لماذا المرأه دائما مظلومه ودائما عليها يقع اللوم؟؟؟؟؟؟شاركوني

سؤال كبير يصعب اننا نناقشة ببضع كلمات والمشكلة اجتماعية خطيرة ياليت أختصاصينا الاجتماعين يطرحوا التفسير والإجابة القاطعة لهذه التساؤل...
طرح رائع غادتي....

ااااااااااه ه اه اه ... والله ح اتعب وانا اقول اه ..

من جد تعالي شوفي كيف البنات .. سيبك من كل الاجيال وتعالي بس شوفي جيلنا ...

انا الصراحه . اشوف صحباتي كيف يمكن هم خمسه بس وحده حياتها كويسه ولله الحمد ويارب دايما ..الثانين ..

اللي زوجها يخونها عيني عينك .. كذا .. وطول الصيف دا بين لندن وباريس وما تعرف وينه اصلا .
واللي ما جلست شهرين معاه ورجعت بيت اهلها على طول ..
واللي طول الوقت مضاربات على الطالعه والنازله ...

واللي حارمها من اولادها ليها شهر ما شافتهم .. وكل يوم يتصلوا عليها وهم يبكوا ..

والله الصراحه انا قلبي تعب من القصص دي..

وليه هي السبب ... انا اقولك

لانو ببساطه الرجال ايه .... ما يعيبه شي ..

طالما احنى كمجتمع ماشين على دا المبدا عمره الحرمه ما ح تاخذ حقها ..

صارت الخيانه .. مو حرام .. الرجال .. يتفاخر انو يعرف فلانه وعلانه .. علشان هو ما يعيبه شي ..

ما شين على مبدا العيب .. للاسف قبل الحرام ..

لو كل شخص سواء حرمه او رجال .. طبقوا الشرع و خافوا ربنا .. كان الدنيا بخير

كان لاشوفتي اولاد محرومين من امهم ولا ابوهم .. ولا شوفتي خيانه ولا شي

انا اقولك مثال .. يروح ولد يتزوج بنت عمه .. مو علشانها عاجبته او شي بس علشان دي عاده مع انها مو في الشرع .. وبعدين ايش... تصير المشاكل .. ويبدا هو يخون ..
وهذا مو شي مستبعد لانه في البدايه ظلمها بدي الزواجه وظلم نفسه كمان ..

وهنا النقطه اللي ابغى اوضخها .. ما قدر يكسر العاده والعرف الموجود عند اهله ..

لكن للاسف قدر انو يكسر حدود الشرع .. بانه يظلم انسانه ما لها ذنب .. ويخون (والخيانه انا اقصد بكافه معانيها ..)

سبحان الله .. من جد ولله في خلقه شؤون ..

اسفه على الاطاله .. بس من جد الموضوع يقهر..

نقاش ساخن ومفيد...
نعم الرجل في مجتمعنا كما هو معروف له اليد العليا على كافة محاور الحياة الزوجية حيث حصرة الزوجة حتى كادت لا تستطيع ان تقوم بعمل اي شيء غير الرضى بالامر الواقع.
لماذا النساء هكذا لما هن مسيطرات في اوقات الفرح والسعادة الزوجية ويهربن بعيداً خوفاً عن حل المشاكل عند حدوثها لا سمح الله؟ هل العيب فيهن ام انهن تنازلن عن حقوقهن بالسماح للغير بسلبه منهن دون وجه حق؟
هل هيا التربية منذ الصغر؟
هل هيا عادات المجتمع ؟
ام انه تخاذل من المرأة نفسها؟

في الحقيقة لا اعلم!

انا ح اجاوبك ..

هي تربيه , وهي عاده بس مو علشان الحرمه متخاذله ..

وانا اقولك .. لي قريبه حصل طلاق بينها هي وزوجها .. وبعد سبعه سنين اخذ البنت طبعا ..

ولحد اليوم هي ما شافتها ابدا .. تعرف يعني ايه ابدا .. تخيل البنت الحين ثالث متوسط ..

وغير اسمها .. وهي في مدينه ثانيه .. وطبعا مستحيل تكلمها في التلفون ..

ولمى راحت ستميه محكمه ,, والى يومك دا هي ما اخذت حقها ..

هي ايش عملت في حياتها على شان تنحرم من بينتها والبنت نفس الشي ..

لا ولو اقولك ايش القاضي قال السبب .. بالمنع .. كان ما تصدق ..

علشان .. امها تتردد على الاسواق .. والله العظيم .. والقضيه دي انكتب عنها في مجله سيدتي ..

بس الراي العام ما تحرك ..

وغيره مليان من القصص دي ..

بس هو مجتمع ظالم .. يعني هنا لو رحت تشتكي .. بيقولو دي حرمه ضعيفه ..

بس لو نفس الرجال اشتكى نفس الشكوى غير ..

هي نظره للاسف موجوده عند الرجل .. ولو حاولت تغيرها يقولك انتوا تبغوا تحرر وما اعرف ايش والموضوع غير كذا..

طول عمر الرجال .. رجال .. والحرمه نفس الشي .. بس محد ينظر للطرف الثاني بنظره دونيه ..

اسفه على الاطاله ..

مسكين انت يالمجتمع السعودي , كل يوم تهاجم !!

السبب الرئيسي في تخلف المرأة عندنا هو حصاد يديها , فمن تركت تربية الاولاد وتفرغت

للحش في فلانة وثوب فلانة وزوج فلانة , وتركت قضاياها الرئيسية كالتعليم

والحقوق المالية , عليها ان تتحمل النتائج القاسية !!

شوفوا حال المرأة الكويتية كيف تطور واخذت كامل حقوقها , ويكفيك ان الزوج اذا طلق

زوجته , عليه ان يتقبل ان تشاركه نصف البيت غصبا عليه , وهذا حق مشروع لها !!

لكن عندما تمردت وطالبت بمقاعد في مجلس الامة , خذلها مجتمعها !!

صدقوني نحن معكم بكل شي , لكن الامور الحتمية والمصيرية يجب ان تبقى في يد

الرجل , عملا بقول رسولنا الكريم (ما فلح قوم ولوا امرهم امرأة) !!

والرسول الكريم لم يقلها انقاصا من المرأة لكن الحقيقة ان المرأة عاطفية و حساسة

فيجب ان تبتعد عن الامور التي تتطلب الحسم والشدة !!

بالتوفيق للجميع.....

اوكيه ممكن .. انو هي مع مررور الزمن اتنازلت .. ويبغالها وقت .. علشان تسترد دا الشي ..

لكن للاسف اذا انت شايف انو دا صار علشان هي انشغلت بفستان والا غيره ..

يا اخي دا الوضع له سنين طويله .. 50 سنه او اكثر .. سكتت على حاجات كبيره .. ياما بيوت انباعت ويا ما حقوق ضاعت بس الفرق انو رجال اول يستاهلوا .. امي وامك وامهات تانيه ضحت ..
بس للاسف اخذتوا دي التضحيه ك ضعف مو كا حب ..

وبعدين انت الحين شايف انو المجتمع عادل بمعنى انو احنى زي الكويت ..

ياعمي اذا البطاقه وهي بطاقه احوال ما تقدر تطلعها الا بولي امر ..طيب واللي ولي امرها يرفض ايش تسوي ؟؟

كل العالم ما في شي اسمه دفتر عايله الا احنى ..

الزوج يستخدم دا الدفتر زي ما يبغى .. حتى يذلها عنده .. ما تعملي بالبنك ما ادري ايش الا فيه

ياما ناس اتستغلوا دا اللي اسمه دفتر عايله بشكل غلط لكن احنى لسه ..

ما توبنا علشان في ناس في المجتمع مرتاحين على ذا الوضع ..

لا تقولي الكويت والامارات .. دول في قوانين تساعدهم .. المراه تسوق .. لها سجل تجاري ..

هنا .. والله واقولك على موقف .. والله حرمه اشترت سياره طيب وباعتها من بطاقه العايله ومعاها زوجها .. يعني جاء المشتري وقالها لو سمحتي انت فلانه فلاني قالت ايوه .. وبس

طيب انا ممكن اجيب اي حرمه ومغطيه .. ومعايا دفتر العايله .. واسوي اللي ابغى ...

احنى ما نبغى تمرد وما ادري ايش .. احنى نبغى الحق فقط لاغير ..

اصلا ارجع اقولك .. الله زي ما خلق الرجل خلق المراءه وهم مختلفين عن بعض لحكمه ..

اختي العزيزة...!

انا ما انكر ان الوضع عندنا لم يصل للمرحلة العادلة , لكن نظل افضل من غيرنا !!

لكن المشكلة ان بعضكم يخرب على بعض !!

يعني في ناس تناقش بعقلانية وتطالب بحقوق مفقودة كالتعليم والتوظيف !!

لكن بعضهم يبي اشياء منسوخة من الغرب بدون تعديل !!

انا ما شفت وحدة مثلا تطالب بحل مشكلة المعلمات اللي كل يوم متوفي منهم وحدة

بسبب ان مدرستها تبعد عن البيت اكثر من 200 كيلو !!

ولا حقوق المطلقات , يكفيك ان في الكويت مثلا المطلقة يصرف لها راتب

من الدولة يعادل راتب عسكري في المرور عندنا !!

امس كنت اتمشى في ام جي رود وهو شارع مشهور جدا هنا في بنغالور ودخلت

في وحدة من المكتبات , استغربت اني ما حصلت ولا كتاب عربي مترجم ما عدا

كتاب واحد , وللاسف طلع رواية بنت الرياض !!

مترجمة ومغلفة تغليف فخم ومحطوطة قدام الباب ورواية شفرة دافينشي مرصوصة ورى !!

شي غريب !!

لكن الله يعينكم على بعض الاشياء والله يعينا على اللي برى !!

مشكورة اختي....