ممكن تساعدون هالضيف الجديد؟!

أول شي نرحب بالضيف الجديد وحياك الله بينا أخ غالي وعزيز ,, وبإذن الله أحد الأخوه يجاوبك ,, أنا دخلت للترحيب ,,

[quote=fawaz0;103246]السلام عليكم
أتشرف بأن أنضم لهذا المنتدى المميز والأكثر من رائع بفضل الله ثم بفضل أعضائه المميزين,

أنا عندي مشكلة وأود أن أطرحها بين أيديكم لعلي أستفيد من خبراتكم ,

أنا ناوي أروح لماليزيا وعندي قبول من مالتيميديا كلية الهندسة لكن أبي أروح على حسابي ثم أحول على البعثه بعد سنه أو سنتين أنشاء الله لأني لا أستطيع دفع التكاليف أكثر من ذلك فكم تتوقعون أن يكفيني علما أن زوجتي معي ولكن لن تدرس, وهل هناك صعوبة في التحويل على حساب الوزارة ؟ وهل هناك صعوبة في الدراسة؟ وهل يوجد محجبات كثر هناك أم أن المحجبة تعتبر مميزة وشاذة؟

والله أني مستحي من كثر الأسئلة لكن ...... تحملوني لأني مالي حيلة ,,,,,
وشكرا

و عليكم السلام
حياك الله اخوي العزيز

- أولاً :-
الإلتحاق بالبعثة هذه الايام سهل جداً و بمجرد ماتوصل الجامعة و تباشر الدراسة حاول تراسل او تتصل بالملحق الثقافي في كانبرا في استراليا د. علي البشري. طبعاً هذا الملحق الجديد و الملحق القديم كان د. سليمان مرداد . موقع الملحقية الثقافي في استراليا www.sacm.org.au , طبعاً اخوي الفاضل انا سوف اجاوبك على دراسة البكالوريوس لأن و الله ماعندي خبر عن الماجستير :-

التكاليف و المعيشة :-
السنة الدراسية في كلية الهندسة 12000 ريال=رنجت ماليزي.
المصروف الشهري بالنسبة لطالب العزوبي 1200 ريال
المتزوج 2000 ريال, و أنا عارف بعض الطلاب بيقولوا هذا مبلغ كبير بالنسبة لماليزيا ولاكن اخي العزيز انت مسؤال امام الله من اهلك لازم على الاقل توفر لهم حياة كريمة و لا أحد يعرف ايش يحصل هناك ان شاء الله طريقك اخضر و لاكن ياخي من خاف سلم يعني سبع نفسك و 2000 ريال اشوفها طيبة بالنسبة للطالب مع زوجتة , غير كذا انك بتسكن في سكن عائلات يعني شقة 3 غرف و حمامين و انتم كرامة و مطبخ بإجار شهري قدره 1000-1200 و في الغالب 1200 رنجت , و الأن اكثر الطلاب المتزوجين يسكنون في سكن اسمه بلنقي هذا السكن بعيد شويتين عن الجامعة هذا يعني لازم تكون معك سيارة يعني اجار اسبوعي او شهري ( نصيحة اخي العزيز حول رخصة السواقة السعودية الي دولية من اي مكتب سياحي قبل ماتسافر ) غير كذا لا سمح الله اذا سخنت او عندك دوخة طبعاً في عيادة في الجامعة و لاكن ان اتكلم عن الاعراض اخر الليل يعني لازم تروح المستشفي و طبعاً معاك تأمين صحي و لاكن للأسف التأمين الصحي لايشمل ان تذهب الي الطواري او زيارة ليوم واحد يعني التأمين ينفعك بس اذا احتجت ان تنام في المستشفي عوضاً عن ذلك التأمين الصحي لايشمل الأسنان و ما أكثر الطلاب الذين يعانون من اسنانهم يعني لو ما معاك مبلغ يغطي التكاليف تقعدبها هناك .

-ثانياً :-
ممكن تحول على حساب الوزارة اذا انهيت 30 ساعة جامعية و بمعدل 2.5 يعني دراسة سنة جامعية كاملة و لاكن لا تقلق زي ما قلتلك هذه الايام في سهول بالإلتحاق بالبعثات و أنا شخصياً اعرف طلاب هم يدرسون في اللغة و عندهم بعثات و أنا لي سنة جامعية و قاعد أمص حمر اللهم لا حسد ( عشان ما يزعلوا اصحابنا ) .

-ثالثاً :-
أن شاء الله الدراسة سهلة بس انت شد حيلك و لا تغيب و اكرر لا تغيب و حضر الواجبات أول باول تنجح و تصير الأول .

- رابعاً :-
يالحبيب انت على بالك رايح اوروبا ماليزيا بلد اسلامي و الحجاب معروف بالنسبة لهم و أنا فاكر دكتورة في جامعة ملتميديا فرع ملاكا دكتورة محجبة و خلي في بطنك بطيخة صيفي بالنسبة للحجاب عادي جداً .

و نصيحة أخيرة لك اخوي الفاضل لا تقول مستحي لأنك لو بطبق عواطفك و أحاسيسك اللي في السعودية في الغربة اقول لك خلك في السعودية انا ما اقول انسلخ من جلدك و لاكن لا تكن قاسياً فتكسر و لا تكن لينن فتعصر . خير الأمور اوسطها .


و أي خدمة علي راسي

أخوك عمر الكعبي
um_alkaabi@hotmail.com

ما ازيد على كلام اخوي عمر الكعيبي ووفا وكفا
ومثل ماقال بالعكس اغلب الموظفات في المطاعم وغيرها محجبات
والدولة مسلمة يعني تسمع الاذان وكل شي لاتستغرب
واي سؤال او استفسار كمان انا في الخدمة
تحياتي لك

يعطيك العافية أخوي المسافر على الأجابة الكافية والوافية
بصراحة أنك طمنتني كثيييييييير, لكن 2000 ريال تكفيني مع السكن والفواتير والمواصلات وألا أحتاج مبلغ ثاني للسكن؟ وبالنسبة للسيارة هل أسعار السيارات هناك غالية أم أن الأجار أفضل؟
مشكور أخوي النورس على المرور ,

الله يعافيك اخوي
لا تعتمد على 2000 رنجت ممكن تحتاج اكثر و في الغالب بتحتاج و لاكن 2000 رنجت في بعض الطلاب يمشوا حالهم بسكن قريب من الجامعة يعني جنب الشباب عشان هذا السكن رخيص و لاكن بنسبة لنا السعوديين لازم تسكن مع عائلات يعني بعيد عن الجامعة يعني إجار سيارة و زيادة مصاريف يعني بنسبة لطالب السعودي المتزوج لا تعتمد على 2000 رنجت

مشكووووووووووور وماقصرت
وعسى الله لايحرمنا منكم,,,,,

الله يوفقك بدراستك إن شاء الله ... وترجع سالم غانم يارب ..

مشكور أخوي سوبر فلاش على الدعاء وأنا للحين ماجزمت على الروحة لأني والله متخوف يمكن ما أقدر أحول عالبعثة وبعدين أتوهق؟


<ليتك تغير أسم الولاية>