صبايا اللي بيلبسوون عبايات ملووونة او بالطاوات طوويلة يشرفوني هنا

انا مفكرة افصل عباية ملونة

خد القمر...ربي يعطيك العاااااااااااااااااافية وربي يوفقك ويسهل لك امورررك..
..بس سؤال مجمع الشرق ؟؟هذا وين بجدة؟؟ ونفس الشي الخاسكية؟؟

الفنااااااااااانة..دلينا على اللي تفصل ؟ولك منا دعووة حلووة؟؟

ووين باي منطقة؟؟وتقريبا كم اسعارها؟

خد القمر .. مشكوووووووورة وايد ( على قول حبايبنا الكويتيات )
والله يسر لك أمورك ويسهلك الابتعاث ويحفظك في الغربة إن شاء الله
العباية السماوي موديلها حلو وعجبني وإن شاء الله إزا خلصت العبي حقتي حأنزلكم هيا
والقادم أفضل ...

آآآآآآآمين يارب ولك مثلها
مشكوررره على الدعوه الحلوه ياعسل
مجمع الشرق على شارع المكرونه وأي احد بجده يعرفه حتى لو تسألو لموزين يدلكم عليه
المهم محل العبي هذا حيكون في اول لفه على اليمين لمن تشوفي مجمع الشرق يعني ما تدخلي مجمع الشرق
وهو محل مررره صغير على يدك اليمين ومعلق برى العبايات والطرح وعنده طاوله
ومحل السهيل بجنب يابلاش برضو الف مين يدلك مررره معروف هناك
الخاسكية
بعد ماتعدي دوار البيعه تدخلي على شارع الملك عبدالعزيز الى فى وسط البلد معروف للجميع ويوجد فيه عمارة الملكه و مركز الكورنيش والمحمل

ومعليش ترى ما اعرف أوصف يارب يكون شرحي واضح

آآآآآآآمين يارب والله يسلمك على الدعوه اللي ترد الروح ولك مثلها حبيبتي

وهذا بس من ذوقك

وطبعا نبي نشوف عبايات

بالتوفيق للجميع 000000

مساء الورد على قلوب الورود اللي هنا
حبايبي اللي ناوية تفصل أو تشتري ممكن تزوروا سوق البوادي صراحة عندهم اشياء بحال البلاش
و كمان سوق الشاطيء يبيع جاه و يفصل كمان بسعر رائع جدا
انتي عليكي الصور و هو التفصيل و اختاري نوع القماش

الحجابات الملونة و القبعات الداخلية اللي تغطي كامل الراس موجودة كمان في الشاطيء

الله يوفق الجميع

طيب خواتي..من فين افصل عباة وبالطوات ملونةأنا بالشرقية وجزاكم الله خير

موقع تاخذوا منه افكار موديلات للعبايه:
http://www.shukronline.com/womens.html

بنات انا ببدأ أجهز ان شاء الله

وببدا بالعبايات

ما راح اقضي اشياء كثيره كلبس تحت العبايه من هناك او شيء معقول بشتري غير أشيائي اللي باخذها من هنا معايه

بس فيه أشياء افكر فيها

أبغى نظارات شمسية<<<< خلونا نتكلم عن محلات وماركات وووووو لاني من ايام الجامعه ما اشتريت ولا ادري فين


كمان شنط السفر احس لو اشترينا شنط مميزه يعني قصدي ما تكون سودا او كحلي عشان اللخبطه<<< خلونا نتكلم عن الشنط


شنط الدراسيه برضو خلونا نتكلم عنها



على فكره اخويه طلع من هنا عادي ما اخذ معاه شء وبعدين ارسل لنا انه بحاجه اشياء مثل

قهوه / هيل/ حبه سودا/ تمر/ يانسون/ يقول من هناك غاليه ومو فاكره اشياء ثانيه


طبعا اخناها من الرفاعي بتغليفهم وارسلناها مع قريب لنا

لا تقولون وش دخل ذا في ذا خ خ خ خ بس معلومه فقط


الله ييسر لنا