استفسار اطفالكم والبررررررررررررررررررررد ؟؟؟؟

لا تاخذي معاك ملابس برد كتير من السعودية....لأنه هما أدرى بجوهم و عندهم ملابس البرد و الثلج و الأحذية حق البرد أحسن من عندنا و بأسعار مختلفه و أرخص من عندنا لأنها مستهلكه غير كدا إنك مررره حتتقلي على نفسك....أنا جيت عل الصيف و دحين بدأ الجو يبرد لسا جايه من السوق رحت إشتريت أشياء شتوي...أحس الصوف مرررره يدفي...غير كدا الأطفال في جاكيتات خاصه بالمطر مع البنطلون إذا حتروحي مكان مطره كتييير....نصيحه لا تشتري من السعودية والله اللي هنا أرخص بكتيييييييير و أحلى

يعني اجيب فلوس زياده للملابس ولا المكافاه تكفي اشتري منها ؟؟

ااااااااااااااب

شكل الامهات مايدخلون هذا القسم !

أيوه انا أشوف إنك جيبي فلوس زياده و إشتري من البلد اللي حتروحي له....عموما أنا من أمريكا و أشوف إنه هنا الأسعار أحسن من عندنا بالنسبه للشتوي....جاكيتتنا كلها من محلات مرتبه ما تزيد عن 150 ريال و طبعا في أغلى و في أرخص.....كله موجود بس أبدا لا تتقلي على نفسك وزن.....انا دحين صرت البس بنتي بنطلون إستريت تحت البنطلون طويل.....حتى انا ألبس كدا....و أوقات البسها من الشراريب اللي كامله زي البنطلون تحت الجنز.....نفس الكلام عليا....أشياء زي كدا جيبي من السعوديه.....ركزي كمان إنه الأحذيه تستحمل المطر أقللها لو وحده منهم...و حتجي طبعا و حتشوفي بنفسك و تشتري...أنا قد ما جبت شتوي لسا بشتري....هنا هما أدرى يجوهم و عندهم حلول للموضوع دا....مثلا أيام الشتاء يفضلوا يلبسوا أبوات عشان تقدري تمشي براحتك و ما تجلسي تخافي يتبلبل البنطلون و تبردي....عندهم شالات و قفازات و طواقي صوووف...حتى الأبوات القماش عندهم لها حل زي البخاخ عشان ما يتعدم بالمويه حق المطر.....أيش كماااان...الجاكيتات تكون مبطنه من جوه بزي الفرو عشان يدفي لأنه الجاكيتات الخفيفه زي اللي عندنا مالها داعي....صح أمس كنت في السوق و دخلت محل ملابس أطفال لقيت بنطلون جبنز مبطن من جوه زي البطانيه عشان يدفي....طبعا على طول إشتريته.....أه من البرد قد ما تشتري ما يكفيكي.....الله يعين بس....تعالي هنا و تسوقي و إنبسطي و إحسبي حسابك بمبلغ زياده على دا الموضوع لأنه ملابس الشتاء كتييير ولازم تشتريها ما ينفع تتأجل و كماااان المكافئه مو مررره حتخليكي تشتري براحتك...

الله يعيننا على البرد