::جامعات - معاهد - تخصصات::!! Japan !!

وعليكم السسلام والرحمه ..
حياك الله حبيبي ...
راح يكلفك للدراسه حتى يضمونك تقريبا 50 الف ريال سعود فقط ...
انا دخلت كورس سنة و 9 شهور ...
دفعت حق دراسة سنة 31 الف ريال + سكن شهرين 4000 + تذكرة طيارة بـ 3000 ريال ع الخطوط القطرية ..
اما المعيشة راح تحتاج جوال وهو رخييص جدا ..
الاكل والشرب والمواصلات اذا اذا كلفت ع نفسك مررره جات 1000 - 2000 ريال بالشهر هذا اذا كنت مسرف مره ..
شوف انا بعلمك بوضعي من يوم جيت للحين ...
انا اشتغلت وبعت سيارتي وصار معي 50 الف ريال ...
والمعهد واغلب المعاهد يطلبن كشف حساب فيه ع الاقل 80 الف ريال ...
الوالد زادني 30 الف بس ع ـشان اوريهم الحساب ورديتها له ...
انا لي اللحين 3 اسابيع باليابان والاسبوع اللي فات ... رحت الملحقية اقدم ع طلب انظمام ..
يجلت بيناتي وقالو اوكي بخلال 3 اسابيع - شهر واذا طولو عليك مره 3 شهور راح نضمك ع البعثة ... ومكافأه 2500 دولار ...
وبعدين اذا ماعجبك المعهد تروح المعهد اللي تبيه مثل جااسو وسندقاي من اقوى المعاهد .. اذا ضموك ع البعثه طبعا
يعني اللحين دورلك واحد يمشي وضعك ..
شوف الموضوع ذا ...
ღ دليــلك الشامل للأبتعاث إلى اليـابـان على حسابكـ الخاص ღ

الدراسة هنا حلووه جدا واللغه يبيلها شد حيل شوي .. وانا انصك كل الطلاب اللي معهم دبلوم عادو من جديد لانك ماتقارن التعليم في الـ KSA باليابان ...
طبعا شورط الالحاق انك بالغ وانك مجتهد بالدراسة مو طالبين اي نسبة .. وانشاء الله نسبتك بالثانوي كويسة ..

اخيرا شوف حبيبي انت لا تروح ع ـشان الناس قالولك .. انت شوف نفسك وين تبي تدرس وين ترتااح .. وشوف اليابان واسئل عنها وش الصور وشوف الناس ... هل انت بترتااح هناك!!
اسئل نفسك وتأكد وترى العمر طوويل لاكن لازم الاصرار والاجتهاد والواحد ماييأس من اي حاجز يجيه .. لازم يجد ويتعب ع ـشان مستقبله ...

وربي يوفقك وييسر امورك ...

ども　ありがとござもす
Domo Arigato gozimos
Thank you very much

راح اصورلك التخصصات وانزلها حقت الفنون وتشوفين ...

مشكور اخوي قايد الريم على الموضوع الكوووول

عندي استفسار اخوي عن تخصص ادارة المشاريع Project Management للماجستير,هل هو موجود في اليابان؟ واذا كان موجود فايش هي الجامعات الي متوفر فيها التخصص؟

واذا كان التخصص غير موجود فايش هي التخصصات الادارية المتعلقة بالهندسة المعمارية و المشاريع الموجودة في الجامعات اليابانية لمرحلة الماسترز؟

السسلام عليكم ..

استاذي والله اني مضغوط بالدراسه و صعب ابحث بكل الجامعات ... لذا عليك انت تبحث ...
انا كتبتلكم الطريقة لاجل الواحد يقدر يسااعد نفسه ..
ابحث بالجامعات عن كلمة "Graduate Schools" هذي هي حقت الماستر وتلقى التخصصاات تحتها ابحث ع اللي يناسبك .. اما الجامعات شوف المنطقه وين تبي تدرس او اذا سمعت بجامعه تلقاها بالقائمه ادخل ع ليها ...
ارجو المعذره لاكن والله مافي وقت يادوب نزلت لكم الموضوع .. مع انه علي ضغط ..

والله يوفقكم وييسر اموركم ..

أخي العزيز.. اريد تقديم على تخصص "المختبرات الطبية" فهل يوجد هذا التخصص في اليابان و في طوكيو تحديدا

مشكور عزيزي قايد الريم على ردك الاكثر من رائع طبعاً نسبتي في الثانوية 89.96 طبعاً ثانوي تجاري والمبلغ هذا بإذن الله مقدور عليه بس حابب اسأل راح يرجعونه لي بعد الانضمام ولا كيف ؟؟؟ اليابان معروف عنها دوله متطوره جداً ومن أهدى الناس اللي مروا علي في حياتي لانهم كانوا دارسين معي عندما كنت في نيوزلندا ,,,,, وإن شاء الله نجي لكم قريب في بلاد الانمي ونلتقي فيك إذا لم يحدث جديد في وضعي هههههههه ,,,,,

ربي يوفق الجميع اخوي قايد الريم ويسر امرك وامري وامر كل طالب دارس على حسابه الخاص ولا يزعلون اللي بيطلعون بعدين الله يوفق الجميع


تقبل خالص تحياتي لشخصك الكريم

habib

السسلام عاليكم ..

حياك الله يا حبيب باي وقت واكيد يردون فلوسك كلها حتى تذكره الطياره على قولت اهل اليابان ين ينطح ين ...
وربي يوفقك وييسر امور يالغالي ونشوفك ع الف خير باليابان ...

الله يسدد خطآكـ . ويسهل طريقك يآآآآآر ب..على هالفائدهـ ..



راااائع كنت احسب الدراسه فيها بس باللغه اليابانيه

لكن عندي استفسار بس مو عارفه اوصله =)

لوجاني قبول باذن الله في بعثة الملك على اليابان ..للماستر ..


هل راح يعطوني لغه انجليزية في معهد قبل الماستر ؟؟ والا لازم انا اكون ملمه تماما بالانجلش عشان ادرس ماستر بالانجلش؟؟
يعني اللغه المدفوعه من قبل البعثه لازم تكون لغة البلد ؟


ان شاء الله يكون مقصدي واضح ..

وبارك الله فيك .. وحقق لك امانيكـ ,,