اممممممممممممم السلام عليكم
اختي توكلي على الله وتخصصك مرة كويس
وبالنسبة لامك الله يصلحها ويهديها يمكن عندها نظرة
اتوقع ماتبي اختلاط
فانتي وضحي لها الله يكون بعونك
صراحة انتي غلطتي من اول ما اخذتي شورها وانتي عارفة انها بترفض وحرام ضاع منك سنة ونص يعني خلاص قد تسلسلتي بالتخصص انا اقول اركدي
واجلسي مع الوالدة وعلميها انه مستقبلك وموب شرط انه بيكون بالوظيفة اختلاط اذا كان هاذا الي مخليها ترفض
بالنسبة للغة
عن نفسي ما اتوقع لها مستقبل
اذا انتي متحمسة خذي لغات وترجمة
جامعة نورة فيها تخصصات جديدة
ومني انا اسمعي الكلام ودوري على تخصصات جديدة لان الي الحين جالسين نجازف عشانه اخرتها بالبيت مثل حالتي
فانتي دققي في اختيارك للتخصص شوفي بعد خمس سنوات هل هو مطلوب سوي دراسة وابحثي
ربي يوفقك
لاتستعجلين
7 " اختي توكلي على الله وتخصصك مرة كويس
وبالنسبة لامك الله يصلحها ويهديها يمكن عندها نظرة
اتوقع ماتبي اختلاط
فانتي وضحي لها الله يكون بعونك
صراحة انتي غلطتي من اول ما اخذتي شورها وانتي عارفة انها بترفض وحرام ضاع منك سنة ونص يعني خلاص قد تسلسلتي بالتخصص انا اقول اركدي
واجلسي مع الوالدة وعلميها انه مستقبلك وموب شرط انه بيكون بالوظيفة اختلاط اذا كان هاذا الي مخليها ترفض
بالنسبة للغة
عن نفسي ما اتوقع لها مستقبل
اذا انتي متحمسة خذي لغات وترجمة
جامعة نورة فيها تخصصات جديدة
ومني انا اسمعي الكلام ودوري على تخصصات جديدة لان الي الحين جالسين نجازف عشانه اخرتها بالبيت مثل حالتي
فانتي دققي في اختيارك للتخصص شوفي بعد خمس سنوات هل هو مطلوب سوي دراسة وابحثي
ربي يوفقك
لاتستعجلين
October 20th, 2009, 01:54 PM
بالبداية مني عارفة وش اقول
ولا عارفة لو موضوعي هذا بالمكان الصحيح ولا لا
لكن فكرت اني اعرضها هنا إذا ممكن تفيدوني وتساعدوني
اول شي انا صارت لي مشكلة مع الوالدة إني انا داخلة
كلية علوم طبية تطبيقية و الوالدة رفضت هذا التخصص
طبعا بجامعة الملك سعود وانا الحين بمستوى ثالث وشكلي كلها كم اسبوع
وبضطر اطلع من الكلية هذي ,, لمن الحين مو اكيد والله يكتب مافية الخير
فبديت اشيل هم وش ممكن احول !
وكل اقسام جامعة الملك سعود مو داخلة مزاجي
فكرت ادرس لغات انو ادرس لغة يابانية او كورية
و هاللغتين مهي موجودة عندنا بالجامعه
فكرت اسوي بحث عن المعاهد إلي ممكن تساعدني
طبعا انا بالسعودية بالرياض ولا لقيت معاهد !
تفاجئت صراحة ,, فمادري لو ممكن تفيدوني إذا في معاهد
بالرياض تعلم كوري او ياباني للبنات وبشهادة !
وغير كذه انا مرة شايلة هم وخايفة انو ما استفيد منها
وغير معتمدة ولا القى اي وظيفة
وكنت ابي اسال هل في بعثات للخارج علشان ادرس بس لغة
ولا لازم يكون عندي تخصص بالجامعه ؟
( طبعا بنسبة لليابان وكوريا )
اتمنى تفيدوني على قد ما تقدرون لله يسعدكم
اي شي عندكم قولووة ايي شي ممكن تفيدوني فيه
او تنصحوني فيه لاني احس اني ضاايعه و خااايفة
واحس لي نفس ادرس لغة كورية او يابانية بس خايفة
وغير كذه مو شرط الوالد يوافق اني ابتعث بس مني عارفة
ابي اي حلول الله يوفقكم
وجزاكم الله الف خير
انتظركم