استفسار عن الصين خصوصاً مدينة bejien

بكين عموما غاليه مبدئيا بس يمكن لو عشت فيها فتره بتقدر تلقى الرخيص ولكن اماكنها نادره ومشكلتها انك بتكون تحت المجهر
ولكن هي تعتبر من اغلى المدن بالصين وذلك باعتبارها العاصمه وفيها السفارات والملحقيات ...

هذا اللي اعرفه مع العلم بانه كثير شباب خرجوا منها واتجهوا الى اماكن تعد رخيصه بالنسبه لها..

هاوي

هلا اخوي هاوي

بكين يعني غالية قد ايش
وهل تصلح للداسة

ولا اشوف مدينة ثانية

وايش رايك في شنقهاي و وهان

شاكر لك

عليكم السلآم
هلا بك يالغالي
بالنسبة لبكين أنا أشوف سعر السكن فيها اعلى من المدن الثانية لكن هي أفضلهم من ناحية سرعة التأقلم وتواجد الملحقية والسفارة وتواجد الأكل العربي والحلال عموما الأمن فيها ممتاز جداً وإذا تبي تسئل عن سعر شي محدد أكتبه هنا وراح أساعدك

بالتوفيق

هلا فيك اخوي وحياك الله
بالنسبه لبكين فهي اظن غاليه بالنسبه لبقيه المدن ولكن الكثير من الطلاب على حسابهم الخاص هنا وماشيه امورهم تمام
اما بالنسبه للمدينه فهي رائعه جدا وانا صار لي فيها 6 اشهر وبصراحه مااقدر اوصفها لك لانها مدينه رائعه حقا
فيها المساجد والاكل الحلال والسفاره والملحقيه زي ماقال اخي عشقي عيونك انشالله ترجع بالسلامه....
اما بالنسبه للمصاريف في بصراحه ليست غاليه وليست رخيصه يعني السكن بحدود 1600-2000 ريال سعودي
بالشهر الواحد شقه مكونه من غرفه وصاله ومطبخ ودوره مياه ..بالنسبه للاكل من حدود 2000-3000 ريال سعودي
وتقدر تسكن بالسكن الجامعي وهو رخيص حوالي 700 ريال بالشهر ومعاك roommate
اما بالنسبه لجامعتك بصراحه مااعرف عنها اي شي بس انت قولي وش تخصصك وانا راح اقولك وش الجامعات المناسبه
لك .....
انت بس تجلس في بكين شهر راح تعرف كل شي عن بكين ووين الامكان الرخيصه والغاليه .. اتمنى اكون قد افدتك ببعض المعلومات
واتمنى من الاخوان الي لهم مده اطول مني يفيدوك بالافضل....
وحط ببالك زي ماقال اخوي هاوي ابتعاث انت ببكين تحت المجهر..ههههههههههه...تحياتي لك.

والله ياخوي انا من طلاب ووهان وبكين مريت عليها مرور الكرام بس شغله بالملحقيه وطلعت منها وانا لي بووهان حوالي 4 شهور
والامور هنا متيسره مطاعم حلال وملابس رخيصه وسكن رخيص انا ساكن بغرفتين وصاله مؤثثه بالكامل بـ 1900 كواي في الشههر يعني حوالي 850 ريال سعودي وهنا شباب سعوديين محترمين وغير كذا هنا العوائل كثير وكلمة كثير يعني بالنسبه للمدن الثانيه..

الله يوفقك وييسر امورك

هاوي

شاكر لكم ردكم

يعني اذ واحد مزنيتة حوالي 2500 شهرياً

تنفع له بكين ولا يروح ووهان

مع العلم ان دراستي رح تكون حاسب

والجامعة الي انا سئلت عنها
http://www.blcu.edu.cn
معتمدة من التعليم العالي

انا افكر في سكن الجامعة عشان ممارسة اللغة عشان في البدية رح ادخل لغة صينية

واظن اني اقدر اقدم على البعثة وانا في دراسة اللغة

عشان قالو لي الصين رخيصة ارخص من الهند

انا جالس في الهند بي 2000 شهرياً وكافية لكل شي سكن معهد اكل
وما ينقصل علي شي وبعض الأحيان يزيد


شاكر لكم جزيل الشكر

والله يالغالي على السعر هذا أنا أشوف ووهان أفضل ( وأسرع بالإنظمام للبعثة )
نعم يالغالي تقدر يتقدم على البعثة وانت في مرحلة اللغة بس يطلبون قبول لغة + قبول تخصص

وبالنسبة للجامعة اللي انت تقول انا اشوف بعض الطلاب يدخلون فيها وفي الترم الثاني يغيرون الجامعة

وأظن سعرها أغلى من الجامعات الثانية

زي ماقلت لك أنا شخصيا أشوف لك ووهان أفضل وانت اسئل هاوي إبتعاث عن المدينة ماراح يقصر معاك هذي عوايدهـ ^_^

اجل شكلي رح تكوكل على الله واطلع على ووهان

بس ودي اعرف معلومات عن ووهان

هل هي مدينة حديثة ( متطورة )

واقدر مثلن ادخل معهد الللغة حق الجامعة

عشان افكر اسكن في الهوستل

وجزاكم الله خير

واخوي هاوي ودي لو اقدر اكلمك ايميل او جوال لا هنت يا غالي

ان شاء الله قررت اروح ووهان


بس يا ليت احد يفيدني عن طريقة القبول كيف اخذة


والله يوفقك الجميع