجود يمسك ولدي الحمدلله مره معاون بس الرجال مو مثل بعض

انا من الناحيه هذي مو شايله هم مرررره

انا ادررس بمعهد elsبولايه تكساس مدينه هيوستن وانشاء الله لما اروح هناك اقدم على الجامعات

سي يووو

الله يسرلك الخير
ويعينك ويوفقك في دراستك يارب

Samsor
اهليين حبيبتي
والله انا نفس مشكلتك افكر ببنتي :(
المشكله عمرها سنه ولسه يدووب تمشي كم خطوه وتطيح .. <<اش دخل :alien1:
اشايله همها مرا وهي مرا متعلقه فيا بالذات اني جبتها بعد كاخلصت الجامعه ووجهي بوجها 24 ساعه,,
اخاف لو وديتها حضانه ماتتاقلم بسرعه ولا شي,,

بس ماقول غير ربنا ييسرها عليا وعليكي وعلى كل الامهااات ان شاء الله ,,

وترى لازم التعاون بينك وبين زوجك .:rambo: .يعني عوديه من دحين اذا هو من النوع الي مايعرف ,,
لان انا بصراحه اشوف الحمل كثيير يخف على الوحده لو ساعدها زوجها وكان في تفاهم ...

بالتوفيق لنا جميعااا..:wink:

يا حبايبي يا حلوين اانا ام جيت بريطانيا وعمر بنتي 8 شهور وبحكم كنت منفصلة عن زوجي اضطرت اني اخلها عند ماما الين ماتكبر شوي والحين هيا معايا ودخلتها الحضانة والسنة ذي دخلتها المدرسة.

هو الموضوع يبغالو شويت جهد من الظرفين وانتو اوضاعكم احسن مني لان ازواجكم معاكم.
حاولو انكم تطلبو المساعدة والحضانات هناك ممتازة انا بنتي جاءت حتى مو متعودة عليا بس من جد الحضانة كويسة وكل شي ربي سهلو.

التنظيف مو كل يوم كنيس واهم شي البيت في غسالة صحون عشان الوقت اما الاكل راح تتفاجئ انكم ماراح تعملو نفس الاكلات في السعودية لكن الاكلات السريعة اما الي تطول فا الويك اند هو وقت الطبخ.

اختي كمان عملت شي كانت تطبخ اربع اصناف في الويك اند وتحطها في الثلاجة وتحميها خلال الاسبوع.

الله راح يسهلها وكمان ممكن الزوج يساعد ويحط ايدو في المطبخ شوية مافيها شي يعني هو يدرس انت تطبخي وبعدين انت تدرسي وهو يمسك بنتك.

اهم شي خلي بنتك ليها روتين تنام وقت معين بدري عشان انت يكون عندك وقت تعملي دروسك

الله يسهلكم

الله رحيم وبيسهلها بإذن الله كل شي بدايتة صعبة لكن تمشي الحياة وتمر الأيام تمنياتي لكم بالتوفيق جميعا..