مكياج وجاكيت ابيض؟؟ المعادله الصعبه !!

^
^

انت اسكت ولا كلمه
القسم قسم بنات وشدخلك بالموضوع ؟؟

هههههههههههههههااااااي

غريبة يا لينا إنك تقولي إنك بروفيشونال و تعاني من هذه المشكلة !!!
و بغض النظر عن المكان اللي بتستخدمي فيه المكياج و هل هو مختلط ولا لا( ح ارجع اعلق على هذه النقطة..)
انا باحاول افيدك باللي اعرفه..لان المشكلة هذه لاحظتها كثير.. و ينرفزني منظر الوحدة لما تخلي المكياج يطبع على الياقة..

أنا كانت تمرعلي المشكلة مع مكياج الصيف البرونزي لاني كنت افضل الاساسات المرطبة(اساس دهني oil) لانها تعطي مظهر لماع (جلوسي) ..و هذه لازم تلطخ..و المشكلة ان الابيض ما يحلا إلا في الصيف ..لانه اكثر لون يناسب المكياج البرونزي ..
لكن في غير الصيف افضل المكياج المطفي(مات) و احيان البودرة و ما اعاني من مشكلة التلطخ ..

و عموما ارتحت للاساسات المائية..لانه بعد فترة تتبخر الموية و يعطي البشرة لون و نعومة اقرب للطبيعي و ممكن تضيفي اللمعة عن طريق المستحضرات..
و الانواع الاخيرة احسها صارت مفيدة للبشرة و خصوصا الانواع الطبية و لما استخدمها الالحظ تحسن افضل من الايام اللي ما استخدم فيها شي ...
يعني انصحك بالكريمات ذات الاساس المائي ولو بشرتك جافة ممكن تعمليلها برنامج ترطيب قبل ما تستخدمي الاساس و بكذا تحلي المشكلة..
و في بودرة اساس مضغوطة (تستخدميها بالاسفنجة المبللة) بس هذه تسببب جفاف..

كمان ممكن تستخدمي تونيك قبل المكياج و مثبت بعد المكياج..طبعا في مثبتات قوية زي حقت العرائس..بس ما تنفع في الايام العادية..

لكن اخترت لك هذا المثبت.. خفيف و ممتاز من ماك



و هذا كويس بس ما جربته..



و في مثبت تحطيه قبل المكياج زي وbeauty flash palm و هذا جربته و اغلب الماكييرات اللبنانيين الكبار يستخدموه ..لكن بصراحة ما ناسبني ..ما حسيت فرق كبير بعد استخدامه..

وفي مثبت من smiling فيه سن بلوك و يعكس الضوء خفيف و يعطي مظهر طبيعي..(ما جربته)

نسيت شي..
مع اني احب المكياج و اشوف انه ضرورة للبنت حتى لو جمالها رباني ..لكن هذا الشي يكون قدام المحارم و النساء..
أما استخدام المكياج قدام الرجال انتي عارفة و جهة نظر الدين فيه..

و خديها منى نصيحة..في النهار و في الجامعة ..خليكي طبيعية و اكتفي ببرنامج العناية العادي و كثري من الفاكهة خصوصا التفاح و العنب و استخدمي الاقنعة الطبيعية و ما رح تحتاجي للمكياج ..
كمان عندي نصيحة مجربة..كاسة موية و كاسة شاهي اخضر على الريق..و راح تلاحظي نتائج مبهرة لدرجة ان الناس يحسبوكي مستخدمة اساس او مستحضرات للبشرة..
و لا تنسي إن صفاء القلب و الايمان يعطي اشراقة و نور على الوجة يغنيكي عن استخدام المكياج ..
و النفسية الحلوة المرحة تنعكس على الملامح و تخليها مريحة و مقبولة و جذابة بدون اي رتوش..
و الرتوش خليها قدام البنات و في المناسبات الخاصة لزيادة التالق..

يعنبو بليسكم ياسعوديات وين ماتروحون المكياج معكم يخلف الله علينا ماشفتو البنات الي معكم بدون ميكب وبدون صبغات حلوااااااااااااااات

فين حلوات و شكلهم زي رجالهم..و مافيهم انوثة و الوحدة لا وصلت الثلاثين صارت بشرتها كانها في الخمسين..
هما ظروف الحياة تجبرهم على اهمال نفسهم ..
لكن المراة العربية(و بالذات اللبنانية و السعودية) معروف عنها ان ذوقها افضل في المكياج و في اللبس و العناية بنفسها..
و غطاء الوجه كمان حمى بشراتنا من اثار الشمس و الدخان اللي تسبب شيخوخة و هرم البشرة..
و الوضوء و النظافة الشخصية و البعد عن المشروبات المحرمة عكس آثاره على جمال المراة المسلمة..

عموما الناس اذواق ..لكن أغلب اللي اعرفهم يشوفوا ان الجمال و الجاذبية عند العرب و الشرق اوسطيين و اللاتينيين و الاسبان ..
اما الجمال الغربي ممل و بارد ..

و المكياج مهم للبنت ..على الاقل بلاشر خفيف و ملمع شفايف ..عشان يصير في فرق بينها و بين الرجال..و أصلا حب التزين من صفات البنات الا اذا خرجوا عن فطرتهم..
و الله تعالي قال عن البنات (أو من ينشّأ في الحلية و هو في الخصام غير مبين )

اما اللي تضطرها ظروفها للكشف قدام الرجال ..ما يحتاج تستخدم المكياج و تتبرج و لازم تقاوم غريزة حب التجمل و لفت النظر لانه مافي ضرورة اصلا انها تلفت انتباه الرجال الاجانب لشكلها و جمالها..
ما اقول تهمل نفسها و تخلي شكلها منفر لكن تكون طبيعية و ما تتبرج..
و نص الجمال في النظافة و المظهر المرتب و الهدوء و النعومة ..

انتوا لو تشوفون الامريكان بس كيف ينظرون للبنت صاحبه الميك اب ..
يموت ويدوخ السبع دوخات علشان تكون القيرل فرند حقته..

جايز يفكر فيها تفكير غريب بانها party or outgoing girl
بس طز فيه وتفكيره.. نحنا هيك بنحب نتجمل ونكون مع الفاشن

واخر عطور واخر لبس ويازينا بس وربي اجمل بنات..

وتقارنونا ببناتهم الخايسين ؟؟
حب شباب بوجهم وشعر معفن ووصخ ولبسها من سنتين وحالتها لله.. !!

اسكتوا بس

والله صح كلامكم

حنااا دايم نهتم بنظافتنا وشكلنا مو عشان بس نلفت الانتباه

عشان نكون راضيين عن انفسنا

ماانصح اي بنت تهمل شكلها لان الدين ماقال لنا نطلع وشكلنا مايطالع فيه

يعني نبعد على المكياج

اللبس مثلا يكون ساتر بس مايمنع انه يكون حلو طبعا

مشكوره على الموضوع الروعه

يعطيك العافيه

صلملم

جربت الفكس من ماك وجربت المثبت الي عند جفنشي الي الكل يمدحه..
بس مشكله الجاكيت الابيض فقرتني.. خلتني كل يوم فالدراي كلين ..

لدرجه ان الكوري الي يشتغل انتبه وطالعني وقالي ميك اب

ههههههههههههههههههههههههااااي

هههههه
بس ما جربتي الاساس المائي ..انا متاكدة
جربي الاساس المائي من make up forever
او keryolyne
و لا تستخدمي اي مرطبات على الرقبة قبل المكياج خلي ترطيب الرقبة عند النوم
و ممكن تجربي تونر قابض للمسام يمنع افراز الدهون لانها هي اللي تخلي المكياج يتلطخ
و اذا ما كانت الحكاية سهرة مهمة بلاش اساس او استخدمي اساس خفيف من الاساسات اللي زي الاصبع على مناطق معينة في الوجه بس..خفيفة و تعطي مظهر طبيعي و تخفي اثار الارهاق و السهر..
انا ما ادري ايش موديل جاكتك لكن .. اذا مصرة تستخدمي اساس من الاساسات اللي تبين فرق و تجبرك تستخدميها عالرقبة.. ريحي نفسك و البسي بودي هاي نك ..