الأعضاء الإشتراك و التسجيل

الملتقيات
ADs

كم تكون التكاليف؟؟؟

كم تكون التكاليف؟؟؟


NOTICE

تنبيه: هذا الموضوع قديم. تم طرحه قبل 3180 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية $Black.Wolf$
    $Black.Wolf$

    مبتعث جديد New Member

    $Black.Wolf$ غير معرف

    $Black.Wolf$ , ذكر. مبتعث جديد New Member. , تخصصى طالب , بجامعة جامعة الملك فهد
    • جامعة الملك فهد
    • طالب
    • ذكر
    • الرياض, SOON إن شاء الله
    • غير معرف
    • Mar 2008
    المزيدl

    April 3rd, 2009, 08:42 PM

    بسم الله الرحمن الرحيم

    السلام عليكم وحمة الله وبركاته ...أما بعد...

    لو سمحتوا يا شباب أنا اسمي حمد وأبغى 3 دقائق من وقتكم أنا الحين موجود في السعودية وأبغى أقدم على أحد الجامعات في ولاية كانساس أظن اسمها Wichita State University لكن أنا في البداية بأروح على حسابي الخاص وأبغى أعرف كم راح تكون التكاليف علي من تذكرة الطيران من هنا في السعودية إلى هناك في كانساس وكم راح تكون تكاليف الجامعة والسكن والمواصلات والأكل ومن هاذا القبيل إلى حد ما أنظم للبعثات.

    هل الأفضل السكن مع عائلة أم السكن في نفس سكن الجامعة؟

    ما هي أفضل طريقة للنقل الدراجة أم الباص أم التاكسي ... إلخ ؟
    أنا الحمدالله الإنجليزي عندي ممتازة بأروح هناك أبدأ الدراسة من غير معهد إنجليزي أبغى أعرف كم من المحتمل استغرق من الوقت حتى انضم إلى البعثات؟

    ويعطيكم ألف عافية على قراءة الموضوع وأتمنى تنفعوني إن شاء الله...
  2. وعليكم السلام والرحمه.........

    هلا بك اخوي انا والله توني جديد على امريكا بس عندي معلومات انا لي الحين حول 10 ايام انا طلعت على حسابي

    بالنسبه للتذاكر انا اخذت اول شي تذكره لواشنطن طلعت لي بحول ال3500 ومن واشنطن الى نيويورك حول ال1200

    وبالنسبه للمواصلات على حسب موقع سكنك يمكن تروح مشي اذا كان قريب ويمكن تروح بالباص انا حاليا بفندق ادورلي سكن عائله بس الباص حلو جدا جدا

    واذا تبي سكن اذا كان ماعندك لغه وتبي تقوى لغتك رح سكن عوائل مع ان العاوائل بهذله بس تتعلم اللغه منهم

    انا جلست مع عائله 3 ايام وطلعت منهم بغيت انتحر مايصلحلي العائله الي كنت فيها

    كلمت المعهد وهم بيدورولي عائله ثانيه لان القديمه ماتصلحلي بس احس الشقه اريح نفسيا واقرب وافضل بس الي ماعنده لغه يروح عائله احسن له

    بالنسبه للصرفيه يبيلك اقل شي شهريا 600 دولار اذا كنت على حسابك هذا غير السكن اما اذا كنت مع عائله يبيلك 400 دولار يكفيك

    بس ترا الوضع تغير هنا الي على حسابه ماينضم للبعثه الا بعد مايكمل 30 ساعه بالجامعه يعني وقت طويل

    بالنسبه للجامعه ماعندي خلفيه عنها

    واي شي ثاني تبي تسأل انا موجود

    بالتوفيق..
    7 "
  3. يعطيك ألف عافية أخوي "نكوب" طيب أنا بأروح هناك أبدء دراسة عالطول بأذن الله من غير معهد ولا شيء لأن زي ما قلت الإنجليزي عندي مره ممتازة.
    وش أرخص أن اسكن مع عائلة أو ايش؟ وبكم تقريباً الشهر؟
    وكم تأخذ الجامعة على السمستر الواحد تقريباُ؟
    وكم تتوقع بشكل عام راح تكلفني من يوم ما أمشي من هنا إلى حد ما أنظم إلى البعثات بأذن الله؟
    أرجوا إنك تكتب المعلومات إما بالريال أو بالدولار علشان ما أتلخلط... :P
    معليش أحس إني نشبت لك لكن تكفى سامحنا...
    7 "
  4. اخوي بلاك لحد لحين انا ماسافرت بقيلي 10 ايام بس بقولك المعلومات الي عندي وحسب خبرتي اول شي التذاكر تقربا روحه بدون رجعه من الرياض الى واشنطن DS 2670 ريال والداخلية ماعرف عنها شي .. ثاني شي تكاليف العائلة بتكون اغلى اكيد لانهم بيغسلون ملابسك وبيوكلونك فطور عشاء بايام الاسبوع وثلاث وجبات بالويكند بس انا اشوفها مالها داعي لان لغتك تقول انت ممتازة خذلك شقة لوحدك او روميت مع احد الطلاب السعووديين اوالاجانب بيكون ارخص بكثير.. ثالثا الباص روعة ورخيص (باصات امريكا ممتازة جدا ومنظمة) رابع الالتحاق بالبعثة يجب عليك انهاء 30 ساعة اكاديمية وتجيب معدل 2.5 من 4 ودايركت تلتحق بالبعثة(وانصحك تمر الملحقية قبل ولايتك تفتح ملف عشان ان شاء الله يرجعون يرفعون الملفات) وال 30 ساعة سنة وحده... خامسا تكاليف الجامعة (طبعا على حسب الجامعة اذاهي حكومية بتكون رخيصة واذا خاصة بتكون غالية طبعا) بس بقولك تقريبا هذا السعر شامل كل شي من 100 الف ريال الى 150 الف ريال وهذا الي عندي وان شاء الله استفدت مع تمنياتي لك بالتوفيق..
    7 "
  5. اخوي حسب جامعتك ادخل الجامعه وادخل قسم الطلاب الدوليين بتطلع لك الجداول وشف السعر

    يعني خصوصا زي ماقلت انجليزيتك اوكي الموقع حاط لك كل شيء وكل الاسعار حتى سعر العائله تحصله والكتب والتامين والذي منه

    وبس
    7 "
  6. هلا بك مره ثانيه اخوي بلاك

    لا ابدا لا نشبت لي ولا حاجه انا كنت زيك يوم من الايام

    بالنسبه للغتك لازم تدخل معهد او شي ولو شهر واحد اولا عشان يطلعون لك رقم الاي توني وعشان يختبرون مستاوك وتقدر اول ماتوصل تختبر التوفل اذا جبت فيه درجه حلوه تدخل الجامعه

    على طول واذا ماجبت الدرجه المطلوبه لازم تكمل اللغه بالمعهد وعلى حسب المستوى الي يعطونك اياه

    بالنسبه للسكن اذا كانت لغتك قويه مايحتاج عائله اصلا العائله بهذله ماتاخذ راحتك.. الشقه اغلى بكثير العائله ارخص بس لو تلقى لك واحد تاخذ الشقه انت وياه بيكون ارخص بكثييير

    انا اشوف الي عندي بالمعهد كل 2 في شقه وامورهم ماشيه تمام

    والاسعار تختلف من ولايه الى ولايه فمثلا انا في ولاية كناتيكت العائله تاخذ 750 دولار والشقه تاخذ من 1300 دولار الى 1600 دولار وتختلف الاسعار من شقه الى اخرى

    بالنسبه لسعر السمستر ماعندي خلفيه بس يكفيك 130 الف ريال لمدة سنه ويعتمد على صرفيتك ويعتمد على اسعار الولايه اذا كنت جاي على حسابك ترا الضم للبعثه صار صعب شوي

    انت رايح لاي ولايه ؟؟ ووش تدرس بكلوريوس ولا ماستر؟؟

    واي شي ثاني تبيه انا موجود

    بالتوفيق
    7 "
  7. يعطيكم ألف عافية يا أخوان وما قصرتوا معاي والله
    أخوي نكوب أنا رايح إحتمال فيرجينيا أو كانساس أو أورجن وأنا بأروح أدرس بكالوريس إن شاء الله.
    لكن برضوا ما زالت عندي أسئلة بالنسبة على كلامك تقول لازم أدخل معهد على الأقل شهر هل هو إجباري ولا أقدر آخذ التوفل وأفك نفسي من المعهد وإذا كان ممكن أقدر آخذ التوفل من هنا في السعودية وإذا أختبرته وشلون أجيب الـ I-20 وبالنسبة للجامعة ما فيها إختبارات ثانية للدخول مثلاً الـ SAT .
    وإذا كان ممكن راح تكون طريقة أسهل لو تحدثنا بواسطة الماسنجر إذا أمكن، طبعاً المنتدى ما يسمح إني أكتب إيميلي في المشاركات لذالك أفتحوا على ملفي الشخصي وراح تحصلون عليه في الصفحة اللي في وجهكم بس أنتم لازم تنزلون شوي علشان تشوفونه من ضمن رسائل الزوار...
    حتى أنتم يا موكا و ميتشجان أبغاكم تضيفوني...
    ويعطيكم ألف ألف عافية...
    7 "
  8. هلا بك اخوي انت رايح بكلوريوس طيب عندنا ناس مخلصين البكلوريوس من جامعة الملك فهد للبترول والمعادن ولغتهم 100% يعني

    بيكنون احسن منك بالف مره ياللي متخرج من الثنويه وهم متخرجين من اقوى الجامعات جامعت البترول ومع ذالك دخلو المعهد

    وابشرك ماعطوهم اخر مستوى عطوهم مستوى متوسط عطوهم المستوى 8 او 7 يعني يبيلهم 4 شهور او 5 او 6 هنا الانجليزي من

    زي السعوديه سهل هنا اختبارهم لتحديد المستوى صعب جدا انا الصراحه ما شفت احد قد عطوه اكثر من المستوى 8

    يعني انا توقعتك متخرج من جامعه بلغه انجليزيه وتبي تكمل ماجستير فقلت لك يبيلك اقل شي شهر شهرين بس مادامك توك ثنويه يبيلك

    لايقل عن 4 شهور لانك بتكمل بكلوريوس والبكلوريوس بعض الجامعات تطلب المستوى 10 اما اذا كنت بتكمل ماجستير يبيلك تخلص

    المستوى 12 يعني البكلوريس اسهل في دخول الجامعه

    يعني لازم تسجل في المعهد اصلا مايطلعلك رقم الاي توني الا انك مسجل بمعهد ولازم تختبر عندهم وتقدر تختبر الاختبارات الثانيه بس ماتختبرها الا هنا بامريكا مو بالسعوديه

    على فكره ايميلي u.s.a_200 آت هوت ميل كوم

    بالتوفيق
    7 "
  9. طيب يا عزيزي أنا الآن في جامعة الملك فهد للبترول والمعادن والجامعة حذفت مني الكورس حق الإنجليزي لأن مستوى اللغة عالي جداً عندي وأنا أساساً ما لي إلا ثلاث سنوات راجع من أمريكا أنا كنت أدرس هناك لمدة 9 سنوات وأقول لك اللغة تمااااااام ما يحتاج أي معهد ولا شيء...
    7 "
  10. اها ماشاء الله طيب عندك الجواز الامريكي؟؟ اذا عندك مايحتاج فيزه اصلا

    بالنسبه للمعهد مايطلع لك رقم الاي توني لا معك قبول معهد واصلا الجامعه ماتتفاهم مع كلامك تقول ابي اختبار التوفل انت اختبر من

    هناك اذا امكنك وخذ قبول معهد شهر بس ويمكن مايحتاج تدرس اذا جبت الدرجه المطلوبه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.