حوار بنات المرحلة السابعه أمريكا خلينا نحضر شناطنا مع بعض ^_^

مرحبا صبايا
ماشاء الله لسته غنية

لقاااافه مني داشه
بس القهووة والتمر اذا ماتستغنوا عنها وشيء ثاني الاكل المعلبات والرز مو دايم تلاقي نوعية جيدة
بصراحة الملابس لاتعتمدوا تشتروا من هنا مو دايم تلاقي اشياء حلوة وتناسب الحجاب صح نلاقي بالسعودية اشياء حلوة ونتوقع هنا اشياء حلوة بس اتضح العكس
والادوية مايسمحوا لكم حتى البنادول لازم وصفة طبية او حطيها بشنطة العفش الكبيرررة
ونصيحة بالطيارة لاتحملي شنط غير شنطة اليد تعب عليكم مطارات كبيرة وحوووسة تفتيش
والادوات المكتبية مايحتاااااج ابدا موجود كل شيء
واي سؤال انا تحت امركم

Ayomo ماشاء الله عليكي حلو ترتيبك للشنط بالنسبه لي انتهيت من الشنطه الأولى خلاص وفيها جاكيتاتي وعباياتي الملونه والحجابات وامكن 10 بناطيل من جينزات إلى قماش عادي مع السجادة حقت الصلاه وبعض ملابسي اللي في الدولاب وخلاص الشنطه ماهي راضيه تقبل اكثر ووصل وزنها لـ21 كيلو وراح اقفلها .

طبعا انا بس اللي اشتريته البنطلونات والجكيتات والعبايات والشراريب وكم بوت وجزمه ولسه راح اشتري كمان كم عبايه لأن لبسي كله عبايات وراح اشتري كمان كم بيجاما شتويه وصيفيه باقي الاشياء كلها الحمد لله عندي ومن دولابي سواء بلايز او فساتين او تنانير ومكياج وعطور وكريمات حتى النظارات الشمسيه والطبيه . الشنطه الثانيه راح اعبيها كلها من الدولاب وكم العبايه اللي ناويه اشتريها . وراح اخذ بخور لأني اعشق البخور . وعطورات عربيه لأن ماراح الاقي هناك ودهن عود وكذا راح اقفل الشنطه الثانيه بإذن الله على نص شهر واحد يعني قبل سفري بأسبوعين .

بالنسبة للأكل راح اخذ بن وهيل وقشر وتمر ومعمول وبس ماني مكثر وعيني على شنطة اخوي الثانيه تعرفين الشباب مو زينا عفشهم كثير شنطه تكفيه .


بالنسبه لوزن الشنط انا لاقيه كم صوره للميزان تبعها





بس انا اللي اشتريته وعندي في البيت هو ذا




بالنسبه للاب توب انا زيك راح اشتري جديد واحد لي واحد لمرافقي وفلاش مموري واوراقي كلها راح اسوي لها اسكان بالنسبه للشنطه اللي في الطياره لسه بصراحه ماقررت ايش احط فيها بس قائمتك عجبتني إن شاء الله اسوي مثلها وشكرا على مجهودك عزيزتي

Ayomo،ooola ،نجاح دائم
شكرا على مروركم العطر والإضافات
سويت لسته بالأشياء المهمة ومع إضافاتكم إن شاء الله بنزلها بعد ما أشوف إضافات بقية البنات


بالنسبة لي راح آخد شنطتين بس وحدة وسط وحدة كبيرة
بالمطار شنطة يد و شنطة اللاب توب فقط ما أحب أشيل أشياء كثير بالمطار
لأنه متعب بيكون
أما الميزان فين ممكن ألقاه .. ما أبغا أتفشل بالمطار وأنا أطلع الأغراض من الشنط

رغم اني ماني كييفت قهوة لكن شكلي باخذ معايا عناد XD

من جد المحلات هنا مرره ما اضمن جاكيتاتهم وملابسهم الشتويه احسها حقت شكل لكن لا خامه ولا هي تدفي واحسها تنعدم بسرعه

أما بالنسبة للأدوية شي لابد منه الوصفه الطبيه

تشكوووراتي خيتوو عالنصيحه

يب يب أحس أهم شي الاب توب و الاوراق المهمه حقتك تكون جاهزه وقريبه منك للطوارئ

أما بالنسبه لـ شنطة المحرم دا شي لابد منه (أختك بالله محرمها الاساسي أخوها و مهو جاي الا بعد كم شهر من السفر ومحرمي اللي بيجي معاي بابا

ومحا يجلس الا كم اسبوع فمحى يحتاج اشياء كثير خلاص ياوخيتي تم الاستيلاء وباحتراف جزاك الله خير جبتيها لي وهيا محيرتني XDXD )

يووووووه الميزان انقذتيني فيه بصراااااااحه

اهم شي مررررره مفيد

يعطيك العافيه ياقلبي

 المشاركة الأصلية كتبت بواسطة Echo

بالنسبة لي راح آخد شنطتين بس وحدة وسط وحدة كبيرة
بالمطار شنطة يد و شنطة اللاب توب فقط ما أحب أشيل أشياء كثير بالمطار

و الله ودي ما اخذ شنطه معاي المطار

بس انا فكرة فيها قلت اول ما اسافر حروح عالفندق وحجلس بفندق يومين تلاته (عشان الملحقيه واجرائاتها)

وبعدين بسافر لمدينة ثانيه فيها المعهد ومقر الدراسه

فقلت بدال الحوسه وافتح شنطتين كبيره مليانه عفش في مكان مو دائم حيسبب حوسه

احسن اني اجيب شنطه صغيرونه فيها الضروريات بس

غير كدا لا سمح الله ضاع و لا اتاخر العفش الواحد ما يغلب يكون عنده اللي يمشيه

و لاتنسي حوسة الطياره والمطارات اذا كان في توقف في اكثر من دوله افرضي اتكب عليا شي ولا اتعدمت ملابسي

يكون الواحد محضر حاله لأسوء الضروف

صح ولا لا يا قمر =)

تصدقي حقت الفندق دي راحت عن بالي !!!!
شكلي راح آخذ من وزن بابا بما إنه ما بياخذ غير شنطة وحدة واحط فيها ضروريات أول كم يوم على قولتك مافيا افتح الشنط الكبار
لكن برضه ما باخذ معي شنط للمطار عندي عقدة ههههه
لا إن شاء الله من ناحية ضياع العفش وغيره مابيكون في مشاكل كذا ... أتمنى إن شاء الله لأنه عاملة حسابي الشنطة الكبيرة ملابس واكسسوارات الخ
والشنطة الصغيرة الأشياء ومستلزمات الحياة الثانية

مساء صباح الخيرات
صبايا بالعكس انا اقولكم اشتروا من السعودية
وحكاية انكم تنزلوا الملحقية ماعاد لها داعي على طول على ولايتك كل شيء عن طريق النت صاااار
تحيااااتي