المرأه ...ومسائل في الإبتعاث ..!

السلام عليكم

1- لا اعتقد ابدا ان الزوج او العاقل منهم على الاقل سيشعر بان هناك من ينافسه في اهتمامها لأنه بالتأكيد يتفهم رغبتها في ان يكون اخوها معها .. هذا عدا عن ان وجود طفل سيجعله يعي اكثر هذا الأمر ..

2- اعتقد ان الأمر هذا يعتمد على عدة اشياء .. مرتاحة بوظيفتها او لا .. في مجال في وظيفتها للابتعاث وتطوير المهارات والعودة لذات العمل مرة ثانية .. هل تضمن الحصول على وظيفة أخرى ترضيها بعد الابتعاث .. هل اساسا طبيعة الوظيفة تهمها ام يهمها فقط الدخل المادي كونها تحتاجه

3- اعتقد نظام مضي سنة على التعيين لم يعد العمل به ساري انا مثلا اعمل معيدة في جامعة الباحة لم يكن شرط من شروط ابتعاثي ان يمر سنة على تعييني فرتبت لامور بعثتي من اول تعييني,, صديقتي سافرت بعد كم شهر من قرار تعيينها .. العمل الأكاديمي كوسط .. يختلف حسب عملها تحديدا .. ادارية أو معلمة بالنسبة لي كمعيدة اعتقد انه جيد لولا التعب فقط واعتقد مافيه عمل مو متعب ..اما بالنسبة لعملها في القطاع المصرفي اذا كان هو ما ترغبه فلماذا لا تبقى فيه .. واذا كان يشكل لها الاختلاط حرج معين فالعمل الاكاديمي انسب الا اذا كان هناك ملاحظات معينة لكم ان امكن توضيحها

4- بداية تحديد النسل امر يختلف باختلاف وجهات النظر الشخصية
انا مثلا لا اعتقد انه امر يحتاج ان ادونه كشرط ولا يحتاج ان استخدم البعثة له كحيلة .. لابد ان يتفهم الرجل هالشي
الزمن الحين صار اصعب وتربية الاطفال ماعادت سهلة في ظل هالمغريات وهالتغيرات ,, يعني يكون عندك طفلين ثلاث اربع او حتى واحد مربيته احسن تربية ترضي الله عز وجل اولا ثم والديه ثانيا افضل من 8 اطفال 2 عاقين وواحد فاشل دراسيا و2 مهملين عاطفيا من الوالدين وواحد مدلع وكم شخص بس اللي فالحين
واعتقد ان الأفضل يتم مناقشة هالأمر بدل ما يكون شرط الا اذا كانت البنت فعلا هالموضوع مسببلها قلق تقدر من الاول تقول اللي اوله شرط اخره نور

تحياتي

وعليكم السلام ورحمة الله
هم قله يا حلم..وان كانوا موجودين..!! صدقيني والله للاسف..!

بس ماتشوفين انه ولو كان انسب الا ان مشاكله اكثر سواء في الراتب والترقيات..يعني معيدات معهم ماجستير من 10 سنوات ومسماهم الوظيفي "معيده"..! وبعد المعيده لو حصلت على الماجستير تجلس سنوات على بال ماتتم اجراءات ترقيتها...!!
البيئه الاكاديميه احس انها كئيبه ..!!

وين اللي يتفهم ..وعندنا رجال لو ماجبتي لهم درزن بزارين ..قالوا للك انتي ماتحبيني ..!
اصدقتي
و الرسول قال "ولد صالح يدعوا لك"...ولا قال اولااااااااااد..!!

متى تبين تتم مناقشته اذا مافيه امل تتكلمين معه باي وسيله ..الا بحضور ابوك واخوانك ..وهنا تبلعين لسانك ولا تتكلمين في هالامور عندهم ...فيكون الطريق الاسهل هو الشرط...! وان كان ماتفضلينه .
بالنسبه لي....مسبب لي قلق ونص...!
ولايشعر بهذا القلق الا المراه..!
وهذا اللي بيصير...!!

مانقول الا الله يعين ...وبس
ولك مثلها واحلى..!

عزيزتي اذا كان الزوج يغار من اهتمام زوجته بغيره فهذا لا يُعد امر سيء جدا .. التفاهم والعشرة ولين التعامل وكلمتين حلوين تصلح هالأمور .. فلا تقلقين من ناحيتها

اما بالنسبة لوظيفة الاكاديمية كمعيدة فبالعكس الوظيفة جيدة جدا ماديا واجتماعيا او على الاقل هكذا اراها كمعيدة كنت اطمح ان اكون معيدة وهذا انا الآن الحمدلله

بالنسبة للترقيات نظام الجامعات الآن تقريبا معظمها اذا لم يكن جميعها ان لا يكتفي اعضاءها بالماجستير فقط
وهذي سياسة تطوير جيدة يعني اقصد اذا كانت المعيدة اختارت ان تكون معيدة فصدقيني ما اختارت هالوظيفة الا وهي طموحة دائما لمراتب اعلى من العلم وتحصيل علمي اكبر وافضل
يعني هي عارفة انه لازم تكمل مشوار الدكتوراة
فسواء رفعوك للماجستير او لم يرفعوك هي مرحلة مؤقتة ولازم تحصلين الدكتوراة
يعني هي راح تصير تدرس مراحل جامعية ونظام التعليم في الجامعة مو مثل المدارس
الجامعة تعليم عالي دائما يسعون للأفضل والأحدث والأشمل يعني التعليم الجامعي ماعنده أ- ب- ج ... ي . أنتهى
دائما فيه مجال للتطوير ودائما العلم فيه اكتشافات وتحديثات جديدة وبالتأكيد التطوير يبدأ بعضو هيئة التدريس نفسه
من وجهة نظري كمعيدة ما اطمح ابدا اني ابقى على مسمى معيدة ولا اني ابقى بدرجة الماجستير
يعني باختصار المعيدة مشوارها يبدأ كمعيدة في رأيي ولا ينتهي كتحصيل علمي ولا حتى بالدكتوراة
دائما مطلوب منك ابحاث , تحديث لمناهجك ومعلوماتك اللي تدرسينها طلبتك واعتقد هذا شيء كويس لرقي مستوى التعليم في بلدك .. الأمم يا عزيزتي رقيها في وعيها وعلمها ..
وهذا اللي كنت اقصده بالتعب ..
اما عن كئيبة ... اممممم اعتقد هذا رأي شخصي يعني اللي ما تحب هالوظيفة يمكن راح تحس كذا بالنسبة لي احسها ممتعه
الراتب سالفة ثانية
الراتب على فكرة جيد جدا فقط في حال انهم نزلولك كل مستحقاتك لاني كأكاديمية عندي بدلات وعلاوات ومدري وشو واحيانا يصير معي مشاكل انه ما نزلي البدل الفلاني وكذا
لكن ما يضيع حقه وراه مطالب لذلك الحمدلله اسعى واطلب حقي واحصله واحيانا يكون مجرد خطأ انه ما نزل ويتصلح الخطأ
وهالبدلات بسيطة مو شيء يقارن بالراتب الاساس والحمدلله الاساس ينزلك بلا مشاكل ولا وجع راس وهذا مو بس لنا لكل الوظائف بكل انواعها

الزوج بمجتمعنا الله يصلحه احيانا يكون مصدر قلق وكأنه ناقصنا قلق وانا معاك بهالشي
بس برضه ارجع واقولك لازم يتفهم وجهة نظرك ويحترمها كرغبة وللأسف انا اعترف ان فيه مشكلة ثانية يعني اعتقد بمجرد يكتب كتابه على زوجته ويملكون فخلاص هي حلاله شرعا مافيه لزوم يقعد وياهم احد لا اب ولا اخ ولا ام ولا بزر ولا اي احد يجلسون لوحدهم

طيب على الاقل بالجوال , بالتلفون كذا محد راح يكون متابع كلامهم ويتناقشون براحتهم
وعمره عدد الأطفال ما كان مقياس لحب الزوجين يعني بصراحة هذا مو منطق هذي نكتة
عندي 3 اطفال يعني احبك ثلاثة %
ولو عندي عشرين احبك عشرين %

على كذا يبيلي 100 طفل عشان يصير حبي لزوجي 100% وانسى اني انسانة وعندي اهتمامات وطموحات

حشى ارنب ولا بطة انا ههههههههه


بهالحالة الشرط قبل الزواج هو اقصر الطرق,, انا بس مو مقتنعة بانه يكون شرط لان هالمسألة لا تقاس بهالطريقة
لكن عشان ازيح قلق من قدامي اسويها وش المشكلة الا اذا كان فيه محظور شرعي .. لأني اعتقد شرعا فيه شروط لا تصح بعقد الزواج

موفقة لكل خير