بالله منهو المستشار هذا الي كل واحد قاعد يترجاه

مساء الخير كيفكم ياجماعة انا عارف ان الموضوع هذا راح يضايق بعض الناس ويمكن الأخ المستشار انا ابي اعرف شئ واحد اذا ممكن منهو المستشار هذا الي كل يوم افتح المنتدى اشوف موضوع المستشار تكفى المستشار الله يخليك لأهلك المستشار المستشار ويقعد كل واحد على رحمت المستشهار طيب ليش تراه شخص عادي جدا وان كان ذوا منصب انا مااعرف الشخص بس بصراحة بصراحة حسبت في معانات الطلاب المساكين كل واحد يترجاه واخونا المستشار طال عمره متى يشوف طلبات المبتعثين ولا فاضيلهم ولا فاضي لنفسه ياجماعة كل واحد يخلص شغله بنفسه ولو ماقدر يشوف واحد من اهله ولا واحد من زملاه العزيزين عليه ويطلبه علشان يشوف اوراقه او معاملتة بالوزارة بس انك بتقعد على رحمت الناس ولا المستشار الين يشرف ويرد عليك اجلم الله يكون في عونك
انا حبيت بس افيدكم في هذي الشغله ( ميد ) اخدم نفسك بنفسك

منهو المستشار ؟؟

شف ياغالي مع ان المستشار كان صافطني باكثر مواضيعي واليوم الله يجزاه خير رد علي :)

بس هو شخص فاهم بالنظام او يمكن موظف بالوزاره لا اعلم... والله يجزاه خير الي يتابع ويساعد الناس ويستقطع من وقته بدون مقابل... ولا تحسب ان الناس تترجاه علشان يشوف نفسه عليهم ويخدمهم... هو مجرد يعلمك وش الي قاعد يصير وش المفروض تسوي :) يعني مجرد يفيد الناس علشان يختصر عليهم الوقت


عموما الله يجزاه الف خير وربي يجعله في موازين حسناته

الله يزقكم على قد نياتكم

المستشار شخص الله العالم انه يسعاد الناس بدون مقابل بس يبي الدعاء
الله يوفقه يا رب ويوفقنا اجمعين لما يحبه ويرضاه

المستشار انا لا اعرفه ولم اسمع فيه من قبل ولكن موضوعك هو العادي او الاقل من عادي يمكن وليس الاخرين فانت ادخلت موضوعين فبعض الاول عن المستشار و الاخر عن الاعضاء فانقصت من قيمة المستشار ليس انا و انقصت من قيمة الاعضاء يعني انت كاتب موضوع وانت منت عارف وين حاط راسك !

لكن ما ففهمته او ما وصلت اليه وهذا مجرد اشتهاد مني انك تسال من يكون المستشار واعطيت انطباع عنه وتريد التاكد منه ؟

عموما الاجابه

اذا كان المستشار مثل ما تقول انسان عادي فالكيد لان ردوده لا تجيب على تسئلات الاعضاء بالدقه المتناهيه
او قد يكون هو انسان وضع نفسه في موضع المستشار ولكن مشاركاته لا تستحق كل هذه الضجه فهو انسان عادي فعلا فلماذا كل هذه الدعايه له ربما قد يكون هناك اشخاص متجاهلين حقيقة المعرف وهم كثير ممن ينجرفون خلف اي شخص حتى واان كان خلف انسان تافه ومن تفاهته يريد ان يبين للناس بانه شخص مهم بعكس ما هو عليه فالواقع وكلنا يعلم ان الكثير شخصيياتهم خارج الشبكه معاكسه تماما عن شخصياتهم في اروقة المنتديات !!! هذا الشي الاول


الشي الثاني ربما يكون هذا الشخص يحب ان يساعد الاخرين فالمنتدى من خلال اطلاعه على بعض الامور وممارسته لمجال معين مثل انه قد يعمل لصالح المنتدى او لوجه لله ويريد ان ينفع بها الاخرين .. مثل شخص فالمنتدى سال عن طريقة استخراج الرخصه فاجبته انا واجابه الكثير ولكنه اقتنع باجابة واحد منا لانه مر بنفس
الموقف وعمل بالاجراءات اللازمـه فكان هو الافضل لانه عايش الموقف .. ولكن لا نستطيع من خلال هذا الموقف ان نحكم عليه بالمعرفه الشامله لكل الامور ... الا من بعد ما يتم سرد الموضوع و مناقشته من
الاعضاء حتى نخرج منه بفائده وعموما كلها تصب في قالب تبادل المعلومات ...

فان كنت من الاشخاص اللذين يايدونك ساختار الخيار الاول وان كنت من اللذين لا يؤيدونك ساختار الامر الثاني
وعموما كل الامرين لا تجيب نتيجه

فان كنت مؤيد لشخص او غير مؤيد له

تضل القاعده هيا حرية نقل المعلومات الهادفه وليس الحريـــه في رمي الشخص بذاته و الحديث عن اخلاقه و عن شخصيته بخير او حتى بشر فهذا الامر فالنهايه ليس هو هدفنا و لا مبتغانا .. تحياتي

الأخ نايف سلمك الله ياعزيزي على الرد المتواضع والأقل من العادي ولكن احيانا بعض الأشخاص يريد مساعدة الناس وهو يعلم انه سوف يدخل معاهم في متاهات كثير ولكن انا اتكلم اذا احد حب يفعل خير ويساعد الأخرين يكون فعلا قادر على فعل شئ لهم جميعنا واكرر جميعنا وليس شخص او شخصين لأنك وضعت نفسك في مأزق كما يقال بالعاميه ضربت على صدرك وفي الأخير فعلا فعلت خير لشخص او شخصين ولكن الأخرين منتظرين مساعدتك لهم فبهذا انت تسببت في احراج نفسك او احراج الشخص الذي تأمل انك تخذمه مثال المستشار انا لاانقص من شأنه ولكن هو الشخص الذي وضع نفسه في خدمة الطلاب طيب انت لازم تتابع المنتدى الذي خولة نفسك فيه لمساعدت الطلاب يعني طالب اتكل على الله ثم على المستشار وينتظر رده يوم يومين طيب الى متى وهو ينتظر رد المستشار اذا المستشار مايدخل المنتدى يوميا طيب وش الفايده يعلق الطلاب والطالب يكون على اعصابه الين المستشار يرد عليه بموضوعه يعني خلاص انا لما التزم مع شخص انه راح يفيدني واقعد انتظره وهو بالأيام مايرد على موضوع معناته انا تسببت في تأخير لموضوع الطالب وبأحتصار شديد انا اقول كل واحد يتكل على الله وعلى نفسه لأن مافي احد بيكون فاضي للثاني وخصوصا اذا كان السؤول مو من شخص واحد نقول يمكن يخدمه بس الأسئله كلها على المستشار يعني بالله بيلحق مين ولا مين على العموم اتمنى ان الأخ المستشار مايخذ على خاطره من هذا الموضوع لأني لم اقصد ان اقلل من قيمته ولكن حسيت في معانات اشخاص يتوسلون للمستشار وينك تكفى رد علينا من هذا القبيل
ودمتم

ابو جود مهوب صحيح كلامك الواحد يساعد قدر استطاعته... :)

وهو ماقلك تعتمد عليه وتاخر موضوعك لان مابينك وبينه اتفاق اصلا... :) يعني اذا تبي تنتظره لين يرد فهذا اختيارك وقرارك انت انا كم مره طلبت من المساعده باكثر من موضوع بس ما اخرت اموري انتظره يرد... اذا رد علي الحمد لله فهو الله يجزاه خير يبي يختر علي الطريق ويعلمن اسرع طريق واذا ما رد علي فانا ماشي بطريقي :)

والقليل الدائم خيرا من الكثير المنقطع...

ابو جوواد
انت الحين وش حاارق رزك؟؟

ياخي استح عل وجهك

رجال جالس يساعد الطلاب يرد عل استفساراته بحكم عمله

انت وش عليك منه ؟؟

ياخي سبحان الله مدري هل هذي هلووسه اخر الليل او ايش

عموما طرح مثل هذا الموضووع ماله نتيجه ابدا
واذا انت مو معجبك المستشار فماله دااعي انك تسووي تشهير للرجال

الله يعينه عل بعض الناااس

ابو جواد اول شي السلام عليكم ورحمة الله وبركاته

ثاني شي المستشار التعليمي على سن ورمح هو موظف في وزارة التعليم العالي يعني الجهة التي تتبع لها انت وكل المبتعثين يعني الانسان اللي راح تحتاجه اذا صارت عندك شغله وتخلبطت ماتدري كيف تحلها

عشان كذا تشوف المواضيع الكثيرة هذي هي عبارة عن اشخاص راحوا وصارت لهم ظروف ويبون الحل ربما انت او غيرك لك قريب ولا انسان تعز عليه بالرياض وراح يسعى بموضوعك لاكن غيرك كثييييير من اهل الشمال والجنوب والشرقية والغربية مالهم احد بالرياض فما لهم غير الله ثم المستشار ولا واحدن شقردي يفزع لهم من الاعضاء

اتمنى تكون وضحت صورة المستشار التعليمي بنظرك وبنظر كل اللي مقهورين من شهرته بهالمنتدى

واذا على كلامك ان الرجال طق صدره وقال انا لها وملزوم يساعد الكل ويدخل كل يوم عشان يرد
ابرد عليك بكلام ( قليل مستمر خير من كثير منقطع ) يكفي ان الرجال ما طفش منكم انا امل احيانا من كثرة المواضيع اللي تستنجد فيه ولا ادخلها اجل كيف هو وبعدين الرجال يساعد على اللي يقدر عليه وجزاه الله الف خير

تبي تعرف قدرة اسئل بعض الاعضاء اللي ساعدهم وانضموا للبعثه وانقطعوا عن المنتدى اذكر منهم كلمة مرور وشد بلد اسئلهم عنه وبتشوف انواع المدح

انا للحين بالسعودية ما طلعت وبالرياض بعد قسم بالله لو اعرف منهو المستشار يعني وش اسمه ولا وين مكتبه لا اصبح عليه كل يوم واحب راسه من كثر ما اقدره وهو كبير بنفسي

اتمنى تكون عرفت منهو المستشـــــــــــــــار التعليمـــــــــــــي