شباب مشكلة أبي لها حل

وعليكم السلام ورحمة الله وبركاته
أخي الكريم
موضوعك بصراحة صعب الأجابة عليه
بخصوص التحويل في مرحلة الثانوية لايمكن أفيدتك به
بخصوص الجامعة لماذا لاتراسل الجامعة وتخبرهم في مشكلتك وأنه هل يمكنك الدراسة عندهم
وانت لم تدرس المواد العلمية...
شكرا لك
وبالتوفيق للجميع

مراحب أخوي جامعة tsinghua أقوى جامعة في الصين ...
وأكثرها تعقيدا ً طبعا يقال عنها هارفرد الصين ، ولكن الأكيد أن جامعة فودان أقل منها مستوى وشروط القبول فيها يعتبر فيها شيء من التعقيد... فما بالك بـtsinghua !
عالعموم أمامك حلين :
# يا إنك تعيد الثانوية طبيعي .. إذا تبي هالجامعة بالتحديد ، وطبعا كلامي مو أكيد لكن تأكد من الجامعة قبل .. لأن كلامي مجرد توقع .
# أو إنك تشوف لك جامعة قوية أخرى وإجراءات أقل تعقيد في القبول وتدرس بالثانوية اللي معاك .

وأخيرا ً استخر عالم الغيب
وإن شاء الله يُكتب لك الخير
تقبل تحيتي لك

طيب المشكلة هي أنهم قالوا ماتقدر تعيد اول ثانوي من ناحية النقل أقدر أنقل ثالث وهل صحيح صعوبة القبول لديهم من ناحية المال فهو ولله الحمد يكفي ويزود بس أبي تفهموني يعني أقدر أدرس مواد تكميلية رياضيات فيزياء أحياء كيمياء لمدة سنتين وطبعصا يكون الدراسة فيها مكثفة ولوسمحتم أنا مااعرف صيني لذا وش لون أقدر أراسلهم لو أنقليزي بإذن الله أقدر أشوف الوضع ولو ماعليكم كلافة نتمنى المساعده

طيب من ناحية النسبة بإذن الله سهاله مايبي عليها كلام أنا ولله الحمد ماقد نزلت تحت 93 بس أبي إفاده هل يقبلون الواحد بشهاداته وبعدين لو كان كذا مانبي لا إلحاق ولا بطيخ بس نبي ندرس يعني هل يمديني ولا لا بس أبي إفاده هنا لاني متوهق اللحين وللمعلومية مرة أخرى التعميم الجديد لدى وزارة التربية والتعليم مافيه رسوب للطلاب نهائيًا إذا كانو ناجحين

معليش إضافة قالوا لي أني أقدر أنقل لثالث طبيعي بس أنا ماني مقتنع لأني أبي أدخل الجامعة فاهم الرياضيات والفيزياء أحسن من الأمريكيين أنفسهم فهمتوا علي يعني هل إذا درست مواد تكميلية بستفيد علمًا بأن الشهاده حقت ثاني وثالث راح تكون طبيعي إذا نقلت بس بصير ماإستفدت شيء وإختبار القدرات والتحصيلي ماراح أدخلهن طوالي بطلع لذا الاستفسار هل القبول للي درسوا إنقليزي سنة في معهد أمريكي ومعه معهد مواد تكميلية رياضيات وفيزياء وأحياء وكيمياء مثل غيره ولاأفضل ولا أسوأ وتكفون ماطلبتكم إلا لأني عارف أنكم قد المسؤولية وجزاكم الله كل خير

جامعة تسينغهوا ماتقبل الطلبة الأجانب في مرحلة البكالوريوس
سجل في جامعات أسهل وياكثرهم ومستواهم جيد ومايهتموا ولايدقفوا في الثانوية إذا علمي أوشرعي

ماشاء الله 11 مشاهده ولارد إلا إثنين جزاهم الله خير الله في عون العبد مادام العبد في عون أخيه

اخوي محمد انا بصراحه عجبتني الجامعه ولما دخلت الموقع لقيت تقديم على الماستر فيها
اعذرني لو دخلت بموضوعك اخوي احب الصين
ياليت الاخوان الي عندهم معلومات عن الجامعه يقولولي لسى التقديم مفتوح للماستر بهادي الجامعه

أخي أحب الصين والله ماعندي خلفية عن أي شيء بخصوص الثانوية وأنظمتها ..

مراحب أفوجادرو
والله ماعندي معلومات بالضبط عن الجامعة وأنظمتها لكن اللي أعرفه إنه في 2007 واحد من الشباب طلع قبول بكالريوس فيها لكن ما درس فيها لصعوبة مستواها ! وغير الجامعة .
دخلت على موقع الجامعة لشروط القبول لبرامج البكالريوس للأجانب ، في المرفقات كل المعلومات، اطلع عليها ولاحظ صعوبة الشروط التعجيزية !!
مثل تحديد العمر بأقل من 25 وإذا كان أقل من 18 لازم يكون معاك توصية من جهتك أو من هالقبيل، والـHSK لازم ستة أو أعلى ! ولا تنسى اختبار القبول وغيرهـ من الشروط

تحيتي لك
محمد الذويب