قمة النحاسة..قصتي في الحج

September 18th, 2009, 06:04 AM

يا سحالي مبتعث <<واذا تمساح ما يخالف..
دون مقدمات حيث ان السالفه طويييييييييييييله يعني اللي ما يحب القرايه
معليش يظغط على عمره<<والله لونه وش
قبل كل شي اذا فيه خطا في الاملاء يعني حروف ناقصه ولا متشقلبه علموني
اذا الف مقصوره
وحرف الضاء تراني ما اتعامل مع ذالحرف ما احب اكتبه
الظاء يقوم بالواجب
اتفقنا
المهم
اني السنه اللي راحت ربي هداني ونويت احج
المهم اني اتفقت انا وبنات خالتي الكبار انا نروح
وخلاص مشت السالفه على كذا
مشينا يوم الخميس
وقبلها كان فيه مكالمات وش نجيب وش نسوي
المهم ركبت الباص ومشينا اتلفت
ما عندي احد اعرفه
ادق على بنت خالتي قالت انا مشينا الاربعاء
واناماشية الخميس
لحووووووووووووووووووووول
وش السالفه
المهم قلت خلاص نتقابل في المخيم مب مشكله
مشينا وعلى الطريق يصارت لي سوالف اعوذ بالله تجيب خنقه العبره
يوم وصلنا لنص الطريق تقريبا
قالو ترانا بننزل نتغدا
قالو ترا كل <4 > حريم يكونون في غرفه
ما اتفقنا على كذا لحوووووول
اقعد مع مين انا
كل مجموعه حريم قرايب يعني انا اقط وجهي مع مين
قسم حاله
نزلنا للمطعم
ومثل ما اتفقو
دخلو كل مجموعه في غرفه
كلن دخل وصك الباب وانا <يعمري يا أنا> جلست في السيب كلن ردع الباب في وجهي<<انتو بس تخيلو الشكل
وش الحل الحين
قعدت في ذالسيب اناظر البيبان المصككه
جتني حاله هستيريا وقعدت اظحك
لا وقزما وصايره في العبايه مدوره
يا ان علي شكل مدري ايش يبغي
قلت خلاص مالي الا انتظرهم برى في الشارع اقعد على الرصيف لين يخلصون
حسبي الله عليهم
توني بألف
الا تفتح حرمه الباب تقول احنا ثلاث حريم فيه احد
وانا تشوفوني طيراااااااااااااان
واروح اركظ انا ما معي احد
والله يوم فتحت الباب كنها فاتحه باب رزقي
مو كله جوووووووووووووع
بس مالي داعي اقعد انتظرهم برى لين يخلصون
متأكده ان شكلي بيطلع شييييييييييين
<<حمد لله رب العالميييييين>>
المهم
دخلت وتغديت معهم بالاصح لمّست ولا ماكان لي نفس في الاكل ابد
وشلون بالله وانا خا نقتني العبره
تتقابل الرزه مع الصيحه ويصير مشاكل
عاد قعدو الحريم يقولون سوالف تحوم الكبد
ليش جايه بلحالك
امك ما تخاف عليك<يربييييييييييييييييي هذا كلام ينقال
وكل وحده تقولي سوالفها مع بنتها
يعني تراني ام مثاليه

واللي يظيعون في الحج
<<وسواليف تجيب المرض
واحقق امنيتي في القعده حقت الاولاد اللي على عتية الباب مب اصرف لي من قعده الحريم
خلصنا وركبنا الباص
وكانت قاعده جنبي حرمه كبيره الله يهديها
<<انا من خبرت نفسي وانا ما حب ريحه الاكل في السياره في طريق سفر
كبدي علطول تبدى تتفاعل
كله من اخواني ما نروح الجنوب الا ويلوعون كبدي>>
واهي كل ما نزلنا في محطه الله يذكرها بالخير
تشتري بطاطسات ليز خل وملح ولا جبنه
ولا مرامي مشويات
وشوي حب مصري
<ياكبدييييييييييييي>
وش الحل معها
حاولت انام اغير السالفه ما فيه الريحه مره قويه
وكبدي اعوذ بالله
يوم ظفت قراطيسها وتحطها في كيسه يعني انها قظت
يا اني فرحت فرح
بس وش بيعود يركد ذالكبد
لازم انزل من السياره شوي لين تركد
بس شغل الدلع هذا ما يمشي
سياره ابوي هي
مالي الا الصبر هم الصبر هم الصبر <<اعجبتني خخخخخخ
مشينا لين الساعه <11> ترا مدري يمكن
اخلصي علينا بس
قالو يالله لكم خمس دقايق انزلو فيها
حطو السياره تعبي بنزين والمفهيه انا نزلت
كانت المحطه مره كبيره
وزحمه اعوذ بالله
رحت اشوف اخوي لقيته نايم
سويت حركات الاخت الحنون وياشينها من حركات
قلت خلاص خله ينام وانا اروح للحمامات شوي وراجعه
فيه معنا بنتين قلت بلحقهم
لان مكان الحمامات شوي بعيد ولفات يعني مب علطول وبروح معهم
يوم وصلنا والقاها مره زحمه
خلاص مالي الا ارجع مب لازم
رجعت في امان الله
وصلت لمكان الباص
وتطقني ام الركب طقه بنت كلب
تخيلو ما لقيت الباص في مكانه
وش الحل
جلست القرفصاء اقلب ناظري يمنه ويسره <ترا اهم مافي السالفه ذالسطر تعبت عليه
واتفرج عالرايح والجاي
يعني خلاص ما باليد حييييله
ومعاد بقى عالوقت الا شوي
ويمشون
والمحطه مره زحمه
واقعد اسبح واهلل
يا اني حبيت اهلي حب واخواني ياالله شي مو طبيعي
واقوم اركض في ذالمحطه اول شي كنت مسويه محترمه مسكره النقاب وامشي شوي شوي
عودت ارجع للحمامات معاد لقيت البنات
تأخرت ما لقيتهم
وافتح النقاااب واروح اركظ يمين يسار ما عندك احد
انا لله وانا اليه راجعون
وشوي والقا حرمتين سعوديات كني شبهت عليهم
وسألهم انتم في اي حمله
قالو انتي وش اسم حملتك
الحمله الفلانيه
قالو لا انتي مب معنا ويروحون ويسفهوني
ياااااااااربيييييييييييييييييييي
ياخي ما تشوفون شكلي ظايعه عطوني وجه
قررت اني انشب لهم
واقعد الحقهم لين اشوف وش الله بيقول بي
والله ولا عطوني وجه
الله ياخذ الحريم مالي الا فزعه رجال
رحت لرجال وقلت له اني ما ادري وين حملتي
قال وش اسمها يوم علمته قال والله ما اعرفها هذي
قال طيب دقي على اخوكي
تذكرت اني مخليه الشنطه في الباص من الغباء المركز
قلت له شنطتي في الباص
قال طيب خذي جوالي ودقي على اخوكي
توني بادق الرقم
تذكرت ان اخوي مغير رقمه ولا حفظته
يعععععععععععععععع وش ذالحاله
احس الرجال يقول مب الشرهه عليك الشرهه على اللي يخليك تحجين
وانا اقول في نفسي تفل في عيني ان تركتك
مشيت معه
والقى رجال كني قد شفت وجهه
رحت له وخلصت من الثاني بروح انشب في الثالث
يوم رحت وتوني باتكلم الا القى الباص وربعنا
خسهم الله من ربع
والرجال الاول والثاني والحرمتين صارو معنا في نفس الحمله
وبكذا اكتشفت اكتشاف مرعب للغايه
ان الحمله اللي اعرف اسمها
اهي اللي فيها بنات خالاتي
وهذي غير ولهيب حولها
ما صدقت ذالاكتشاف المخيس
وقلت لازم ادق عليهم واسالهم
وش الحمله حقتكم قالو انها كذا مدري والله نسيت اسمها الحين
والحمله اللي انا فيها اسمها <الأول>
ياربي وش السوات دقيت على ابوي
ودار الحوار الآتي
شف ابوي ترا انا في الحمله بلحالي
وذوليك في حمله تختلف عنها
<<عجيب والله وش لون
انا عاد هذا اللي صاير وانا توني ادري
قال خلاص بادق عليهم وأشوف
يوم دق عليهم قالو انا ما لقينا لها مكان عندنا وحطيناها في حمله ثانيه
بالله مسوين متعاونين طيب كان حطيتو عندنا خبر شي
مب كذا
يوم دريت بغى يغمى علي وانا وحالتي اللي ما تنبغا ولا بقشامه

<FONT size=3><FONT face="Comic Sans MS"><FONT color=darkorange>%u

• نشر عبر تويتر
• نشر عبر فيسبوك
• نشر عبر جوجل