وحيدة في كوريا *~*'

[QUOTE=Dr.Amoon;2430239]بسم الله الرحمن الرحيم

السلام عليكم ورحمة الله وبركاته ..


انا من المرشحاات للابتعاث المرحلة السادسة ..كوريا الجنوبية تخصص علوم صحية
سابقاا كنت ابي طب بس يوم فكرت بالزحمة اللي بتصير بعدين وظروف العمل "المناوبات وطول ساعات الدوام" اللي ممكن ماتناسب وضعي مستقبلا ..وايضا عدا عن اني ابي اروح لكوريا بحكم معرفتي باخلاقيات شعبها والامن الموجود فيها<<اهم شي وايضا ألمامي ببعض عاداتهم وتقاليدهم ...بس للاسف ماهي من دول الطب في البرنامج لذلك صرفت النظر عن الطب..

طبعا وصلني مسج وانا بقطر ان المتلقى يوم الاحد الساعة 3 <<وانا رحلتي كانت الاحد بس الوصول بعد الساعة اربع طبعا رجيييت اوم الدنيا وخليتهم يقصون تذاكر جديدة لان مافي رحلات قبل على نفس الخطوط ,,, وصلنا ولله الحمد ومن الحماس بغيت اسيد من المطار للملتقى ...انا مدري لو قالوا لي يالله بكرة الرحلة وش بسوي

المهم اليوم الاحد وصلت متاخرة <<الله يصلحهم اخواني يتعازمون من يوديني

دخلت تاكدت ان اسمي موجود بالقائمة واطلعت على جدول الملتقى <<اتباعاا لاكلام الاخت ..مع اني حافظة كل ابو الجدول
استقبال رائع واستلام سريع لبطاقة الملتقى يعني كل شي كان سلس وفل الفل ....بس متى انا بديت اهوجس مع نفسي وافكر اني داخله غلط حتى اني بغيت اهج ... لما بدوا الطالبات والطلاب يسالون اغلبهم هولندا ,ايرلندا وكم شخص وشخصه فرنسا وبني ادميين اليابان وانا اطالع يمنه ويسره مابقى احد بالقاعة من الطالبات الا سأل<<لان عددنا كان قليل..... بس انا الوحيدة اللي بكورياااوادعي يارب تطلع وحدة بس وحدة معي احس اني قمطت العافية لكن للاسف مافي غيري...سؤال كان يدور بخاطري >>يعني هل السبب ان البنات مفكرين يحولون بعد اللي صار بين الكوريتين والا من البداية مافيه مهبوله غيري واالا وش القصة ؟؟

واللي مرة خلاني احس اني صفر على الشمال ان في ملتقى اليوم ماتكلموا غير عن قوانين هولندا وذكروا اكثر من دولة اوروبية ووزوعوا بروشورات بعد ...وماجابوا طاري لكوريا ولا لليابان ولاحتى الصين..شكيت ان اليوم مو موعدي بس لمى خلص الملتقى وقال شكرا لاستماعكم ونشكر طلاب البرنامج الاول طلاب اوروبا واسيا<<هنا تاكدت اني مو غلطانه

حتى لما جيت اطلع سالت وحدة من المسؤالات يعني الحين مافي اي شي عن كوريا ,,,حسيت ان ودها تضحك بس مسكت نفسهاا قالت لا مافيه قلت ليه قالت يمكن لان مافيه تركيز عليها<<كانها تقول مافي غيرك رايح لها ياحظيي

والمشكلة لو بقول لاهلي اني الوحيدة بيجيني حذف بالنعل لاني مسوية زحمة لي اكثر من خمس شهوور الا ابي كوريا <<وهم مالقيتي الا كوريا ومن هالكلام .....ويوم اقتنعوا نص اقتناع اطلع بروحي

افكر فعلا اني احول ,, لكن من جهة ثانية ماودي اروح لبلد اكون فيه قاعدة على اعصابي لا امن ولا امان ومااعرف عنه شي غير اني شايله هم اخوي اللي يصغرني<<انا مسوية عليه الام..اشياء كثيرة تحوووس براسي مدري وش اسوي ؟!!

انا ماكتبت الموضوع الا عشان اشاوركم هل رايكم احول ؟! ,, وبعد عشان اشووف اذا فيه احد رايح لكوريا معي عشان يطمأن قلبي واتعوذ من ابليس واهجد ...!!
[/QUOTEأ

أختي العزيزة

اولا مبروك قبولك المرحلة السادسة واتمنى لك التوفيق والنجاح , بالنسبة لكوك وحيدة في كوريا فهذا غير صحيح في كثير مبتعثين ومبتعثات في كوريا واليابان والصين وزي مانتي عارفة دول شرق آسيا ماصار عليها حركة وكلام الا في 3 سنوات الاخيرة والفترة القادمة راح تزدحم بالطلبة خصوصا ان الحياة هناك نوعا ما رخيصة والشعب جدا ودود ويحترمون الاجانب كثير على سبيل المثال انا ادرس في الصين هندسة وفي مرحلة اللغة وكنت ماخذ فكرة انه كيف بتكون الحياة والناس والحين صار لي اكثر من شهرين ومرتاح راحة كبيرة لين اتمكن من اللغة مظبوط واصير كنج وانتي بعد حلو انك تكسبين لغة جديدة اضافية غير الإنجليزي ولاتنسين الشعب شرقي مو غربي وبإذن الله أمان اكثر من الاماكن الي صارت عليها مشاكل مؤخرا مثل استراليا وامريكا واوربا وغيرها

عزيزتي اتمنى اي ارحتك نوعا ما وانا مستعد اخدمك بعيوني والله يوفقنا واياكي لما فيه الخير والصلاح

اغرورقت عينآآآآآآآي بالدمووووع ....الله يبارك فيك <<توها تحس بالفرحة ^^

من جد رفعت معنوياتي بكلامك...وعارفه ان فيه كثير من المبتعثين هناك بس انا اعني من بنات مرحلتي مافي احد ..اتوقع ببس وحده رايحه اليابان ماجستير ,,وانا اصلا اكثر شي محمسني انهم شرقين على قولتك مو غرب ..هذا عدا ان انهم شعب ودوود جدا وطيب مع ان اكلهم ماينبلع <<ماله طعم P:

جزاك الله خير وماتقصر رايتك بيضاء....آآآآآآآآآآآآآميييييييييييييين يآآآآآآآآآآآآرب وجميع المسلمين =)

عادي عادي .. دامك مقتنعه بالي اخترتيه .. توكلي على الله .. بالنسبة لليابان .. متواجد مندوب الدكتور عصام البخاري .. الاستاذ عبدالوهاب.. و اخذنا على حدا و تكلمنا مه بعض و تناقشنا و اقتنعت بزيادة باختياري لليابان .. بالتوفيق لكي اختي 

هو فعلا كلامك صحيح اذا مقتنعه اتوكل بس لو فيه اكثر من جهة تضغط عليك الا تحووول وش السوات معهم !!

الله ييسر الامور ويكتب اللي فيه الخيره والصالح

مشكوور اخوي لاهنت...موفق يارب =)

وعليكم السلام ورحمة الله وبركاته

أنا عاد عندي وجهة نظر تختلف :/

انا أقول لو تقدري تغيري لا تفكري كثير غيري بأسرع وقت لأأن االاوضاع فعلا ماتطمن في كوريا وخاصة بعد تصريح الموسى الأخير أن في احتمالية لنقل طلاب كوريا الى دوله أخرى في اشارة الى ان احتمال وقوع حرب بين الكوريتين ...
طبعا حدث بعض الحالات في دولة ما وأجبروا الطلاب على التحويل وناس كثير تورطو بالموضوع ذا بسبب مراجعة الوزارة وتطنيش الوزارة لهم لأن في ناس جلسو سنة وسنة نص لين ماسوو لهم قرار بعثة من جديد ...

بسؤال الزملاء الكوريين هنا قالو ان الوضع جداً خطير وان أحتمالية الحرب كبيره خاصة بعد تغير وزير الدفاع الكوري وتصريحات الرئيس الكوري الجنوبي وعدم مبالاة الرئيس الكوري الشمالي ..

لذلك من وجهة نظري / مالله حادك على كوريا أو دول شرق اسيا ولا بعد من زين اللغات بشرق اسيا كوري والا ياباني والا صيني ..
بالتوفيق يارب
ملاحظة:مجرد وجهة نظر

اخوي محماس
انا جدا احترم وجهة نظرك وحاب اظيف شغلة , صدقني اول ماتشوف الحكومة انه في خطر لو 1% على اي مواطن سعودي متواجد في اي دولة كانت راح ترسل خطاب اخلاء مباشرة لجميع المواطنين والي صاير حاليا بين الكوريتين هذا شي مو جديد عليهم هم دوم في خلاف وقتال بس انها توصل لحرب رسمية ماأتوقع وانشاء الله ماتصير لان الحرب دمار والصين واليابان ماراح تسكت اكيد وراح تهدأ الوضع لأنهم جيران , يمكن انا تكلمت من ناحية سياسية اكثر بس هذا الواقع والوضع في كوريا ماراح يكون افضل من الهند وباكستان وكانت بتصير حرب وشيكة بينهم بالنووي , بما انه الاخت جاها القرار على كوريا فبدون واسطة صعبة بتغير وفي مشاركات كثيرة لطلاب من كوريا شاملة ووافية واتمنى ماأطلت عليكم والله يحفضنا واياكم ويوفقنا لكل خير

الله يحفظك بررردت قلبي شوي ..

انا حاليا في كوريا مرافقه لزوجي ..


\
والله يوفقك حبيبتي في دراستك البلد هنا حلوه والحمدلله امان وبعد اكلهم يا ربي لك الحمد ههه

الله يوفقك يارب ويكتب لك اللي في ه الخير ..
لاتخافي بتلقي احد ان شاء الله

محماس ....هو فعلا شي يخوف <<النووي مايلعب عند اهل الشمال ^^

وايضا صحيح لو كان فيه اي نسبة خطورة على الطلبة كان اجبرونا على التغيير ..!!

ورد الوسام مشكورة حبيبتي الله يسمع منك =)

مليت جرحي تراا انا بلزق لك من الحيييين ...كويس انك هناااك =) <<<ههههههههههه

الكرواان شكرااا على رفع المعنويااات خلك كذاا فزعه لييين اروح ههههههههه

مشكورررررين كلكم فردا فردااا ^^