عيني بعينك يا وزارة .............. والوعد ديوان المظالم .

تقولون وتعلنون ان في ابتعاث وتحطون شروط كنكم جايين من كوكب اخر ما تعرفون عيالنا ومستواهم ...................ما قلنا شي .

نراجع وزارتكم وأداراتكم ومواعيد ما فيها مراعاه للي جاي من مناطق بعيده وتجاهل لظروفهم ............ما قلنا شي .

عيالنا يستوفون الشروط ويسلمونها لكم رغم التذلل لموظفيكم ويلاقون معامله كلها تكبر وعنجهيه ...................وصبرنا وما قلنا شي .

نرمي وجيهنا لوكلات السيارات وكفلاء ونتسلف ونسفر عيالنا على حسابنا على امل التحاقهم بالبعثه .........وترفضون ..........................ما قلنا شي .

نطلع عيالنا من جامعاتهم وتحت نظركم ونظر مسؤلين الجامعات عشان مواعيد السفر اللي هي بالقطاره ...................برضو ما قلنا شي .

تشوفون المكاتب اللي نتعامل معها عشان تخاطب المعاهد والجامعات تلعب بنا وانتو تدرون انهم لعبو با اعصابنا ولا سويتو شي ...............................برضو سكتنا ولا قلنا شي .


تشوفون الخطوط السعوديه برحلتها الأسبوعيه ( اليتيمه) تتلاعب بعيالنا وحجوزاتهم واختلافها مع مواعيد مباشرتهم للمعاهد والجامعات وساكتين ......................برضو رضينا وانرضينا .


عيالنا يراجعون الملحقيات من يد مصري الى يد فلبيني الى يد عفاريت الين يوصلون لملحقيتكم ومواعيدهم اللي الى ومن السفاره على يد مزاج موظفين الملحقيه المتعنجهين على ( اولادنا ) ....................برضو ما قلنا شي (اكلنا تبن وصبرنا ).


تجي خطابات التحاق للبعثه لبعض الطلبه ويجي موظفين الملحقيه يسوفون بعدم الرد على ارقام تلفونات الملحقيه عند استفسار او اتصال من الطلبه على امورهم ................برضوه تحملنا واكلنا تبن .

ارقام الوزاره وموقع الوزاره لا يتجاوب مع استفسارات الطلاب والأهالي ولا فيه وسيله للتواصل ((((أبدا )))) ولا فيه نفي اعلامي للأشاعات اللي لعبت بالاف الطلبه واهلهم فهاذا شي نقول يخص الوزاره ولا يخص الاف الطلبه (حسب العاده ) برضو ما قلنا شي .


أما
أما
أما
ان وزارة تتبع لحكومة المملكه العربيه السعوديه
تصرف((((((((((((((( تذاكر)))))))))))))))))))) لعيالنا الى دول اخر وبعدين الملحقيات يرفضون التحاقهم بالبعثه فهاذا شي خطير .
اما اما
ان موظف بالملحقيه يصرح با أن اي قرار من الوزاره موقع با أسم وكيل او وزير بالتحاق طالب بالبعثه لن يلتفت له الا اذا صار قرار من لجنة الجلسات فهاذا شي خطير .
اما ان
موظف بالسفاره يطلب من طالب انه يراجع الملحقيه وبينه وبين الملحقيه ساعات من بالطياره فهاذا شي خطير .

أما ان قراركم الأخير بوجوب ان يكمل الطالب سنه لغه وثلاثين ساعه واللي تكلف على الأقل ميتين الف ريال ولا قال هالكلام الا موظف بالملحقيه وبعد ما عيالنا سافرو وخسرنا عليهم(((((( استطاعتنا )))))) ولاقلتوه لنا هنا ببلدنا فهاذا شي خطير جدا .

بعثه لطلب العلم
صارت بعثه كلها قلقل لأم واب وطالب ...صارت وصارت وصارت ....صارت قلقل وضياع احلام وأمال يتبعها قهر ومن يتحملها يا وزارة .

هلا اخوي يعطيك العافيه ..
الله يعين وييسرها ان شاء الله

بس بسألك ... هالاشياء اللي تصير بهالوزارة ..

بتقوول لي ما في احد يدري وش يصير ؟؟؟ العفو مستحيل ...

ويعني شروطهم ومزاجيتهم .. يعني غريبه على وزاراتنا ؟.. وخصوصا هالوزارة

ولو فرضنا ان احد ما يدري وش بيقولون .. وش مبررك .. وش راااح تكووون تبريرااتهم ..

بيني وبينك .. انا معاااك .. ولو تبي نتدخل على الوزير ... ولو بالغصب دخلت وتفاهمت معااااه ...






انفخ ياشريم قال مامن برطم

هم قالوا مو اذا عطيناكم تذاكر يعني قبلنا عيالكم


انا ما ادافع عن الوزارة 99% من كلامك صحيح


بس وش تسوي لازم مجلس الوزراء او مجلس الشورى يدخل


في الموضوع


لانه صار الوضع لا يحتمل



والله يوفق الجميع

اوف كل هذا
انا معك في بعض الكلام
وبالتوفيق

اقتباس:

---

المشاركة الأصلية كتبت بواسطة BdOoOon EseEM

هلا اخوي يعطيك العافيه ..
الله يعين وييسرها ان شاء الله

بس بسألك ... هالاشياء اللي تصير بهالوزارة ..

بتقوول لي ما في احد يدري وش يصير ؟؟؟ العفو مستحيل ...

ويعني شروطهم ومزاجيتهم .. يعني غريبه على وزاراتنا ؟.. وخصوصا هالوزارة

ولو فرضنا ان احد ما يدري وش بيقولون .. وش مبررك .. وش راااح تكووون تبريرااتهم ..

بيني وبينك .. انا معاااك .. ولو تبي نتدخل على الوزير ... ولو بالغصب دخلت وتفاهمت معااااه ...






انفخ ياشريم قال مامن برطم

---

لا تدخل على الوزير .....الوزير عارف وساكت .

اقتباس:

---

المشاركة الأصلية كتبت بواسطة طالب الحور العين

هم قالوا مو اذا عطيناكم تذاكر يعني قبلنا عيالكم


انا ما ادافع عن الوزارة 99% من كلامك صحيح


بس وش تسوي لازم مجلس الوزراء او مجلس الشورى يدخل


في الموضوع


لانه صار الوضع لا يحتمل



والله يوفق الجميع

---

عجيب
يعني يعطون عيالنا تذاكر ويسفرونهم عنا ثمن نبحل بهم حنا يالأهالي بالصرف عليهم بالدولار .....ليه .
ليه ما يقولون لنا خلو عيالكم ينثبرون في جامعاتهم .....ليه يمنون عيالنا بالأبتعاث ثمن يخلون موظفينهم بالملحقيات يمرمطونهم .......حنا بن سعود عزنا وكرمنا في بلدنا ..وتجي هالوزاره على تالي اعمارنا تمرمط عيالنا في ديار الغربه .
وش هالوزاره اللي مخليه انظمتها كيف وكيف ....ليش ما تحس فينا وتحس بعيالنا .......ليه ما يكون عندها وضوح في تعاملها مع الطلبه.ليش اللغمطه والشوشره ما تنفيها وتعدلها وتوضحها .

اقتباس:

---

المشاركة الأصلية كتبت بواسطة بحر عيونك

اوف كل هذا
انا معك في بعض الكلام
وبالتوفيق

---

موضوع من مواضيعك يقول ( تكفون اللي عنده معلومه )
وين الوزاره ما توضحها بموقعها
وش عند الوزاره غير الطلاب
وش عند الوزاره يومنها ما تكون شفافه في موقعها
وش هي هالوزاره اللي ما تكلف احد موظفينها يناوب على الموقع ويرد على اسئلة الأهالي والطلاب .
وش ناقصها .
وش بينقص منها
وزاره عملها حساس جدا
ما تهتم اهتمام حظاري
يا كم ويا كم ام واب وطالب دعا عليهم .

ياخي كل هالاشياء تهون والله عند الخبر الجديد ... جثة طالب سعودي تجلس ايام في مستشفى في ولاية كنساس لان موظفي السفاره مشغولين باجازة نهاية الاسبوع ... بالله عليكم فيه انسان حقير وقليل حيا يسوي كذا ؟؟؟

يا جماعة الخير .. هذي جثة بني آدم مو عفش زايد او شنطه ضايعه !!!!! على الاقل فكرو في ام هالولد المسكينه .. زياده على خبر وفاة ولدها ما تدري وينه فيه ومتى بتجي جثته ... من جد ارتفع ضغطي من هالسفاره ومن كل ادراتنا الحكوميه التعيسه .. الله يصلح موظفينها او يقلعهم عن وجيهنا ... قسم بالله اغلب الموظفين لحكوميين اقرفونا بحياتنا .. كل همهم التنكيد وتاخير المواطن ...

خلاصة الكلام ... مالنا اي قيمه عند حكوماتنا ... وشفنا تعامل احسن مليون مره من حكومات غيرنا لنا

اقتباس:

---

المشاركة الأصلية كتبت بواسطة SA Master

ياخي كل هالاشياء تهون والله عند الخبر الجديد ... جثة طالب سعودي تجلس ايام في مستشفى في ولاية كنساس لان موظفي السفاره مشغولين باجازة نهاية الاسبوع ... بالله عليكم فيه انسان حقير وقليل حيا يسوي كذا ؟؟؟

يا جماعة الخير .. هذي جثة بني آدم مو عفش زايد او شنطه ضايعه !!!!! على الاقل فكرو في ام هالولد المسكينه .. زياده على خبر وفاة ولدها ما تدري وينه فيه ومتى بتجي جثته ... من جد ارتفع ضغطي من هالسفاره ومن كل ادراتنا الحكوميه التعيسه .. الله يصلح موظفينها او يقلعهم عن وجيهنا ... قسم بالله اغلب الموظفين لحكوميين اقرفونا بحياتنا .. كل همهم التنكيد وتاخير المواطن ...

خلاصة الكلام ... مالنا اي قيمه عند حكوماتنا ... وشفنا تعامل احسن مليون مره من حكومات غيرنا لنا

---

لا حبيبي
الحكومه ما منها غلط ....الغلط انها طيبه ورقيقه ...وبعيده عن الشده بس انا ما ابي كذا ابي نظام يوقف كل واحد عند حده .

يا اخي عمرنا في السعوديه وفي بلدنا ما حسينا بالأهانه والشاذ لا حكم عليه ////وحتى لو صارت تجاوزات بيننا ونسد رقعة بعض ....بس توصل المواصيل ان هالوزاره واسمها وزاره محسوبه / انها تهين مواطنيها وتطنشهم وتهملهم وتحقرهم وترميهم ووين ........في ديار الغربه .........في ديار ودول ما تعرف الرحمه ........انت تتكلم عن جثه وانا اتكلم عن شخص حي راح يدرس عاملوه معاملة جثه........اسمح لي .
ولد عمره 18 سنه او 19 او 20 يسكن بفندق على حساب اهله والغرفه اللي بجنبه ساكن فيها سوداني او مغربي ساكن على حساب دولته .......والوزاره تتمنن عليه بانها حطت سياره تاخذع للسفاره من الصبح ولا يرجع الا الليل وكل شغله نصف ساعه .....وقف.

اخي الغالي

قول لا إله الا الله

وصلى على النبي

فترة وتعدى بسرعة

اعترف حقيقة ان في تسيب في بعض موظفين الملحقية وخاصة قسم الدراسين على حسابهم الخاص

وقد لاحظت ذلك من خلال تعاملي معهم وللاسف المكان المناسب لرجل غير المناسب في هذا القسم

ولكن لى استفسار هل ابنك تم ضمه في البعثة مبدئيا عن طريق موقع التعليم العالي

بمعنى هل تم الحاق الطلاب وباقي في انتظر صدور قرار الابتعاث

في هذه الحالة ما عليك الا الذهاب الى الوزارة عناية الدكتور ماجد الحربي وان شاء الله ما يسير خاطرك الا طيب الرجال اجودي وراح يقدر ظروفك وتقدر تاخذ صورة من القرار وترسلها الى ابنك

وعلى طول يراجع الملحقية يوم واحد واسبوع والمكأفاة نازلة ولا يطلع من الملحقية الا ومعه الضمان المالي حق المعهد


اتمنى الله يفرج الهم عن طلاب وطالبة

ولعل فيها خيره حيث اعتقد ان هذه المشكلة راح ترفع مستوى المسؤلية لدى ابنك الكريم

الله يوفقه


تحياتي