التفتيش بالمطار Scan Body

هلا حبيبتي


انا لي شهرين بأمريكا ولما دخلتها كان أول دخول لي للأراضي الأمريكية وما فيه أحد لمسني أو لمس شي من أغراضي ولا شفت التفتيش اللي سمعت عنه
انا تفتشت مره وحده بس بقطر كان الترانزيت بالدوحه وكان تفتيش عادي وسريع جداً وروتيني
ولما وصلت بالمطار بعد ماختمت الجواز وأخذت الشنط جلست حدود ساعتين وجا دوري وسالوني أسئلة عادية جداً بعدها ختموا I20 تبعي اما زوجي كانت اموره ماشية واتوقع إجراءهم هذا بس للإختبار للي أول مره يدخلون

أنتي خليك طبيعية جدا ولاتخافين

وبالتوفيق ,,

ردك ريحني واااجد اختي مبتعثهـ, شكراا لك

أدعي الله من كل قلبي إن يكون وضعي مثل وضعك ياااااااااااااااااااااارب يااااااااااااااااااارب

الله يريحك دنيا وآخرهـ

بس انا سمعت إن الكل يمر على هذا الجهاز يمكن مريتي عليه بدون ما تعرفيه قصدي يعني في ناس كانوو يمروون عليه وهم ما يعرفون وش هذا الشي

لا تلوميني أنا خافية من هذا الموضوع خوفاا عظيماا لدرجة إني ممكن أتنازل و أترك البعثه ولا أمر على هذا الجهاز

ههههههههههههههههه تتركين البعثه عشان جهاز حتى ماتدرين فعلاً صحيح الكلام او لا


بس انا ما أذكر إني مريت على شي كل الممرات عادية اللهم جهاز بقطر زي اللي بالسفارة وعادي كان مرور سريع انتي لاتخافين ولا شي الأمور جداً سهههههههلهـ وبالتووفيق لك عزيزتي ,,

اختي تقول انها مرت على الجهاز مرات كثير وتقول انه الجهاز عادي ومايببين شي كلها رسمة عاديه يبين فيها بس المناطق اللي فيها حديد .. لا فيه تفصيل ولا رسم ولا كشف تطمني وتوكلي على الله

طيب هي شافت الصوره؟

هو صحيح مرور عادي جداا لكن المشكله مو في المرور

أنا شفت الصور الي يطلعها الجهاز في النت ....ما كانت صور عادية أبداا بالعكس أصلا مفصله الجسم تفصيل كامل

أنا مره رفضت ادخل فيه وسووا لي حكاية بس طلبت وحدة تفتشني ، من جد حسسوني إني كريمنال بس هو من حقك تطلبين تفتيش نسائي خاص وماأحد بيتعدى على خصوصياتك إذا ماطلبتيه من وحدة همجية على بالها إنها شخصية مهمة .
لكن أنا دخلته مره وحدة في مطار واشنطن لإن الموظف اللي واقف قالي ادخلي وأختي اقنعتني إنه مايبين الجسم مره بس يبين الحديد .\
لكن اللي لاحظته في أغلب المطارات إن هناك سيرين واحد الجهاز هذا وواحد الجهاز العادي زي اللي عندنا في السعودية.
فحاولي إنك تنتقين المسار الصحيح وإذا شفتيهم يختارون فماطلي في وضع الشنطة واغراضك على السير عشان إذا دخلوا اللي قدامك الجهاز هذا تدخلين على طول في الجهاز العادي " إن كيدهن عظيم "

قسسم احترنا .. :S
هم يقولون شي و النت شي ثاني .. طيب دام هو ما يطلع إلا الحديد ليش صارت عليه ضجه ؟؟ !!!!!!!

إي أنا أذكر الي في القنصلية قالت لنا تقدون تطلبون تفتيش عادي

طيب كيف لو كانوا يختارون ؟ عشوائي ؟ إذا كان الإختيار عشوائي ما بأقدر أضبط حالي

المووووضوع جدا عادي لا تكبريه وتخسري البعثة والدراسة ومستقبلك علشان كلام قريتيه في مدري وين

يعني احنا اللي مرينا مانخاف على عرضنا !! لا مو صحيح ابدااا اختي الجهاز مررررة طبيعي بس يبين الأماكن اللي فيها حديد في جسمك مايفصل ولا حاجة
وبتشوفي الصورة قدامك وبتعرفي انها جدا طبيعية روتين لا اقل ولا اكثر
دخلته مليون مرة في أمستردام والوضع جداآ طبيعي وعادي
واذا مرة رافضة الفكرة ومصدقة كلامات الانترنت والهدررة حقتهم اطلبي تفتيش نسائي بس حطي في بالك انهم بيسووها لك سالفة وهدرة !! وبيشكوو في الموضوع

فنصيحة من أخت مجربة (محافظة على حجابها ودينها) لايجي في بالك لاني فري كان عادي اعدي الجهاز !! الووووضع مرة نووورمال وماكو خوف من أي حاآجة

تمنياتي لك بالتوفيق