لطلاب الصين فقط

وعليكم السلام ورحمة الله وبركاته

أخي الكريم / معادلة الدبلوم صعبة بالصين بصفة عامة وبالاخص الدبلومات الطبية

لكن ان شاء الله تجد من يساعدك .

بالتوفيق لك

يعطيك العافية اخوي محماس
بس حتى لو باللغة الانجليزية مع العلم اني ماني محتاج البعثة والحمد لله

 المشاركة الأصلية كتبت بواسطة smile10

يعطيك العافية اخوي محماس
بس حتى لو باللغة الانجليزية مع العلم اني ماني محتاج البعثة والحمد لله

السلام عليكم

أخوي بخصوص الابتعاث هذا أمره سهل بالنسبة لك إن شاء الله
لكن كيف وضع معادلة الشهادة ؟
لأن من شروط معادلة الشهادات أن تكون الدراسة بلغة البلد ولا يكون التخصص مفتوح للأجانب فقط !!

اسأل في هذا الموضوع قبل أي نقطة وإذا كانت معادلة الشهادة متاحة لو درست باللغة الانجليزية فتوكل على الله

وللمعلومية بما أنك تدرس في الصين فأنت مضطر لأخذ كورسات صينية ، ولابد لك من اجتياز اختبار المستوى الثالث على الأقل في اللغة بما أنه تخصصك طبي ،لأنه عندك فترة الامتياز وقبلها أيضا لابد لك من دخول المستشفى ، وللمعلومية في المستشفيات الطاقم الطبي عجم ما يفهم منك غير صيني ،وكل الأدوية والأوراق والمعلومات صينية والمرضى بعد !!

وبالتوفيق

يعطيك العافية اخوي على الرد بس اخوي النظام مايسمح للانظمام للبعثة اذا كانت الدراسة باللغة الانجليزية
عشان كذا انا مافكرت بالبعثة اكثر من معادلة الشهادة

وعليكوم السسلام اخوي
بالنسبه اذا تبي تسوي تجسير للتمريض اكيد فيه وبالإنجليش كمان بس لازم تسال عن الجامعات وتتأكد منها ؟ اي وحده ممكن تسوي لك المعادلة وعموماً اذا نويت تجي للصين تدرس جيب اوراقك و احجز وتعال وامورك مره سهله بالجامعه في نفس اليوم تخلص اجرائات القبول
اما اذا كان خوفك ان شهادتك لن تعتمد لما ترجع بعد الدراسه فهذا شي ما راح يصير لأن تخصصك طبي { وتقدر تسال الملحقيه عن هذا الكلام .. وزي ما قالو لك اخواني انك لازم تدرس لغه صينيه قبل دراسة التخصص
اتمنىـآ اكون افدتك
الله يقويك ~

وعليكم السلام ورحمة الله وبركاته
استاذي smile
كل التخصصات في دولة الصين تدرس باللغه الصينيه ما عدا الطب تقدر تدرسه باللغه الانجليزيه.. وهذا الشيء لازم تعرفه وقبل كل شيء لازم تتصل على الملحقيه في بكين وتتأكد..
اما من ناحية المعادله ما اعتقد في معادله لانه في ناس عندهم دبلومات بس ما حصلووا معادلات فبدؤووا من جديد.. وخصوصاً في الصين..
اما اذا انت مستعد تدرس من جديد فحياك وفي جامعات عندهم تمريض بس لا زم تدرسه باللغه الصينيه,, وكمان لازم تدرس اللغه الصينيه واجتياز اختبار HSK زي ما قالك الاخ محماس,,
واي خدمه حياك
يالتوفيق ,,

ان شاءالله الاخوان ما قصروا معاك

اخي ابو وليد الحاج ومحماس وتشاكيل اقولكم يسلم بوئكم يارب درر نعم هذا هو الواقع بالصين اضافة لو تحسبها بعقلك والمنطق انت في بلد لغته صينيه هي الرسميه بجميع المعاملات واي شي اخر وانت عندك سنة امتياز بمستشفى صيني وعندك مرضى صينين والغالبيه هذا اذا ماكان بالاجماع انهم راح يتخاطبون معك صيني بما انهم بمستشفى صيني وبديرتهم فبيكون عليك ضغط نفسي كبير وممكن ترتكب اخطاء طبيه والله الحامي
اخي اضرب لك مثال تستطيع البحث عنه بموقع الملحقيه والعم قوقل ايضا وبالمنتديات طالب طب اسمه عبدالمجيد الفيفي تخصص خلايا جذعيه هذا الانسان ماشاء الله تبارك الله قمة بالادب والعلم تم تكريمه من قبل الملحق الثقافي وشكرة والمستشفى الصيني المعروف ببكين الذي طلب من الطالب ان تكون سنه الامتياز لديهم واستفادة من نبوغه اللهم لاحسد فيجيد اللغة الصينيه والانجليزيه بطلاقة بالاضافه للغته الام علما المستشفى وقع معه وهو بالسنه الثالثه وليست الرابعه فهذا خير قدوة
ملحوظة/
بعض الجامعات التي تعادل يكون هدفها الرئيسي هو المادة بالاضافه الى تحسين سمعتها لدى السلطات الصينيه انها لديها طلاب اجانب كثر ويوجد طلب من الاجانب للقبول في جامعتهم لتحسين المظهر الخارجي فقط ولكن الواقع مر لايوجد اهتمام من قبل الدول الاخرى لهذه الجامعات او لايوجد نظام صريح ومعلومات وافيه, بالعربي احضر بس وخذ الشهادة فهمت زين مافهمت برضوا زين اهم شي هم استفادو بالعكس لو حاولت تجرب بجامعات تصنيفها الدولي متقدم وشفت شروط القبول وطرق التدريس راح تعرف قيمة العلم والدكاترة الموجودين من اجانب وخبراء من جميع الدول
ولك ان تزور موقع جامعه فودانFUDAN بشنغهاي لانها معروفه بالطب فانت من تقرر من الخيارين علم وشهادة محترمة او شهادة وعلم قليل ودرجة مش حالك
اتمنى انك تعيد التفكير واسف على الاطالة

على أي أساس حكمت بأن دراسته باللغة الانجليزية معترف فيها وتخصصه تمريض ؟؟
للمعلومية التخصص الطبي الوحيد المعترف فيه باللغة الانجليزية هو الطب << ولا يشمل التمريض أو غيره من التخصصات الأخرى
وهذا الكلام متأكد منه مثل مو متأكد من اسمي .. لأنه أنا ممرض وسألت وقالوا لي ما لك غير الطب ودخلت طب أدرس الآن

وللمعلومية في حالة تخصص التمريض.. مطلوب منه دراسة لغة صينية قبل دخول التخصص لأن التخصص مطلوب منه باللغة الصينية
أما أهل الطب فلا يطلب منهم لغة صينية أصلا إلا من حضر على حسابه وسجل لغة صينية حتى يكمل إجراءات الابتعاث وتتم الموافقه عليه

أتمنى التأكد من المعلومة قبل كتابتها .. حتى لانوهق الناس .. وهذا مستقبل قبل كل شيء

بالتوفيق