الأعضاء الإشتراك و التسجيل

الملتقيات
ADs

تقرير وأخيرا صور العبايات الملونة اللي في محل الشيخ/طيبة/الرياض

تقرير وأخيرا صور العبايات الملونة اللي في محل الشيخ/طيبة/الرياض


NOTICE

تنبيه: هذا الموضوع قديم. تم طرحه قبل 4973 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Alina
    Alina

    مبتعث فعال Active Member

    Alina الولايات المتحدة الأمريكية

    Alina , أنثى. مبتعث فعال Active Member. من السعودية , مبتعث فى الولايات المتحدة الأمريكية , تخصصى يا رب ألتحق بالبعثة , بجامعة UW
    • UW
    • يا رب ألتحق بالبعثة
    • أنثى
    • Seattle, Washington
    • السعودية
    • Jul 2010
    المزيدl

    August 17th, 2010, 06:24 AM

    سيدات العالم والقاطنات خارج مدينة الرياض وضواحيها

    وبناء على طلب الجمهور الكريم ..

    واللي يسألن عن أشكال البالطوات والعبي في محل الشيخ في أسواق طيبة في الرياض

    رحت أمس عشان أشوف اللي عنده ، وبالمرة اصور لكم ..

    فيه موديلات حلوة وفيه موديلات عادية ، كل وحده وعلى حسب التصميم اللي تعطيه إياه

    صورت لكم اللي قدرت عليه ، وما قدرت أصور أكثر عشان كان فيه حريم في المحل

    والصور إهداء لكم .. ومعليش على رداءة الجوده لأني اكتشفت متأخر إني نسيت الكاميرا

    والصور والمحل والخياطه والتصاميم مو بالضرورة تعبر عن ذوقي
    : )

    الموديل الوردي..فيه أزرار من فوق بس والباقي مخيط






    وهذا نفس الفكرة ..أزارير من فوق ، والباقي مسكر


    هذا مثل الجاكيت بس على شكل عباية ، وياقته واكمامه سوتهم بقماش بربري




    وهذي لونها زيتي مثل فكرة العباية مع حركة الأكمام



    صور جانبيه توضح كم العبايات الملونة التي عنده



  2. يعطيك العافيه اختي الينااا
    ايه والله انا دخلت هالمحل امس كنت جايه للرياض عشان اصور بااستديو لحظه غروب ودخلت هالمحل لانه قبال الاستديو
    صراااحه حلو انا اخذت عبايه رمااديه وعبايه بني <<حتى قماشاتهم يجننوون كأنهم اقمشه رجاليه وعطاني نقاب مجاناا مع كل عبايه
    واخذت من عندهم بندانااات <<اسود وابيض وبيج تقريبا الوحد بخمسه ريال وعندهم الوان كثيره
    7 "
  3. المشاركة الأصلية كتبت بواسطة جنوبيه خوالها أتراك
    مرررررررررره حللللوه وساتره بس ياناس شكلي حيكون مضحك مرررررره وسيعه
    وأصلآ مستحيل اني ألبس مخصره بس أنا حأضيع جوتها ..الله ييسرها وقت ترتيبات السفر
    تسلمي ياألينا


    شكلكك نحيفه يا قلبو
    عادي مرة لا تشيلي هم
    اختاري أي عبايه تلبسيها في السعودية وتعجبك ، وفصلي زيها ملون ورح ترتاحي كثير إن شاء الله
    أو فصلي حاجة فيها شوية طبقات من عند الرقبة ونازل شوي

    يالله لسا قدامك وقت .. ولا تستعجلي

    أنا خيطت عباياتي وبالطواتي عند خياط الشهاده لله شغله مرة نظيف الحمد لله
    والحمد لله فهم علي بسرعه

    بينما خيطت عباية وحدة عند محل عبايات وجاب العيد فيها كأنه عمره ما خيط عباية وهو خياط عبايات ومرة متضايقه بسبب العيد اللي جابه

    ما علينا ... إن شاء الله يكون حظك أحسن مني
    7 "
  4. المشاركة الأصلية كتبت بواسطة dandy lady
    يعطيك العافيه اختي الينااا
    ايه والله انا دخلت هالمحل امس كنت جايه للرياض عشان اصور بااستديو لحظه غروب ودخلت هالمحل لانه قبال الاستديو
    صراااحه حلو انا اخذت عبايه رمااديه وعبايه بني <<حتى قماشاتهم يجننوون كأنهم اقمشه رجاليه وعطاني نقاب مجاناا مع كل عبايه
    واخذت من عندهم بندانااات <<اسود وابيض وبيج تقريبا الوحد بخمسه ريال وعندهم الوان كثيره

    حمد لله على سلامتك ونورتي الرياض

    وين هالاستديو .. غريبة ما انتبهت له ؟ وش فيه زود عشان جيتي تتصورين فيه؟

    أجل عطاك نقابات هدايا .. حلو كثير

    يا ليتني قابلتك في المحل بدل الحرمة اللي كانت تناظرني بقوة وتقول الحمد لله والشكر وأنا أصور
    يله كويس شريتي لك وارتحتي... لبس العافيه إن شاء الله
    7 "
  5. المشاركة الأصلية كتبت بواسطة شهد االحياة
    طيب وش رايكم في هذا البس طبعا مع تغطيت الراس فقط الوجه

    والله يا عسوله
    أنا أميل للحجاب الساتر أكثر من الكاجول هذا مع إن هذا حلو كثير
    بس أنا شايفه إن هذا يبين حجم مفاتنك ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.