السلا م عليكم
مســـــــــــاكم الله بالخير جميعاً , انا الى الان بالرياض ولكن انشالله مع فتح باب الابتعاث من جديد انشالله ابطلع الى اوريغون مدينة بورتلاند, طبعا مشالله كل الموجودين عندهم خلفية كافيه عن معظم الولايات.
اتمنى التوفيق للجميع.
a7med May 18th, 2006, 07:44 PM
7 " اولا السلام عليكم ورحمة الله وبركاته
اشكر لكم المجهود الرائع
أنا قريب راح اكمل 6 شهور بامريكا
وهذه بعض المعلومات عن ولايتي ومدينتي ماراح اتفلسف واقول حروب وما حروب ولا انها اكبر او اصغر راح اقول كل ما يحتاجه الشخص اللي مبتعث لامريكا
عندي تعقيب بسيط عن اللي كتبوا قبلي عن مدنهم:
ما ادري عن بعض الشباب اللي كاتبين انها تعتبر من الولايات اللي حاربت العنصرية ما الومك السكان اللي فيها يا كثر السود وانا زرتها شخصيا؟؟ كيف ما يحاربون العنصرية هذا رد لشخص تكلم عن ولايته وهو للحين بالسعودية وماراحها
طبعا راح ابدا هنا عن ولايتي وبجاوب على قد اسئلة اخوي والاهم للمبتعث
- اسم الولاية ؟
انديانا ، مدينة بلومنغتون
- مكان الولاية جغرافياً؟
الولاية بشمال وسط امريكا وعلى فكرة انا مدينتي بجنوب الولاية تقريبا وتبعد عني مدينة شيكاغو بالشمال 4 ساعات بالسيارة والمدينة تتميز بطبيعتها الساحرة الخضراء
-الرمز البريدي (Postal Code)؟
47401 لمدينة بلومنغتون
- ماهو أسم جامعتك ؟
انديانا يونيفيرستي
- كم عدد الطلاب السعودين - تقديراً ؟
ممكن 120 طالب او اكثر
- ماهي الأماكن التي تقوم بزيارتها عادتاً ا ؟
البحيرة المدن المجاورة المجمع التجاري واسمه كولج مول اشياء كثيرة وطبعا الجامعه راح تكفيك بطبيعتها واشياها
- ما هي المطاعم الحلال في مدينتك ؟
يوجد مطعم تركي اسمه انتوليا ومطعم مغربي اسمه كازابلانكا ومطعم افغاني ويوجد بقالات عربية بها طبخات حلال
- كم مسجد في المدينة ؟
مسجد واحد لأن المدينة صغيرة
- ماهي أبرز معالم المدينة ؟
الجامعه
- ماهي أفضل طرق المواصلات مع مراعاة أنه لا يعرف كيف يستخدمها ؟( مع الشرح المفصل والممل - مع ذكر المدن المجاورة والكبيرة)
الباصات منظمة تنظيم فضيع حيث انك لا تحتاج لشراء سيارة ابدا الا اذا كنت راعي سفريات وانصح كل اللي بيجون يجيبون معاهم رخصة دوليه عشان بالاجازات يأجرون سيارة ويسافرون طبعا انا قريبة مني مدينة انديانابلس وولاية كنتاكي تبعد عني ساعة بالسيارة ومدينة شيكاغو بولاية الينوي تبعد عني اربع ساعات.
- حبذا لو تعطيه فكرة عن أماكن السكن في مدينتك ! فنادق ؟ شقق ؟ منازل ؟
فنادق:
1_ انصح بفندق قريب من الكولج مول لكن ناسي اسمه.
2_ فندق ديز ان.
3_ لا بفندق الجامعه.
شقق ومنازل:
راح تتعب من كثر الشقق القريبة والاجارات تتراوح من 400 الى 800* دولار والي يمرون عليك الباصات انت تعال واسئل اي سعودي وهو بيعطيك شقق كثيرة ومجمعات كثيرة واشياء كثيرة لأن السعوديين كثير هنا وراح تلقاهم بسهولة.
800 هذي للعقود القصيرة اولشقق فخمه ومفروشه وشاملة كل شئ ياخذونها عوائل لانه الراتب كبير يكون.
وعلى الطاري انا ساكن بشقة تتكون من غرفتين وصالة ودور مياه وانتم بكرامة ومطبخ ومكان للطعام بـ 500$ شهريا لي انا وخويي يعني اقط شهريا 250$ ولي غرفتي الخاصة وكل شئ خاص.
- هل يوجد متاجر عربية ؟ كم عددها ؟ و ماهي أسماءها و مواقعها ؟
يوجد بالمدينة متجرين عربيين ومتجر ايراني يبيعون كل شئ حلال
حتى الشيشه والمعسل متوفرين << هذا للي يعسلون
بقالة بالداون تاون قدام مطعم انتوليا.
الثانية قدام مبنى الايجنمان هال.
اما الايراني اسمه سهارى ويقع على السكند ستريت
- أين يقضي الأطفال أفضل أوقاتهم ؟
توجد بالمجمعات السكنيه العائلية اماكن لترفيه الاطفال والعوائل عندنا كثير كثير.
- أين يقضي الشباب أوقاتهم ؟
الشباب طوال الوقت يجدون ما يشغلهم حيث ان الوقت يضيع وصرنا نتمنى اليوم 36 ساعة عشان يكفي لكل شئ.
- أين تقضي السيدات أوقاتهن؟- هل هناك (جمعات)بين العرب او السعودين ؟واذا وجد هل هي شهرية او اسبوعية؟
حدث ولا حرج <<< تعرفون البنات وشغلاتهن يا كثر جمعاتهن وطلعاتهن.
وفي اجتماعات بالمركز الاسلامي بالمدينة واعتقد انها اسبوعيه.
غير النادي السعودي اللي بالمدينة يسوون اجتماعات خاصة بالنساء واجتماعات للرجال.
- هل لديك صورة او أكثر لولايتك او جامعتك؟
للأسف ليست متوفرة الآن.
- ماهو تقيمك عن للولاية ؟
ولاية رائعه بجميع المقاييس من ناحية الاسعار ومن ناحية الشعب الطيب الذي يساعدك في كل شئ .
اتمنى اني افيدكم بالمعلومات هذي
اخوكم
مبتعث
مبتعث بامريكا May 19th, 2006, 07:11 AM
7 " فكرة ممتازة جدا وفي حالة اكتمال المعلومات سوف ادونها بكل سرور
ميامي May 19th, 2006, 07:59 AM
7 " حبيت اسلم بس؟
انا في ولاية الباما في مدينة تروي في جامعة تروي
وعدد الطلبه االسعوديين 25طالب ؟
طارق العنزي May 20th, 2006, 06:08 AM
7 " باقي يومين على الوصول انشاء الله بحاول افيدكم باللي اقدر عليه
almutlaq May 20th, 2006, 08:02 PM
7 " انا بعد في الرياض اذا وصلت ابشر من عيوني
حمني May 21st, 2006, 10:16 AM
7 " انا لسه ما جيت على امريكا وانا بدور لسه على قبول ويالييييييييييييل ما اطولك
الفراشة May 22nd, 2006, 12:48 AM
7 " اسم الولاية ؟ لويزيانا- مكان الولاية جغرافياً؟ الرمز البريدي(Postal Code)؟ في جنوب الولايات- ماهو أسم جامعتك ؟ لويزيانا تكنولجي- كم عدد الطلاب السعودين - تقديراً ؟ ماعندي خبر- ماهي الأماكن التي تقوم بزيارتها عادتاً ا ؟- ما هي المطاعم الحلال في مدينتك ؟- كم مسجد في المدينة ؟اظن واحد- ماهي أبرز معالم المدينة ؟- حبذا لو تعطيه فكرة عن أماكن السكن في مدينتك ! فنادق ؟ شقق ؟ منازل ؟- هل يوجد متاجر عرب- ماهي أفضل طرق المواصلات مع مراعاة أنه لا يعرف كيف يستخدمها ؟( مع الشرح المفصل والممل - مع ذكر المدن المجاورة والكبيرة) ية ؟ كم عددها ؟ و ماهي أسماءها و مواقعها ؟- أين يقضي الأطفال أفضل أوقاتهم ؟- أين يقضي الشباب أوقاتهم ؟- أين تقضي السيدات أوقاتهن؟- هل هناك (جمعات)بين العرب او السعودين ؟واذا وجد هل هي شهرية او اسبوعية؟- هل لديك صورة او أكثر لولايتك او جامعتك؟- الموقع الرسم للولاية -على الانترنت-؟- ماهو تقيمك عن للولاية ؟- هل لديك إضافات اخر !!!...- اذا ارد ان تقوم بتعديل او اضافة على مشاركتك ارجو مراسلتي على الخاص ...---------------------------في الاخير احب ان اشكر كل من يشارك بهذا الموضوع المفيدلكل مبتعث واخص بالشكر الجزيل اخي ( الافضل ) بقتراح هذا الموضوع ...إدارة الملتقى
صالح المري May 22nd, 2006, 07:53 PM
7 "
مســـــــــــاكم الله بالخير جميعاً , انا الى الان بالرياض ولكن انشالله مع فتح باب الابتعاث من جديد انشالله ابطلع الى اوريغون مدينة بورتلاند, طبعا مشالله كل الموجودين عندهم خلفية كافيه عن معظم الولايات.
اتمنى التوفيق للجميع.