قبولات المعهد لليابان

للتواصل مع الملحقية
اتصل بنا


على فكرة عندهم اجازة راس السنه و حتنتهي في 5 يناير وبالتوفيق

http://www.saudiculture.jp/page_10_ar.htm
موقع الملقية على النت

والله ييسر امري و امرك والمسلمين

Still waiting.

يوة صح افتكرت انو يا حبايب بناءاً على المكالمة الهاتفية مع سعادة الملحق الثقافي بطوكيو الدكتور عصام بخاري قبل حوالي 10 ايام قال السفر باذن الله حيكون في بداية شهر ابريل وحتطول شوية القبولات وكبرو المخدة وضيعوا الطفش بالمسلسلات مثل لوست و بريزن بريك وغيروو كتيييييييير

وكلنا حنكون على طيارة وحدة زي الحجاج والله يستر ما يسير فينا زي لوست خخخخخخخخخخخ
ومافي داعي للعجلة لأنكم يا اهل اليابان انتو من اخر ناس حتسافروا من بقية كل الطلاب

الصبر جميل والله المستعان

والله يسعدك انت والمسلمين انشاءالله
اخي معتصم انا ذكرت رقمهم يلي شايفو فوق في المشاركه القديمة وبالنسبة لليابانية يلي تطلعلك زي الجنية واوهايوو قوسايمووس وكلام منو كتيير هي في الحقيقة موظفة الاستقبال ولو تتكلم معاها عربي تجاوبك ولو تتكلم انجليزي برضو تجاوبك ولو لو لو ياباني حتفكو هرجة ما حتخلص الا تاني يووم وانت طيب وما تصحى الا حد فاتورتك صقع 5000 ريال (انتبوووو مكالمة اليابان مرررررررررررررة غالية).

بالنسبة للدكتور عصام (انسان عسل للغاية ومبروك عليكم هذا الرجل) مو من السهل التحصل علية لأنو دائماً مشغول ولأنوا اصلاً يلي بيسوي معاملانتا (القبولات) الموظفين يلي تحتوا وهيا هادي الجنية تقولك انت اش تبغى فاذا اقتنعت من السب يلي تبغاه فيه تحولك لجنية ثانية و بعدين يرد عليك هوا او يتصل عليك لاحقاً لكن في الغالب الجنية الاولى تحولك على المنسق الاكاديمي يلي شغال على قبولك وبالنسبة للرقم خاص او المباشر على سعادة الدكتور (لا يوجد وحتى لو يوجد ما حيوجدوو للطلاب حيكون خاص و سري) وعلى فكرة الدكتور وصل السعودية و وبأذن الله حيكون في اجتماع او ملتقى مصغر في الرياض و بعدين في جدة طلاب وطالبات(اولياء امورهم) وكأني اشم ريحة الملتقى كمان ابو اسبوع اسبوعين انشاءالله وهوا حيبلغكم عنها انشاءالله عن طريق الايميل مو حق الوزارة لا حقنا العادي وبالنسبة عن الملحقية لا تحاول تتصل دحين عشنهم في اجازة رجول السنة و راح يبدأ الدوام عندم 5 يناير

وسلامتكم