رحلة الرياض - واشنطن بتاريخ 18/3

الله ييسر أمرك أخوي هموم مبتعث ..

وبتنور الرحلة خيوووو ,,,


موفق إن شاءالله ...

أخوي هموم مبتعث ..

الله ييسر أمرك ..

وبتنور الرحلة ...


موفق إن شاءالله خيووو ...

يا شباب ادعوا لي بالله

يا رب يسرها لي

بدء العد التنازلي للرحله

كيف الاستعدادات؟؟

الله يوفقك أختي لولي كات ويوفقنا جميعا ..


بالنسبة لاستعداداتي إن شاءالله انها تمام ..

فاتح الشنطة وكل يوم أرمي فيها شي

واذا ضيعوني اخواني يحصلوني بالسوق



موفقه خيتوووووو ...

السلام عليكم

ما ادري وش ترتيباتكم بالنسبة للسكن
انا ما سويت شي بالنسبة للسكن وما ادري وش بسوي

وبعدين بالنسبة للاستقبال في المدينة اللي بيدرس فيها الواحد ما نستقتلها

انصحوني
انصحوني
انصحوني

اهلا اهلا

<--- ياهو محيوووووووووووووووس

محمد كل الاشياء اللي قلت عليها انت يتكفلون فيها المعهد

يعني انت راسل المعهد قل ابي سكن وهم يدورون لك على سكن سواء مع عايلة او بدون وعلى حسب شروطك (طبعا عليها رسوم)

واذا تبي احد يستلمك من المطار، مدري المعهد اللي انت فيه عنده هالخدمه او لا

لكن انا المعهد اللي باروح له يقولون فيه امكانية بس لازم ادفع 65 دولار

فقلت حرام يعني اخذ لي تكسي ارخص ^_^

فانت راسل المعهد او ادخل على موقع المعهد وبتلقى فيه كل المعلومات اللي تبيها

واذا ما تعرف انجليزي هات رابط معهد وباذن الله ماني مقصر معك

ياهلا بكل من معنا بالرحلة

احد راسل الملحقية عشان الاستقبال في المطار

ودنا نروح وانا مطمئنين ما ننحاس في واشنطن

وبعدين وش الاوراق اللي ناخذها معنا من الرياض

وصحيح ان دفتر التطعيمات اللي اخذها الواحد طول حياته مهمه ناخذها
واذا كانت مهمه هي مكتوبة بالعربي

افيدونا

اهلا دفتر التطعيمات ترجمه من اي مكتب معتمد وروح الوزارة الخارجيه

يختموها لك عشان يصدق وهو مهم عشان بعدين لمى تدخل جامعه فيه بعض

الجامعات تطلبها وفيه بعض المعاهد تطلبها انت خذها احتياطا مل بتخسر شئ

وادخل موقع الملحقيه في اميركا راح تشوف وش الطلبات بالكامل

هلا والله يا اخوان ..

انا ان شاء الله راح اكون معكم على نفس الرحله...


لكن السؤال الحين أرسلتو الاوراق المطلوبه للملحقيه...وهل رايكم احجز فندق في واشنطن ولالا؟

بالنسبه لدفتر التطعيمات انا سمعت انه مو مهم مره ..ولا انا غلطان...

هلا بك أخوي هموم مبتعث ..


بتنور الرحلة خيوووووو ...


بالنسبة لشهادة التطعيم لازم لازم تترجمها ..


أما موضوع الملحقية اللي اعرفه انا ان اي طيارة سعودية يكون فيه شخص من الملحقية يستقبل الطلاب الموجودين عليها ..

لكن


من باب الحرص انك تراسل الملحقية بموعد الوصول ..

وهذا الشي انا بسويه ان شاءالله , يعني زيادة حرص ..


موفق يالغلا ,,


تحياتي لك ...