ما بعد الوصول الى واشنطن
ما بعد الوصول الى واشنطن
تنبيه: هذا الموضوع قديم. تم طرحه قبل 5507 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "الله يجزاكم كل خير اخواني شعول وعبودي
ياخي ما ادري احس ان الموضوع بسيط مره بس احس اني مرتبك والظاهر لأني بروح مكان اجهله
على العموم تذكرة السفر تكون من السعودية الى واشنطن او نيويورك بعدين فيه تذكرة ثانية للديرة الي انت تدرس فيها
الأسئلة : 1-كم يوم بين الرحلتين يعني كم يوم اجلس في واشنطن او نيويورك
اول شي يالغلا انت لازم تروح لواشنطن مو لنيويورك لان السفارة والملحقية بواشنطن
اما بالنسبة كم المدة انا انصحك تجلس يومين عشان تشوف واشنطن ويمديك ترتاح وتطلع وتشوف الولايتين واشنطن وفرجينيا
2-السكن بالفندق على حساب الملحقية او على حسابي
السكن راح يكون فيه ولاية فرجينيا وطبعا هم بيودونك لفندق هم متعاملين معه وعليه خصم وانت اللي تدفعها الليلتين بـ 179 دولار.
طبعا كانت غرفه اللي اخذتها فيها سريرين وحمام يعني كنت انا ويا 3booodi فيها
3-كم يوم تحتاج عشان تخلص امورك بالملحقية والجواز اخلية عندهم ولا اخذه معي ( احس اني ببلش فيه اخاف يضيع )
اذا انت رحلتك على الخطوط السعودية من الرياض الى واشنطن راح توصل على الساعه باذن الله 2:30 الى 3:30 العصر وعشان تخلص اجراءاتك بالمطار يبغالك ساعتين الى ثلاث ساعات يعني بتنتهي على الساعه 6 انت تطلع بتشوف المصري الله يعطيك العافيه ولله ما قصر معنا ابد بتلقاه ماسك لوحة مكتوب انه من الملحقية السعودية راح يقولك انت على حسابك او معك قرار الابتعاث او معك امر اركاب اذا معك امر اركاب او قرار ابتعاث راح يعطيك ملف بيقول لك عبه وبيجي ياخذه منك بالفندق على الساعه 8 ونص عشان يمديه يخلص امورك بسرعه واذا جا الساعه 8 ونص راح ياخذ استماراتك واوراقك المطلوبة وبيطلب منك صورتين شخصية وجوازك الاصل والاي تونتي الاصل.
ومن بكرة الصباح راح تروح للملحقية على الساعه 8 الصباح وبتجلس بالملحقية الى الساعه 5 العصر.
4- بعد ما تخلص اجراءات الملحقية وتسافر للديرة الي تدرس فيها بيكون فيه احد يستقبلك ويوديك لجامعتك
سؤال جيد, بالنسبة اذا احد بيستقبلك او لا ، اولا لازم تعرف انت ولايتك بعيدة عن واشنطن دي سي او قريبه ، راح اكتبها على شكل نقاط عشان توصل المعلومة اسهل ^_^
اذا كانت الولايه بعيدة عن واشنطن دي سي:
لازم انت تدبر احد من المعهد او من الجامعه يجي يستلمك من المطار وتخليهم يدبرون لك السكن والاشياء الثانية وكلها بمبالغ طبعا واللي راح يصير بالملحقية التالي
1- راح يسالونك هل تبي تعدل حجزك وتغيره وتخليه بوقت ثاني؟
2- هل انت سفرتك بتكون على مطار دالاس اذا ايه بيقولون لك اوكي بكذا الفندق يتكفل يوديك للمطار مجانا
3- اذا كانت سفرتك على مطار رونالد ريجان راح يقولون لك اكتب اسمك في ورقة بيعطيك اياه واكتب متى الرحلة ووقتها وعلى اي خطوط (عشان كذا انصحك تاخذ التذاكر معك للملحقية) وهم راح يمرون عليك وياخذونك للمطار.
اذا كانت الولاية قريبه من واشنطن دي سي:
راح يقولون لك هل تبي تكنسل حجزك واحنا راح نوديك بالسيارة الى الولاية اللي بتدرس فيها وعلى حسابهم
يعني مثلا انت بتروح لولاية بنسلفينيا او فرجينيا او ميرلاند او غيرها راح يقولون لك متى تبي تمشي وهم راح يدبرون لك سواق يوديك طبعا اذا انت تبغى واذا ما تبغى تقولهم لا انا ابغى اروح بالطيارة وانتهى الموضوع وطبعا لازم انت اللي تدبر لروحك السكن
يعني من الان راسل المعهد او الجامعه وقل لهم انك تبغى سكن سواء مع عايلة او في الدورم لان كل النقتطين تتكلم عن كيف توصل للولاية اللي تدرس فيها مو كيف راح تسكن فيها
5-وشلون قضيتوا الـ 14 ساعه بالطيارة
بالنسبة للـ 14 ساعه بالنسبة لي كنت تعبان كانت فيني انفلونزا ليلة الرحلة حرارة ولوز وبلاوي ^_^ فقضيت كل الرحلة نوم واصحى بس وقت الاكل ووقت العلاج هههههه ^_^
ترا ماخلصت اسئلتي بس باخذ راحة بعدين راجعلكم
اسال يالغلا اي سؤال في بالك وباذن الله بنجاوبك على قد اللي نقدر عليه
الله يوفقكم ويثبتكم على الحق يارب وجميع المسلمين
امين يارب ويوفقك في دراسة وباذن الله توصل لما تطمح له وبالتوفيق لك - شعول وربي ماقصرت يالغلا فيك الخير7 "
انا كنت ناوي امشي على عماها ومتاكد اني بالقى اللي يوجهني هناك لان امريكا ونظامهم مرتب مو زي هنا
لكن طالما انت كتبت الموضوع الرائع هذا,,,ابسالك كم سعال واتحملني,,
1- وش هي طلبات الملحقيه غير الجواز الاصل والايتوني الاصل وقرار الابتعاث
2- كيف سويتوا بالفلوس,,اخذتوا كاش او فيزا او ببطاقة الصراف العاديه؟وايش احسن طريقه؟
3- بين رحلتي لواشنطن ورحلت لمدينة دراستي 5ايام هل المده طويله او عادي؟
4- تسلم على موضوعك ياعسل,,,شكرا - 7 "شعول وربي ماقصرت يالغلا فيك الخير
انا كنت ناوي امشي على عماها ومتاكد اني بالقى اللي يوجهني هناك لان امريكا ونظامهم مرتب مو زي هنا
لكن طالما انت كتبت الموضوع الرائع هذا,,,ابسالك كم سعال واتحملني,,
بالعكس يالغلا حياك وباذن الله نقدر نجاوبك على كل اسالتك
1- وش هي طلبات الملحقيه غير الجواز الاصل والايتوني الاصل وقرار الابتعاث
1- صورتين شخصية
2- شهاداتك كلها من ثانوية واي شهادة بعد الثانوية سواء بكالورياس او ماستر
3- استمارات بيعطونها لك تعبيها وتعطيها لهم
4- صورة من بطاقة الاحوال
5- قبول المعهد والجامعه
6- صورة من الفيزا وI-94 (بيدبسونه لك بالمطار فيحتاج تصوره هو ويا الفيزا بورقه وحدة)
7- التذاكر (جبها معك احتياط عشان هم بيسالونك متى رحلتك وتقدر تقرى التفاصيل بالرد اللي قبلك ^_^)
8- اذا انت اللي مسدد رسوم السيفيس ورسوم والسفارة ورسوم قبول الجامعه واي رسوم انت دفعتها وعندك ايصالاتها جبها معك عشان يعطونك المبالغ. " طبعا لما تفتح حساب وترسل لهم الشيك الملغي راح يحطون المبالغ في حسابك"
2- كيف سويتوا بالفلوس,,اخذتوا كاش او فيزا او ببطاقة الصراف العاديه؟وايش احسن طريقه؟
عن نفسي انا عندي ماستركارد مسبقة الدفع من بنك الاهلي اخذتها معي واخذت معي مبلغ كاش 2000 دولار
وفيه ناس معاي جايين ببطاقات الصراف العادية...
احسن طريقة اشوفها ، انك تجيب معك كاش بمبلغ في حساباتك انه بيكفيك وبطاقة البنك عند الحاجة.
3- بين رحلتي لواشنطن ورحلت لمدينة دراستي 5ايام هل المده طويله او عادي؟
ولله اذا تبي الصدق فرجينيا ولاية ما تمل منها ابد لو تجلس فيها اشهر لكن اذا الـ 5 ايام بتجلسها في فرجينيا عشان الملحقية بس فهي ولله كثيرة يعني اشوف يومين تقدر تتمشى في معظم واشنطن دي سي وفرجينيا وتخلص امورك بالملحقية والسفارة وكل شي.
4- تسلم على موضوعك ياعسل,,,شكرا
العفو يالغلا واذا عندك اي سؤال ثاني ترانا جاهزين انت امرنا بس ^_^ - تسلم ياشعّول ماقصرت7 "
معليش فاتني كم سؤال وعشان مااتعبك معاي جاوبني بالمختصر مو مشكله
1- البطاقه الاصل اجيبها ولا مااحتاج الا صور منها.
2- المدينه اللي انا باروح لها غاليه جدا هل فيه اسواق رخيصه بولاية فرجينيا اقد اقضي منها(لابتوب وكاميرا وملابس وشغلات ثانيه)
3- عصرت مخي ادور سؤال مافي,,ومالي غير اقوول الله يوفقك وترجع مرفوع الراس
3- - الله يعطيكم العافيه على الكم الهائل من المعلومات المفيده,,7 "
ولكن عندي استفسار بسيط ارجوا التكرم علي بالاجابه,,,,
1- بالنسبه لشهادة التطعيم والميلاد وشلون ترجمتها بمكتب والا كيف طريقتها؟؟؟
2- بالنسبه للشهادة الثانويه العامه الي نسلمها للملحقيه تكون مترجمه باللغه الانجليزيه اذا لازم ايش الطريقه الله لا يهينكم؟؟؟؟
واسف اذا ثقلت عليكم بس منكم نستفيد ولكم منا الدعاء بالتوفيق والنجاح....
والله وطمنتونا وريحتوا قلوبنا الله يريح قلوبكم ويهدي بالكم,,,,,,,وللجميع يارب,,,,,, الف شكر,,,,, - بما انك خصيت شعول بالاسئلة , اسمحلي اخش عرض واجاوب7 "
تسلم ياشعّول ماقصرت
معليش فاتني كم سؤال وعشان مااتعبك معاي جاوبني بالمختصر مو مشكله
1- البطاقه الاصل اجيبها ولا مااحتاج الا صور منها.
اذا تقصد بطاقة الاحوال عادي كلها واحد ان جبتها والا خليتها , بس أهم شي يكون عندك صورة منها ..
وعندي لك نصيحه (( أي شي عندك صوره 3 نسخ )) احتياطا ..
2- المدينه اللي انا باروح لها غاليه جدا هل فيه اسواق رخيصه بولاية فرجينيا اقد اقضي منها(لابتوب وكاميرا وملابس وشغلات ثانيه)
والله يالغالي مأدري يمكن أخوي شعول يفيدك بهالموضوع , بس على العموم الاسعار بأمريكا رخيصه نوعا ما ..
3- عصرت مخي ادور سؤال مافي,,ومالي غير اقوول الله يوفقك وترجع مرفوع الراس
وايـــــــــــاك يالـــغالـــــــي
3- - ما اقول الا يالبى قلبك انت وياه (شعّول,3booodi) لو انكم عندي عطيت كل واحد بوسه على راسه مع الشكر.7 "
- الله يسلمك أخوي طلال ..7 "
مايحتاج يالغالي الناس للناس ...
موفق ان شاءالله ..
- هلا بك أخوي السكب ..7 "
الله يعطيكم العافيه على الكم الهائل من المعلومات المفيده,,
ولكن عندي استفسار بسيط ارجوا التكرم علي بالاجابه,,,,
1- بالنسبه لشهادة التطعيم والميلاد وشلون ترجمتها بمكتب والا كيف طريقتها؟؟؟
إيه أخوي لازم تروح أحد مكاتب الترجمة المعتمدة وتخليه يترجمها ويختم عليها ..
إحرص على أن المكتب يكون معتمد .. ولازم يختم عليها ..
2- بالنسبه للشهادة الثانويه العامه الي نسلمها للملحقيه تكون مترجمه باللغه الانجليزيه اذا لازم ايش الطريقه الله لا يهينكم؟؟؟؟
نفس الطريقة أخوي توديها لمكتب ترجمه معتمد .. وأرجع أكرر وأعيد لازم يكون معتمد , ويختم عليها ..
واسف اذا ثقلت عليكم بس منكم نستفيد ولكم منا الدعاء بالتوفيق والنجاح....
لابالعكس أخوي .. ماسوينا شي .. بالتوفيق ان شاءالله !!
والله وطمنتونا وريحتوا قلوبنا الله يريح قلوبكم ويهدي بالكم,,,,,,,وللجميع يارب,,,,,, الف شكر,,,,,
ولله احنا يوم ندخل قسمونا لقسمين قالوا الامريكي يمسك سرى معين والاجانب يروحوون مع هالسرا
فاعتقد ان الامريكان او اللي معكم الجنسية الامريكية (الجواز الامريكي) لهم اجراءات مختلفه فما ودي يالغلا افتي لك بشي انا ما جربته
لا ولله ما فيه شي تعجيزي
انا ترجمت التطعيم وهالاشياء وما طلبتها مني الملحقية يمكن في المعهد تطلب ما ادري لاني ما بعد بديت دراسة
اما بالنسبة للطلبات ، الطلبات اللي كتبتها اللي يحتاجون لها مكتب الهجرة بالمطار
اما الاشياء اللي تطلبها الملحقية اعتقد كلنا عارفينها لو تبيني اكتبها ما عندي مشكلة بس