من فبن نشتري اغراض المنزل ياحلوات؟؟؟

حبوبه ثلاث أرباع الأشياء اللي هنا تلاقيها هناك

ويمكن جودتها هناك أفضل كمان لانه عندهم قوانين مره صارمه على المواصفات والمقاييس

لما تروحي اتعرفي على ناس مسلمين وحيدلوكي على أماكن الأكل الحلال بس أحيانا يكون مره أغلى من العادي

فإذا كان حيأثر على ميزانيتك ترا يجوز ناكل لحوم اهل الكتاب

وبعدين اليهود ترا زينا يذبحو الأنعام .. بس لما تجي تقطعيها وتطبخيها انتي قولي بسم الله

يعني اذكري اسم الله عليها .. ولاتعقدي الأمور ترا ديننا دين يسر وسهوله ..

وإذا كنتي مصممه انه شي اسلامي ومالقيتي شي قريب منك ومناسب .. يمدحوا السمك والأشياء البحريه بقوه ..

وترا هناك عندهم هايبرات كبيره زي هنا زي الدانوب وكدا .. وفي كارفور وجيان واشياء احسن كمان


الله يسهل لك يارب

شكرااا حبيبتي على مرورك
انتظر المزيد؟؟؟؟؟؟؟؟؟؟

walmarT هذا نفس كارفور موجود بااغلب الولايات
من ناحيه الفوط الصحيه تحصلي اللويز
شامبو الغسيل ..تايد لكن مايجي بودره بس سايل .
ماركه great value هي الارخص بكل شي بالمعلبات والمعكرونه والمجمدات


فيه محل ثاني ارخص من الوول مارت اسمه.. aldi
ادخلي بقوقل وابحثي عنه ادخلي واكتبي الزيب كود تبع مدينتك يطلع لك اقرب فرع

هلا نهى ..

انصحك بمتجر تارقت زي ايكيا فيه كل شي حتى الملابس والصيدلية والأجهزة .... الخ

انا قضيت منه كل شي بس السرير والمكتب اخذتهم من الوول مارت

موفقه لكل خير

هما كذا بنات بلدي
تلاقيهم وقت الضيق
شكرااااااااااا لكم
وجزاكم الله الف خير

كمان انصحك ماتشتري سرير لانه فيه شي شبيه بالسرير وسهل استخدامه وشيله لو بغيتي تنقلين لولايه ثانيه
تحصلينه بالوول مارت
يكون زي مرتبه السرير بس يجي معاه ماطور هوا}}}}فهمتي علي
يعني بدون الهوى يتسفط وينحط بشنطه السفر ويكون مرره خفيف
اكتبي بقوقل Air bed
وبتشوفي اشكال له كثير

علم ...شكرااا حبيبتي

أختي ممكن تلاقين أنواع كثير جودتها عالية وأنا بأعطيك بعض الأمثلة .
بالنسبة لصابون الملابس فيه تايد سائل معاه لينور ريحته حلوة .
الشاميو أنواع كثير حلوة أنا جربت جارنييه اللي هنا حلو برضه فيه شامبوهات عضوية مافيها كيماويات كثير .
الأكل عندك أكل اليهود اللي اسمه كوشير مرررة منتشر في أمريكا وطبعا ماهو محبة في اليهود مالت عليهم بس لإن بينا وبينهم شيء مشترك اللي هو عدم أكل لحم الخنزير، ابدا ابدا مايأكلونه تلاقين أكلهم فيه رموز زي U داخل دائرة أو K وربي أحل لنا أكل أهل الكتاب فسمي بالله وكلي وإن شاء الله تكون هذي الشركات تبع اليهود الأرثوذكس اللي مالهم علاقة بالدولة المسماه إسرائيل ، بس الخمر والواين حلال عندهم فانتبهوا للمكونات .
الخضار والفواكه جودتها عالية مررة لاتخافين من ناحيتها .

السلام عليكم

عزيزتي ,, المنتجات غالبا نفسها في المحلات,, لكن المحلات تختلف اسعارهم عن بعض,, وال مارت غالبا ارخص شي ,, لكن دوري على المكان الاريح لك , اقرب لك ,, في سوبر ماكتات تعطيك بطاقه تخفض لك كل مره تشتري من عندهم ,, بس تعملي لها سكان وقت الدفع ,, توفر لك 3 او 4 دولار في كل مره ..

المهم , ما اطول عليك ,, انا عن نفسي استخدم منظفات احب انصحك بها ,, لانها مريحه و استعمال واحد و رائحتها جيده و في نفس الوقت مطهره ,,

انا استخدام لدواليب المطبخ و الحمامات الله يكرمك و اي مسطحات في البيت ,, مناديل كلوركس او لايسول ,,





لكرسي الحمام الله يكرمك ,, تنظف و تترمي كل مره ,,



و اذا تحبي تستخدمي الفرشه زي حقتنا في السعوديه ,,

انا عجبني دا المنظف ,, رائحته قويه و منعشه ,,




للأرضيات ,, طبعا هنا مافي غسيل و شطف زي عندنا ,, هنا بس تمسحي الارضيات ,, لانه ما في فتحات تصريف الماء على الارض ,, عن نفسي استخدم سويبر ,, مناديل معطره و كل مره اشتري رائحه مختلفه ,, برتقال , لافندر او في كمان رائحه مو فاكره اسمها ,, و على فكره في كذا شكل لها ,,



لسائل غسيل الصحون ,, انا استخدمت انواع و اشكال ,, احسن 2 لقيتهم ,,




او هذا ,, شفته عند صحبتي ..


بالنسبه للفوط الصحيه ,, اللي ما يناسبها اولويز ,, تستخدم كوتكس او ستاي فري ,, مره ناعم و جيد

اما الشامبو ,,, فبصراحه ان نفسي مالقيت الشامبو اللي يريح قلبي و شعري الى الان ,,

جربت اشياء كثييييره و شعري مازال مو عاجبني ,, بس اخت زوجي اشترت شامبو من هنا و بلسم ,, نصحتها بهم الكوافيره ,, ماعرف اسمه الان , بس انشاء الله اعرف لكم ايش هو ,,

بالنسبه للكريمات ,, استخدمي اي كريمات معطره تحبيها , انا زبونه باث اند بدي وركس ,, كريماته معطره و حلوة


,, لكن اذا فعلا تبغي شي يرطب يدينك و جسمك ,, مالك الا هذا من الصيدليه ,,



هذا اللي في بالي الان ,, و اتمنى افيدكم في شي تحتاجوه ,,

اختكم ,,, نيمو - روفي