الله لايحرمكم الاجر(ساعدوني بـ اسئلتي )
السلام عليكم ورحمه الله وبركاته
هذي اول مشاركه لي معكم، فمن هذا المنطلق احب اهني الإداره على هالمنتدى الاكثر من رائع فاتمنى دوما السعاده والتوفيق للقائمين هذا الصرح من اداريين واعضاء .
فـ اتمنى ان اكون عضو خفيف على قلوبكم العامره بطاعه الله
عندي استفسارات مسببه لي عايق فوالله عندي العلم انكم مانتوا مقصرين معاي
باختصار
انا مبتعث عن طريق الوزاره فـ انتظرت فتره تقريبا 20 يوم الا واجد اتصال من مكتب ايجيك ويقول حصلنا لك قبول لغه بمعهد ELS بمدينه جراند رابيدز في ولاية ميتشيجان بامريكا طبعا قال لي المكتب (السيد أحمد) الان قدم على الفيزا وحط موعدك بعد اسبوعين عشان يوصلنا قبولك بالجامعه وتقدمه على السفاره
السؤال الاول / ماهي الخطوات عشان اقدم على فيزا مع شرح مبسط ؟
السؤال الثاني / متى اخذ الضمان المالي من الوزاره ، هل قبل تقديم الفيزا او بعد ؟
السؤال الثالث / ماذا تعرف عن مدينتي ( من ايجابيات وسلبيات ) ؟
اعتذرعن الاسئله الكثيره والاطاله فـ تاكد اخوي -اختي : ان من فرج عن مسلم كربة فرج الله عنه كربة من كرب يوم القيامه.
لكم مني ورود هـ الكون
رد: الله لايحرمكم الاجر(ساعدوني بـ اسئلتي )
اقتباس:
المشاركة الأصلية كتبت بواسطة moad3
السلام عليكم ورحمه الله وبركاته
هذي اول مشاركه لي معكم، فمن هذا المنطلق احب اهني الإداره على هالمنتدى الاكثر من رائع فاتمنى دوما السعاده والتوفيق للقائمين هذا الصرح من اداريين واعضاء .
فـ اتمنى ان اكون عضو خفيف على قلوبكم العامره بطاعه الله
عندي استفسارات مسببه لي عايق فوالله عندي العلم انكم مانتوا مقصرين معاي
باختصار
انا مبتعث عن طريق الوزاره فـ انتظرت فتره تقريبا 20 يوم الا واجد اتصال من مكتب ايجيك ويقول حصلنا لك قبول لغه بمعهد ELS بمدينه جراند رابيدز في ولاية ميتشيجان بامريكا طبعا قال لي المكتب (السيد أحمد) الان قدم على الفيزا وحط موعدك بعد اسبوعين عشان يوصلنا قبولك بالجامعه وتقدمه على السفاره
السؤال الاول / ماهي الخطوات عشان اقدم على فيزا مع شرح مبسط ؟
السؤال الثاني / متى اخذ الضمان المالي من الوزاره ، هل قبل تقديم الفيزا او بعد ؟
السؤال الثالث / ماذا تعرف عن مدينتي ( من ايجابيات وسلبيات ) ؟
اعتذرعن الاسئله الكثيره والاطاله فـ تاكد اخوي -اختي : ان من فرج عن مسلم كربة فرج الله عنه كربة من كرب يوم القيامه.
لكم مني ورود هـ الكون
بأجاوبك على الاسئلة اللي اعرفها :cowboy:
السؤال الاول / ماهي الخطوات عشان اقدم على فيزا مع شرح مبسط ؟
باكتبها لك على خطوات بتجهيز الاوراق وبعدين التنفيذ
التجهيز
1- جهز ورقة الأي تونتي مع قبول الجامعه
2- صورة من الجواز ملونه
3- صورة لك 5×5 خلفيه بيضا بدون اي تعديلات عن طريق الكمبيوتر
4- الجواز + الجوازات القديمه
5- استمارة 156 + 157 + 158 (تلقى روابطها في قسم التاشيرات بالمنتدى)
6- شهاداتك (مترجمه طبعا) كلها واذا كنت مشتغل قبل كذا حط لهم الاثباتات
التنفيذ
1- عب استمارة 156 (لازم تعبيها من الموقع وتكون عندك طابعه عشان تطبعها تلقى لها شرح كامل بقسم التاشيرات)
2- عب استمارة 157 و 158
3- سدد السيفيس واسهل لك طبعا بالماستركارد عشان ما تتاخر بوصول الاوراق وكذا ولازم تكون عندك طابعه طبعا (تلقى شرح في قسم التاشيرات برضو)
4- سدد مبلغ السفارة عن طريق البنك الامريكي اون لاين (اذا كان عندك حساب) او روح لاي فرع وعب الاستمارة وبس
5- ادخل موقع السفارة وسجل لك يوزر وادفع رسومه واحجز لك موعد (فيه شرح برضو بقسم التاشيرات)
6- وانتظر الموعد وخذ كل اوراقك مع صور لها وبس
وصدقني لا تخاف من السفارة لا يهمونك كلام اللي هنا يقولون نرفزه واهانات ومدري ايش
قسم بالله شفني احلف لك ما فيه احلى من تعاملهم راااااااااااااقي بشكل ما تتصور وراحه ولا فيه اي شي اصلا يدعو الى انك تخاف اجراءات سهله ولا فيه اي شي يدعو الى انك تخاف
انا كنت قبل اقرى مواضيعهم وكنت متخوف لدرجه ما تتخيلها لكن يوم شفت الامر قدامي انصدمت صراحه قلت وراهم يقولون كذا و و و وحتى القنصل عسل بشكل ما تتصور
السؤال الثاني / متى اخذ الضمان المالي من الوزاره ، هل قبل تقديم الفيزا او بعد ؟
بالسفارة ما راح تحتاج ضمان مالي اذا انت مبتعث وخلاص يعني متاكد من الوزارة انك مبتعث وكذا خل في بالك ان الوزارة راسله خطاب الى السفارة تبين لهم هالشي والسفارة تنتظر حضورك وكل شي مبين عندهم
اما بالنسبة للسؤال الثالث
ولله كان ودي اخدمك فيه لكن ما عندي معلومه عن المدينة
وبالتوفيق لك
رد: الله لايحرمكم الاجر(ساعدوني بـ اسئلتي )
رد: الله لايحرمكم الاجر(ساعدوني بـ اسئلتي )
الله يجزاك كل الخير ويوفقك ويسهل دروبك
ونشوفك كبير ائد الدنيا بـ دينك ومستواك التعليمي
طيب ماهي الطريقه عشان اعرف ان الوزاره خاطبت السفاره بخطاب بخصوص الضمان المالي ؟
ماذا تعرف عن مدينتي او الولايه لجميع الاعضاء؟
فيه طريقه اسدد رسوم النموذج اللي بالموقع غير الفيزا ، مثلا (ايداع) هي طبعا والسيفيس؟
رد: الله لايحرمكم الاجر(ساعدوني بـ اسئلتي )
اخوي وش الفرق بين سداد السيفيس وسداد مبلغ السفاره
مع العلم اني سددت فقط 498ريال بالبنك الامريكي عن طريق ايداع
رد: الله لايحرمكم الاجر(ساعدوني بـ اسئلتي )
رد: الله لايحرمكم الاجر(ساعدوني بـ اسئلتي )
اخوي الله يوفقك
لازم تسدد رسوم السيفس عن طريق الانترنت
ولازم تطبعها واهم شي انك تتأكد انك مجهز كل الاوراق ولا تنسى منها شي علشان ما يعطلونك
رد: الله لايحرمكم الاجر(ساعدوني بـ اسئلتي )
الله يسعدكم ويسهل اموركم ويفرج همكم
ابي اجابه وافيه بخصوص هالسؤال ولايهون من رد على بخصوص هـ الشي
وش الفرق بين سداد السيفيس وسداد مبلغ السفاره
مع العلم اني سددت فقط 498ريال بالبنك الامريكي عن طريق ايداع
رد: الله لايحرمكم الاجر(ساعدوني بـ اسئلتي )
اقتباس:
المشاركة الأصلية كتبت بواسطة moad3
الله يسعدكم ويسهل اموركم ويفرج همكم
ابي اجابه وافيه بخصوص هالسؤال ولايهون من رد على بخصوص هـ الشي
وش الفرق بين سداد السيفيس وسداد مبلغ السفاره
مع العلم اني سددت فقط 498ريال بالبنك الامريكي عن طريق ايداع
اعتذر لك عن التأخير يالغلا
شوف يالغلا سداد البنك الامريكي فلوسه تروح للسفارة نفسها يعني تعتبر هذي رسوم للسفارة
اما السيفيس فهو رقم يصير مكتوب في الاي تونتي اللي معطينك اياه المعهد لازم تثبته عشان يكتب لك الرقم في الفيزا حقتك وهو شرط انك تقدمه بالمطار (الاي تونتي اقصد)