يامبتعثات ....وش رايكم بهذي الصفه المنتشره ....!!!

اختي فجر الشتاء موضوعك جدا مهم
الله يجزاك خير كثير من البنات يغفلون عن هذه النقطه ويعتبرونها سوالف عادية وهي بالعكس الا كلها اثم
مشكوره اختي مره ثانية

صادقه اختي وانا احس بشعورك ...لآكن ليه ما تنصحينهم ...يعني اذا سمعتي اح يتكلم على احد نصحيه بطريقه مرحه ....

ودايم اذا جلستي بمجلس وقمتي منه قولي دعاء كفارت المجلس ( سبحانك اللهم وبحمدك استغفرك واتوب اليك )

السلام عليكم ورحمة الله وبركاته
أختي فجر الشتاء
قبل مااتكلم في الموضوع الله يسعدك في الدنيا والاخرة
أنا مرعلي نفس الموضوع ولكن مع البنات أنتي عارفة جمعت كل أسبوع في بيت الجد وكيف تكون المواضيع بعد أسبوع دراسي
عن المدرسات والصديقات وبعض النميمة
ولكن بعد ذلك قررنا
كل أسبوع نسوي شي
كل مرة واحدة تجيب موضوع ونتناقش فيه حتى الكبار صاروا يجلسوا معنا
وسوينا مسابقة في حفظ بعض السورمن القران
وكفارة المجلس بعد كل جلسة
وبعد كذا يحس الانسان أنه الوقت مهم وللحياة معنا أكبر من الكلام في الغير
أن شاء الله فدتك

بصراحه عن نفسي اذا شفتهم طولوا وهم يحشون اقولهم بسكم حش

خلوا ملايكتكم ترتاح ^_^

واتكلموا بشي مفيد لو يتكلمون عن طبخ, سوق وغيرها من السوالف العاديه بدل سيرة الناس

وتسلمين على طرح الموضوع الي قد يغفل عنه الكثير

ودمتي بخير

والله انا معاكي موضوع جدا مهم
وتدرين يمكن الواحد يقع فيها وهو مايدري بس لو كل وحدة تكلمت وقالت لا يااخوات مايصير هذه غيبة مااتوقع انه في احد راح يغتب بس للاسف تلقسن كلمة جرت كلمة وسالفة جرت سالفة
الله المستعان ونسال الله الرحمة والعفو

فجر الشتاء

جزاك الله خير عل هالموضوع المهم
تعرفي دائماً افكر كيف ناس تغتاب في بعض وبعدين ترجع تكلمهم عادي ولا كأنه في شي صار او يكونوا اتكلموا فيهم .
تعرفي في ناس حياتها الغيبه ( والعياذ بالله ) .
وبالنسبه لي احاول قد مااقدر اتجنبها ولكن الله يغفر لنا ويسامحنا ساعات نوقع فيها غصب عنا إذا احد زعلنا وضايقنا بموقف ساعتها احكي لأشخاص من القهر .
لكن مانقول غير إلا الله يعفو عنا .

ويجزاك الجنه يارب على المشاركه والرد الجميل

ذكرتيني:
قبل فترة رحت لوزارة التعليم حق البنات..وجلست أنتظر الموظفة.. جلسوا بنتين جنبي.. والله يهديهم تعرفين لمن أقولك ما سلم أحد منهم!! يعني أي موظفة تمر يسخروا منها بطريقة يبغوا يسوها مضحكة بس وربي قرفوووني من التهزئي بالموظفات! ولا رحموا لا صغيرة ولا كبيرة!! وكانو يعلوا صوتهم علشان مفكريني مستمتعه بالبلا اللي يقولوه!!!!!!
والله قمت وتركتهم وقلت للموظفة أني بنتظرها في الإنتظار الثاني..وقمت عنهم وعارفة أنهم استلموني من ورا ظهري... بس من جد جلست أفكر هذولي من أي بيئة جاييين؟؟؟؟
الله يهدينا ويصلحنا..

عقوبة الغيبة كبيرة .. لكن اللي يغتابون مايدركون هذه العقوبة والا كان مااغتابو احد ...
انا برايي انك تنصحين اللي تشوفينهم يغتابون وبذلك ماتضايقين نفسك وتكسبين فيهم اجر باذن الله ..