الأعضاء الإشتراك و التسجيل

الملتقيات
ADs

يوميات سعوديه باجواء صينيه....

يوميات سعوديه باجواء صينيه....


NOTICE

تنبيه: هذا الموضوع قديم. تم طرحه قبل 5345 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية هاوي ابتعاث
    هاوي ابتعاث

    مبتعث مميز Characteristical Member

    هاوي ابتعاث الصين

    هاوي ابتعاث , ذكر. مبتعث مميز Characteristical Member. من السعودية , مبتعث فى الصين , تخصصى ما جستير ادارة هندسية , بجامعة Nanjing Uni. of Aeronautics and Astronautics
    • Nanjing Uni. of Aeronautics and Astronautics
    • ما جستير ادارة هندسية
    • ذكر
    • Nanjing, الصين
    • السعودية
    • Nov 2008
    المزيدl

    August 10th, 2009, 03:52 PM

    السلام عليكم ورحمة الله وبركاته

    سأكون معكم في يومياتي حتى دخولي الى الصين ولكن اعذروني يا أخوان فأنا مواصل لأكثر من 30 ساعه واحس ان في راسي اسلاك متلامسه ولا اقدر اجمع بس ما اقول الا الله يوفق وييسر امور كل من ساعدني وبالذات شخص ماقصر معاي وقف معاي حتى سكنت الله يوفقه وين مايروح ويسر اموره كلها ...

    اذا صحيت من النوم راح يكون لي حديث مفصل عن رحلتي وعن الاخطاء اللي وقعت فيها.....
    الى السرير..
  2. السلام عليكم ورحمة الله وبركاته

    اولا ابي افهمكم شغله ضروريه لا تكثرون عفش وأكل وخرابيط مالها داعي حتى الملابس اللي بتشتريها من السعوديه هنا برخص التراب مع العلم بان التراب عندنا في السعوديه غالي لان اللي بيسافرون على الخطوط القطريه لو زادت الحموله عنده الكيلو الزايد بـ 105 ريال سعودي وعليك الحسبه طبعا محاكيكم طاح بهالموقف ودفع حق 22 كيلوا وفي الاخير صادروا نصها بمطار بكين ....
    على العموم مالكم بالطويله...
    اللي بيحجز على القطريه ومدة بقائه في الدوحه اكثر من عشر ساعات لابد يأكد على المكتب يحجز له غرفه بالفندق اللي متعاملين معاه ..
    انا توهقت ورحت استأجرت في فندق بـ 350 ريال قطري....
    اللي وقت انتظارهم اقل من عشر ساعات لايروح يستأجر ولا شي يطلع من مطار القدوم ويروح مطار المغادره ويختم جوازه ويتكي في المطار كل شي متواجد النت والمطاعم وغرف الراحه والحمامات والسوق الحره وبالعربي كلها وناسه...
    هذا بالنسبه لمطار الدوحه اول ماتدخل مبنى المطار فيه كاونترات على يسارك وبتحصل عليها زحمه اذا كان عندك حجز للغرفه روح اكده من عندهم واذا ماعندك على وجهك الى الجوازات واخرج من مطار القدوم وحول الوجهه الى مطار المغادره ...
    7 "
  3. الحلقه الاولى في مطار بكين ...

    اذا ركبت الطياره بيوزعون عليكم اوراق وحده بيضاء والثانيه صفراء ...
    اولا البيضاء لاتكتب فيها غير اسمك ورقم جوازك وتاريخ ولادتك وفيه بند يقولك وين بتسكن اذا بتقعد اكثر من 7 ايام في الصين اكتب لهم بكين هوتيل ..
    ثانيا الورقه الصفراء اكتب فيها اسمك ومعلومات جوازك ورقم تأشيرتك ورقم الرحله اللي انت جاي عليها تلقاه على تكت العفش حقك وتوقيعك وبس..
    وبياخذونها منك في مطار بكين..
    اذا دخلت المطار في بكين وتنتهي من الممرات الكهربائيه بتلقى مكان لقص تذاكر الرحلات الداخليه اطلب منهم رحله الى منطقتك وبعدين اتجه الى الجوازات ولا ترتبك وتقعد تناظر حولك خلك طبيعي وبعدها تنزل من سلالم وتتجه الى منطقة تجمع وتركب قطار يوديك الى مكان العفش تستلم عفشك وبعدها تطلع من الباب اللي قدامك واتجه يسار الى آخر الممر بتلقى مكان مكتوب عليه موبايل الصين بالانقلش اشتر شريحه من عندهم وهم لغتهم ركيكه ماهي بالحيل فقول لهم انك تبغى SIM واشحنها بـ 100 وتصير كلها بـ 150 كواي يعني حوالي 75 ريال وفيها رصيد 150 وقبل تقفل جوالك السعودي بلغ اهلك انك وصلت يعني كلمتين ورد غطاهم وارسل لهم رقمك الجديد
    وبعدها انزل( بالأصنصير ) الى الطابق B1 وبتلقى لوحات ارشاديه الى التكاسي بعدها اتصل على جوالي وانا اعلمك وش تقول للسواق وانا اعلمك وين تروح تسكن ..
    اللي بيروح بكين بس عشان الملحقيه لا يروح ويتمرمط مثلي الاوراق ترسل بالايميل الى الشخص المسؤل عنها ومالها داعي كثر الخساير....
    انتهت الحلقه الاولى..ولنا لقاء في الحلقه الثانيه مع الملحقيه والمطعم العربي اللي بعد الله ساعد في رجعت الدوره الدمويه في دمي....
    7 "
  4. هههههههههههههههههههههههههههههههه
    الله يوفقك اخوي هاوي ابتعاث انتم السابقون ونحن اللاحقون وعقبال ما تتسهل جميع امورنا يا رب
    بحجز لي مكان ومتابعك اخوي هاوي الين ما تستقر بالصين وبجيب الفشار الحين هع هع
    7 "
  5. الحلقه الثانيه من يومياتي المغربله :
    معلومه جديده حصلت عليها من السفاره وهي انك غير مجبر تروح السفاره لتسجيل جوازك بس ارسل صورة الجواز على فاكسهم اللي يعطونك اياه وتكتب فيها ايميلك واسم جامعتك ومدينتك ورقم جوالك الصيني...يعني توفير فلوس عليك الفاكس مايكلف ولا رياليناما السفر والتاكسي والروحه والجيه بتاكل عليك حوالي 1000 ريال انت اولابها
    المهم مالكم بالطويله اذا جيت لمدينة ووهان يبقى عليك تدور سكن وتفتح حساب وترتب امور الدراسه بس ولعلمكم هنا في مدينة ووهان رجال بمعنى كلمة رجال تخدمك بعيونها ويقومون بالواجب بس انت لاتكون غثيث لانهم حتى هم في غربه مثلك مو تخليهم يحاسبون عنك ويودونك مطعم تراهم في حاجة القرش مثلك..

    معلومات مهمه عن السكن راح اكتبها لكم بكره بعد ما اقوم من النوم وارجوا من الجميع مراعات فارق التوقيت بيننا .....

    وشكرا.


    وياقائد النجاح انا اخترت الصين لانها بلد متجهه الانظار عليها حاليا والدراسه فيها بالانقلش وتوها جديده والقبول في البعثه فيها مضمون بعد الله سبحانه وتعالى وثانيا بلد رخيصه جدا...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.