رد: مين معانا رحلة الرياض واشنطن 4 مارس
انا دراستي في 9-3 بس شسوي كنت خارج الرياض ماجيت الا هالويك اند يعني باكر ان شاءالله استلمه لاتكون الاجراءات تطول ؟؟؟؟؟
رد: مين معانا رحلة الرياض واشنطن 4 مارس
لا ما تطول بس لازم الواحد يروح بدري عشان يستلم القرار بعدين امر الاركاب وبعدين يستلم التذاكر.
يعني تقريبا يكون متواجد الساعة 7:30 صباحاً لان اصدار التذاكر تطول .
هل اغراض سفرك جاهزة .
رد: مين معانا رحلة الرياض واشنطن 4 مارس
اقتباس:
المشاركة الأصلية كتبت بواسطة RoOoMaNcE
سلااااااااااااااااااااااام عليكم يا عدووووووووووولي صقيقي اللي هجرني من الطيارة
كيفك شخبارك
ترااااااااااي طاااااااااااير ودااااااااخل عشانك يا حلو <<< يقول يا خوفي تطلع شين هع
شوف عزيزي انا عند وعدي وكلمتي اعلمك بكل شيء صار
الحين لما تطلع الطيارة بإذن الله قبل تروح المطار
حاول تجيب معاك فطيرة او شيء خفيف لك او على حسب بطنك هع
والسبب يا طويل العمر يقدمون لك بعد الاقلاع وجبة افطار
ثم يحقرونك ويخلونك صااااااااااااااااااااايم ليييييييييييييين قبل الهبوط بساعة ويعطونك وجبة غداء
يعني نكبة وانا قررت ان شاء الله بعد هالرحل لو الله احياني بعد كذا
ما اجي الا على خطوط اجنبية او اماراتية كل لين تنفقع
ويعطونك بالطيارة نموذجين نموذج i-94 وسهلة مرة اسمك وولايتك وتواريخ ميلادك والجواز
ونموذج ثاني اذا مافهمت عليه عادي جدا وسهل
اذا معاك اكل او لا او معاك اكثر من 10 الاف دولار او لا
الموهم بعد ماتوصل
انت لا تسوي فاهم المطار والا تهايط <<<<<< بدأ يخربها
يجيكرجل امن امريكي يمشي وياكم ويعلمكم الطريق لين النقل وينقلونكم لداخل المطار
وتمسكون طابور عاد الله يعينكم لو فيه رحلات ثانية معاكم حنا وصلنا ثلاث الظهر وطلعا من المطار الساعة 8 تهئ
تبصم يدين وعينين ثم بعدين على حسب مزاج المطار
يفتشون الشنطة او لا بس الغالبية مايفتشون الشنط ابدا الا للحالات الضرورية
حتى لو معاك اكل معلبات يدخلونها لك بس اهم شيء مو اكل لحم في كيس مثلا او مبرد
اهم شيء مغلفة ومعلبة
وبعدين تلاقي الملحقية تستقبلك وينادون عليك بعد
ويودونك للفندق وتلاقي الخير كله ولا تشيل هم اللغة حتى الامريكي يعرف عربي
وبعدها اليوم الثاني تروح للملحقية وتخلص اوراقك كلها ويعطونكم محاضرتين تعريفية بسيطة
عن انظمة الدراسة وهي مهمة جدا
وثم بعدين كل واحد على ولايته ويدبر اموره
بالنسبة للفندق الفطور اليوم الثاني مجانا
وكذلك وسائل النقل مجانا من الفندق للملحقية والعكس
ومن الفندق للمطار
واي سؤال اخوي حاضر عيوني لك
بس اقولكم من الحين آآآآآسفعن التأخر في الرد لأني ادخل اشيك واطلع
وتوصلون بالسلامة ان شاء الله وكل واحد يروح مواصل عشان ينام ومايطفش هع هع
بس على فكرة شباب وبنات
اللي قريب مني يعني اللي في ولاية كنتاكي والا انديانا والا تينيسي
ياليت يبلغني ابي منه طلب بسيط من السعودية
مع التحية للكل
،،،،،،،،،،،،،،،،،،،،،،،،
يالبى قلبك تسلم والله وياليت انا معك على نفس الرحلة ولا يهونون الجميع .
تسلم على اهتمامك ، وياليتني جنب ولايتك انا والله في ولاية مينسوتا شمال امريكا .
وشكرا لك ،، وعلى مشاركيك والله يوفق الجميع
رد: مين معانا رحلة الرياض واشنطن 4 مارس
اقتباس:
المشاركة الأصلية كتبت بواسطة alwodaani
هاه كم صار عددنا؟ :D
،،،،،،،،،،،،،،،،،،،،،،،،،،
والله يا الغالي اعتقد 4 اشخاص .. الله يستر ما يلغون الرحلة .
رد: مين معانا رحلة الرياض واشنطن 4 مارس
ليش متشائمين ... إذا أنتوا أربعه بس ... ضيفوني معاكم ... ونصير خمسه .....
بس عندي إسفسار ؟؟؟
كيف نعرف بعضنا ؟؟؟؟؟ أنا أقول نلبس حاجه موحده .....
تحياتي وأشواقي ...
رد: مين معانا رحلة الرياض واشنطن 4 مارس
اقتباس:
المشاركة الأصلية كتبت بواسطة حكيم المنتدى
ليش متشائمين ... إذا أنتوا أربعه بس ... ضيفوني معاكم ... ونصير خمسه .....
بس عندي إسفسار ؟؟؟
كيف نعرف بعضنا ؟؟؟؟؟ أنا أقول نلبس حاجه موحده .....
تحياتي وأشواقي ...
،،،،،،
حياك يا الغالي وتنور الطيارة فيك .
اما من ناحية كيف نتعرف على بعض مدري عنكم انا مستعد إلى اي شي .
تبون نتقابل بالمطار ولا داخل الطيارة كما تحبون .
على فكرة احد ارسل للملحقية انه راح يجي .
تحيااتي لكم .
رد: مين معانا رحلة الرياض واشنطن 4 مارس
تعلن الخطوط السعوديه عن تاجيل رحلة السيد alwodaani والمتجهه الى مدينه واشنطن الى تاريخ 11 مارس
ناسف للازعاج :D
رد: مين معانا رحلة الرياض واشنطن 4 مارس
اقتباس:
المشاركة الأصلية كتبت بواسطة alwodaani
تعلن الخطوط السعوديه عن تاجيل رحلة السيد alwodaani والمتجهه الى مدينه واشنطن الى تاريخ 11 مارس
ناسف للازعاج :D
،،،،،،،،
ليش ؟؟ على العموم الخيره فيما اختاره الله ..
الله يوفق الجميع وانا اخوك والله الله بدعوات الطيبة .
شكرا
رد: مين معانا رحلة الرياض واشنطن 4 مارس
والله شوية ظروف اجبرتني على التاخير
عموما الله يوفقكم يارب وتوصلون بالسلامه انشالله
كان ودي اكون معاكم بس يلا الله يعوضني ويعوضكم خير :)
رد: مين معانا رحلة الرياض واشنطن 4 مارس
بدأ العد التنازلي
الله يعين