ايه وش دخللك ان شاء الله اخذ البيت كله كل واحد حررر في نفسه
عرض للطباعة
ايه وش دخللك ان شاء الله اخذ البيت كله كل واحد حررر في نفسه
هلا بالحبايب
ياشباب
ما يحتاج لاتاريخ صلاحية ولا شي
انا اخذت الشغلة كلها باكياس عادية
والله لا احد تكلم ولا شيء
صدق عفسوا الشناط وفيها اشياء فقدتها بس مو القهوة ولا الجنزبيل ولا الحوايج تبع القهوة ولا البهارات
كلها بدووووون تاريخ انتهاء
تدروووووون انه كان معي شبه مطحونه
شكلها زي الهروين
وماقاوا فيها شيء
لا تشيلوا هم ترى الدعوة سهالات
وماتحتاج ذا الكلام كله
تراكم رايحين لأمريكا مو لمعتقل
بعدين الدولة الله يحفظها مضبطه امورنا كلنا
مرة حلو فكرة المهباج
وباقي الاشياء نشتريها من هناك افضل زي الشامبو
والكماليات ناخذ بس حق
كم يوم افضل عشان اغراضنا ما تنحاس
Up Up Up Up Up Up Up UP UP
للأهمية :)
توصل بالسلامه يا عبودي وانا والله اعيد واكرر عليك انك لازم تاخذ معاك اهم اهم اهم اهم اهم شي هو المضاد الحيوي لانهم هناك لو يشوفون الواحد بيموت وحارته وصلت 1000 ماراح يكتبون له مضاد بيقولون لك خذ بنادول .. اي بنادول الله يعطيهم العافيه فأحسن لك خذها من هنا .. وان شالله ماتحتاجها ولا تشوف شر
الله يعطيك العافية أخوي خالد على التنبيه ..
شاكر لك مرورك ..
موفق يالغلا ...
بنات الله يسعدكم انا ان شاء الله مسافره شهر6- 2009 لامريكا ابي استفسر عن كم شغله الشنط كم اشيل معي لي ولزوجي كم شنطه العطور الكريمات الزيوووووووووووت البخور المبخره اقدر ادخلها بين الملابس طيب اذا اختصرت على شنطتين وزن كل وحده 30 او40 يبقى لي كم كيلو اقدر اشيل معايه في الطياره كرتون احط فيه البهارات وبن وهيل وقرفه وكل ذي الشغلات ويكمل بقيه الوزن لوزاد وزن الشنط والكرتون عن المسموح هل تكون الزياده عن كل كيلو زايد او عن كل شنطه وكم تكون الزياده بالريال او الدولار شنطه اليد ايش اخذفيها غير الجوال اواتركها و الشنطه موحق الملابس الكبيره الثانيه الوسط تشيلينها باليد تكون حولك تاخذين فيها ملابس لوحابه تغيري عبايتك او ملابسك اقدر اخذها زياده فوق الشنط هل تنوزن او لا ابي اعرف ايش اخذفيها غير الملابس طووووووووولت عليكم لكن ماعندي غيركم وماني فاهمه شي
الله يعطيكم العافية ..
موضوع جداً رائع ..
لكنّ أنا قرأت بعض الردود حسيت إنّي رايح موزنبيق مهوب أمريكا ههههه
الشباب قالوا أكثر منّ مرّة إن فيه شغلات ( لازم ) تجيبها معك نظراً
لندرتها و غلاء أسعارها مثل الفيش و المحوّل ..
أما كريمات ، مزيل عرق ، شامبو ، صابون ...الخ ، سلامات ؟! http://www.mbt3th.us/vb/images/icons/icon10.gif
كل هالشغلات تشتريها من هناك ..!
شخصياً ، و مع كثر السؤال و التجربة .. وجدت أهم الشغلات :
- ما تهمني القهوة ولا أحبها لأنها تجيب لي حموضه http://www.mbt3th.us/vb/images/icons/icon10.gif لكن اللي ودّه بتمر و قهوة و هالشغلات أفضل له يكون مكيّـس و مكنـوز في كيس مفرغ من الهواء على أساس
ما تتعفن أو تفسد أو شئ مثل كذا ، و مع العفش عشان ما أحد يقروشك عليها !
- القرآن ، و السجّادة .. و بوصلة إن كان ودّك ! .. و بقيّة شغلات الصلاة بالنسبة للبنات !
، و شئ حلو لو تأخذ لك ( ساعة الفجر ) الكبيرة - مش اليدوية - ، تعلمك بأوقات الصلاة
و فيها قبله و تنفعك في رمضان و فيها منبه ، أنصح الجميع فيها !
- بخصوص القدور و الأباريق و الدلال ، ناس تقول جيبها عادي .. و أنا بصراحه أشوف إن
الواحد ممكن يسافر هناك و يدوّر خاصةً في ول مارت ، و إذا ما لقى يشحون له أهله
اللي يبي و سعر الشحن أشوفه رخيص !
- خط الكهرباء في أمريكا معروف إنه 110 فولت ، جبّ معك محوّل ممتاز إذا تحتاج ..
و أهم شئ الأفياش ! .. ضرورية جداً جداً ..!!
- بخصوص أصحاب جوالات النوكيا ، من مجرّب سبق و أنا أكل مقلب http://www.mbt3th.us/vb/images/icons/icon10.gif .. خذوا معكم
شاحن أو إثنين بعد ، لأن شواحن النوكيا هناك نااادرة لأنه جهاز غبي أصلاً http://www.mbt3th.us/vb/images/icons/icon10.gif و غالية مرّة !
أو أوّل ما توصلون هناك توجهوا لأقرب محل AT&T و إشتروا أيفون أفضل لكم هههه http://www.mbt3th.us/vb/images/icons/icon10.gif
- فلوس حقّ الرحله و أول الأيام ، أو شيكات سياحيه من نوع أميركان إكسبربس أفضل ! ..
و طبعاً يمرّ سامبا و يطلع ماستركارد <-- هاذي ترى من عندي ، بس كذا نصيحه يعني http://www.mbt3th.us/vb/images/icons/icon10.gifو اللي يبي يجيب بطاقة الصرّاف السعودية ممكن برضو بس يأخذون على العمليه الوحده
الظاهر 30 ريال ، بس حلوه تنفع و تفك أزمااات - إسئلوني عنها http://www.mbt3th.us/vb/images/icons/icon10.gif -
- اللي يتناول أدوّية أو شئ زي كذا ، يأخذ معه كميّة كافية .. و يجيب تقرير من الطبيب
في السعوديّة بحالته عشان إذا راح هناك يراجع طبيب جديد ! ..
- الشطّاف http://www.mbt3th.us/vb/images/icons/icon10.gif و أنتم خابرين موضوعه ! .. اللي يبي يأخذ ، يدور بالمحلات الشطّاف
اللي ينشبك بالحنفيّة حقت المروّش http://www.mbt3th.us/vb/images/icons/icon10.gif ههه .. أسهل له و أفضل بكثير ..!!
تقريباً هاذي أهمّ الشغلات بالإضافة للملابس يعني ، يمكن أكون نسيت شئ ..
لكن عموماً ، غير هالشغلات ما أتوقع للواحد حاجة إنه يكثّر و يزيد عفش على غير سنع ..
شغلات النظافة الشخصيّة و الأجهزه الإلكترونية كلها من هناك أرخص و أفضل ..
عوافي
السلام عليكم
شباب أبشركم أنا وصلت نيوزيلندا في 23-3-2009 قبل ثلاث اسابيع بالضبط على الخطوط السنغافورية
وكان العفش كالتالي:
الشنطة الكبيرة ولونها (أحمر) بعد وفيها ( الملابس + جوال جديد +شاحن+ الكريم الاخضر بو5 ريال + دواء الصلع المبكر + وبنادول )
الشنطة الشبة صغيرة (أحمر) بعد وفيها ( تمر اربعة اكياس 6كيلو بدووون أستكر + مره ..علاج شعبي للمغص..+ بسكوت + كنادر وزبيرية تكرمون)
شنطة اللاب توب (سوداء )وفيها ( لاب توب ويندوز تجاري (غير أصلي ) + افلام جاكي شان وجيت لي ( تسجيل شاريها من القطيف على ريالين + وصلات كهرب والخ
طبعا انا مسافر نيوزيلندا عالسنغافوريه شنطتي الكبيرة طلع فيها 36 كيلو والمسموح 20 قالو لي ادفع
والله وعصبت وسويت لهم حركة ( كحيلان ) شلت ال6كيلو اللي بالشنطة الكبيرة وحطيتها بالشبه صغيره صارت 30 كيلو ومشاني السوري ماقصر والله يؤبرني
يوم وزن الشنطة وطلعت 30 وكل شي اوكي فتحتها بسرعه ورجعت الاغراض اللي شلتها
هههههههههههههههههههههههههههههههههههههههههههههههههه ههههههههههههههههههههههههههه
وصلت مطار نيويزلندا مطار كرايستشيرتش
فتشو اللي قدامي تفتيش تقول بيدخلون على الملك صدقوني ياشباب انهم يخلعونهم تكرمون الجزم ويدخلونها بغرفة اشعه
ويوم جاء دوري وانا ماعرف انجليزي ولاشي واول مره اسافر؟؟؟؟؟؟؟؟؟؟؟
؟
؟
؟
؟
؟
أبتسمت كعادتي
قالي وين الشنطه اللي فيها ممنوعات
قلت له هذي فيها الصغيره فيها تمر!!! قالي بس قلت له بس
فتحها شاف التمر وقام يمدح فيه بيني اعطيه وحده بس ماقدرت لان رمضان قرب وقلت له شككككرا
مافتح شناطي الباقي ولا اللاب توب ولاشاف شي
أمي داعية لي الله يطول بعمرها
الحمدلله . الحمدلله. الحمدلله
عقبالكم ان شاءالله بامريكا مايفتشونكم!!
مع اني ماهقيت
المهم توصلون بالسلامة وتشكر ياعبودي على الموضوع الحلو واسمح لي مارحت المهباج حقك لانه تخربطت اموري على اخر الايام
......,,,,,,,,,........