مرافق ومتوهق

مو على كيف خيرية هانم ( مع اني ماعرفها (:

اسمعني اتكل على ربك .. واكتب خطاب اشرح فيه ظروفك كلها وانك فعلا ترغب بالدراسة لتنفع نفسك وتخدم بلدك .. صدقني ماراح يقصرون

بعدين على مافهمت ... اختك باقي لها سنه يمديك تقطع شوط كبير ......

تستطيع البقاء بصفتك مرافق لأختك حتى لو تزوجت وأقام زوجها معكم
بس ما يكون هو المرافق
وهذا طبعا يخضع لاتفاقكم مع بعض

يااخ حفار انت لا تستبق الاحداث

لسه باقيلك سنه كااااااااااااااامله ووقتها ربك يحلها

يعني ان شالله تقدر تخلص اللغه قبل السنه وتجيب قبول الجامعه وتتسهل امورك وقتها

لان الوزاره كل يوم بقرار جديد وماتدري ربك ايش كاتب بعد سنه

خليها على ربك وبالتوفيق

كلمك صحيح با حايره بس انا احط حلول من الان علشان اذا خلصت سنه اللغه عرفت كيف اتصرف بس يا شباب اذا تقفلت الابوب في وجهي نفترض هل استطيع اني اخلاص 30 ساعه على حسابي مثلي مثل كاي طالب جاء بفلوسه الخاص او انا لي اجراءات خاصه

لا طبعا ً عزيزي

إذا تبي كذا أتوقع أنك لازم طال عمرك تدفع مصاريف دراسة اللغة

ولكن في حل عزيزي و ما أتوقع أنه يناسبك

زوج أختك يجي معكم ويسكن معكم وحط في بالك أنه ماله مكافأه ولا يقدر يدرس

وكل شهرين لازم يطلع من أمريكا أسبوعين وبعدين يجي

لأنه راح يجي بفيزا سياحية هذا إذا طلعت له طبعا ً

======

في حل ثاني طال عمرك

أنك لما تخلص اللغة قول لهم أبغى أنضم للبعثه يعني تخيل أنك أنت إلي تزوجت مو أختك

وتبي تجيب زوجتك معك مرافقه فهمت كيف ؟؟

ولكن أنت راح تسوي العكس

أنت راح تنضم للبعثه و أختك راح تكون مبتعثه وزوجها مرافق و أنت مبتعث لحالك

يعني أنت تفصل عمرك عن أختك وتحط لها مرافق ثاني و تكون أنت مبتعث

طبعا ً هذا تقدر تسويه من موقع الملحقية على ما أتوقع أو يمكن لازم تشرفونهم

ولكن نصيحتي لك بعد ما تخلص اللغة عندك شهرين في أمريكا تدور جامعة

في خلال هالشهرين لاتطلع من أمريكا إلا وعندك حل مع الملحقية

و قول حق الأخت خيرية يسلم عليك بدر و إذا شافك له تفاهم معك مره ثانية

هالمصرية قليلة الذمه ( إذا كانت هي الدبه أم نظارات )

المهم

تواصل مع أي مسؤول للمرافقين وتحصل إيميلاتهم و أرقام تلفوناتهم في موقع الملحقية

وراح يفيدونك ويأكدون لك الموضوع

=====

أنا إن شاء الله ناوي أني أتزوج بعد مرحلة اللغة و إن شاء الله راح أجيب زوجة المستقبل و أحطها مرافقه

يعني راح أكون مسؤول عن شخصين أتمنى وصلت لك الفكره إن شاء الله يارب

ودعواتي لك بالتوفيق ولا تفكر في الموضوع إلا بعد ما تخلص اللغة

عطنا جديدك ولو بعد سنه

اخويه حفار انا اعطيك حل بسيط انته الان مرافق حاول تجيب قبول في الجامعه وبأسرع وقت.....وخلي الملحقيه توافق عليه....ولمن تتزوج اختك وقتها اشرح لهم الوضع وانك كنت المرافق والان زوجها هو المرافق بس انته متحمس لاكمال دراستك وانك جبت قبول من الجامعه وتتمنى انهم يوافقه على طلبك......اهم شي لاتبين انك كنت مخطط للموضوع.....ولا تجيب لهم اي خبر الى ان توجد القبول.
والدكتوره خيريه انا اتحدثت معاها قبل كم يوم الله يهديهم هما ناس شوووويه معقدين بعض الامور لكن لو دخلت على الراس الكبيرفي الملحقية انشاء الله كل امورك تنحل.

حبيب قلبي لاخيريه ولا خربيط انت الحين حاول تخلص التوفل وتجيب قبلو قبل السنه عشان تصك عليهم مضبوط واذا جبت قبلو قبل السنه حاول تدعي ربك كثير وتشوف واسطه بسيطه واذا مافيه واسطه شوف بابا عبدالله وقدم معروض صغير على صقر العروبه وانت معليك بتتيسر امورك بس اهم شي جيب قبول وارفع اوراقك وخذ رقم طلب من الوزاره عشان تكتبه في المعروض الي بتقدمه وبعدين تراك انت في ديره طيبه مو زي امريكا حنا ديره واسطات يعني كل امورك في التمام بتوفيق انا نفس موضوعك مرافق وبجيب قبلو الشهر ذا مع اني ماصر لي في امريكا شهر بس انا بوريك في الملحقيه بمشي معاهم بنظام

والله يا شباب ما قصرتوا بس المشكله انه المرافق ما يكون الا واحد فقط ما تقدر تغير وبالنسبه اختي احتمال انها بتلغي البعثه بعد سنه اللغه وترجع السعوديه علشان كذا اذا رجعت انا بحاول اني اقادم على البعثه المفصوله او اني ادرس 30 ساعه او اشوف اي طريقه وبصراحه الكلام تقريبا بعد سنه يعني ما تدري عن القرارت الوزاري ممكن تتغير وتصير زي العطله الماضيه

اخوي اختك ان شالله بتتزوج بعد سنة الله يتمم لها ويوفقها .. في هالفترة هذي يمديك تجيب التوفل وتدخل الجامعة وتختصر سنة اللغة .. ابدأ من الان تحضير واختبر مرة ومرتين وثلاث لا تنتظر النتيجة لأنها تطول ..ولا تقول مااقدر

لأن لو خلصت اللغة ودخلت الجامعة يمكن يوافقوا على فصل بعثتك .. وفي الحالتين بتكون اختصرت وقت ..

وباقرب اجازة روح السعودية ومر الوزارة وتفاهم معاهم ..بخصوص الدراسة ع الحساب الخاص



فيه حل ثاني ممكن اختك تصبر بعد ما تتزوج وما تغير المحرم لـ زوجها الين انت تلتحق بالبعثة وتفصل بعثتك .. بعدين تجيبه وتكمل هي معاه ماجستير

بالتوفيق