رحلة علاج ارجوا المساعدة

وعليكم السلام والرحمة
ندعوا الله أن يشفي جميع مرضى المسلمين إنه سميع مجيب وان شاء الله ما يشوف شر الوالد ..
عزيزي بالنسبة لبكين أنصح إنك تنسق الاستقبال وتكون متأكد منه زين !! لأن تكاسي مطار بكين راح ياكلونك أكل استغلاليين وبقوة , بالنسبة لمدينة تيانجين لو قدر الله وماحد استقبلك في بكين فهناك ألف طريقة للوصول لتيانجين
الأفضل والأسهل وهو يعتمد على صحة الوالد اذا كان يمشي ولا لا واذا معكم عفش واجد ...
عندك المترو ... تقدر تاخذ المترو من المطار لين محطة بكين للقطار واحرص انها تكون المحطة الجنوبية (beijing south railway station) وبالصيني ليسهل إيجادها ( beijing nan zhan - 北京南站 )لأنها الأجدد ومن هناك ينطلق قطار سريع كل نصف ساعة لمدينة تيانجين والتذاكر تحصلها متوافرة في المحطة في مكائن ..
سعر التذكرة للراكب الواحد [درجة أولى] تقريبا 40 ريال سعودي. والقطار جدا جدا جدا مريح .
بالنسبة لتيانجين فالفنادق تبدأ أسعارها من 130 ريال سعودي وطالع للفنادق الجيدة والمقبولة ...
المترجمين متوفرين وبكثرة ... أرسل لي على الخاص ولا يصير خاطرك إلا طيب ..
توصل بالسلامة ان شاء الله والله يقوم الوالد بالسلامة يارب ..

تمنياتي لك بالتوفيق
أخوك / محمد الذويب

الله يخليك ياخوي لاهلك ان شاء الله وربي ريحتني وان شاء الله لو احتجت اي شي راح اكلمك

الله يشفي الولد ويسر امره

نصيحة عمليات النصب في زراعة الاعضاء زي السلام عليكم فتحرى الدقه يا اخي الكريم الامر مو سهل انا ما اتكلم عن الصين اتكلم بشكل عام ولا تعتمد على قولت فلان وعلان وللي يقولك الطبيب الفلاني ممتاز وخلافه انت بشكل عام رايح لبلد فيها ناس داجه تبي دراهم

فكر بالهند لان اكثر ربعنا زارعين فيها كلى و.......الخ
فيه شركة اسمها ولله اعلم السلام الطبيه او اجنحة السلام الطبيه معروفه تقوم بتوفير جميع احتياجاتك استشارات طبيه خارج المملكه واهم شي المترجم الطبي

حتى تتحاشى الكذب وخلافه


انتبه في اي بلد حاول ابعد عن المترجمين من ابناء البلد حتى لا يكون فيه تواطئ بن المترجم و الطبيب المعالج ويكون الضحيه الولد

لا تعتمد على كلام طبيب واحد فقط في كل خطوه يقولها الطبيب لاتنفذها فورا ما يطلبه استشر طبيب ثاني وثالث سوى داخل البلد او خارجها <تحتاج لتنسيق مسبق. من غير علم الطبيب المتفق معه حتى تعرف وين الصواب احرص على توثيق جميع اوراقك الطبيه الصادره من الطبيب. حاول تشوف احد في الملحقيه لان اهل مكه ادرا بشعابها

استفسر عن قيمة العمليه ومكان اجراء العمليه بالوقت والساعه و المكان وانتبه يقابلك الطبيب بمستشفى كبير وتكون العمليه في عياده خارجيه او شقه مجهزه


طبعا الشغله محتاجه مجهود منك وذرابه و الكلام في هذه المساله يطول ولله يعينك

مشكور اخوي على الكلامك وانا دوبني جايي ابي اتاكد من دي المعلومه تقريبا كل شي مرتب واحنا متعاملين مع اهل السفاره وان شاء الله

خير بس في واحد كلمنا وقال انتبهوا من اهل السفاره وانه راح يكون في اكل

لانهم قالوا لنا العملية راح تكلف من بين ٧٠٠ الف الى مليون ريال وقريت مواضيع كثيره تقول انه العملية ماتتعده ٨٠ الف دولار

صرحتنا فرق كبير بين الكلامين طبعا المستشفى معروف عالميا وطبعا على كلام كثير من الدكاتره هنا انه من افضل الاماكن تجري

زراعة الكبد ماادري كيف اتاكد من اصح واحد فيهم ؟

صرحتنا بعد لف ودوران في النت لقيت معلومات تقول انه العملية تكلف من ٥٠ الى ١٥٠ الف دولار وتقريبا نفس السعر الي قالوا لنا عليه

وان شاء الله خير بس محتاجين دعواتكم

في امان الله