اللهم حرم النار على وجه اللي يدخل ويساعدني اخوكم محتاجكم يا اهالي الصين

وعليكم السلام ورحمة الله وبركاته

بخصوص الجامعة << لو تحدد التخصص إللي راح تدرسه وهل أول سنة بتكون لغة صينية أو تخصص على طول
لأنه المبلغ يفرق كثير في هذه الناحية . لأن سنة اللغة تكلفك تقريبا من 8 - 10 آلاف ريال ( 12000 - 16000 كواي صيني )
أما التخصص فيفرق لأنه حسب التخصص والمرحلة

أما السكن فتقريبا حسب اختيارك وكل خيار متوفر إن شاء الله من 1700 - 2500 ريال ( 2800 - 4000 كواي صيني )
والأكل والمعيشة أنت تقدر تحدد مصروفك لكن الثابت تقريبا للشخص والواحد من 900 - 1200 ريال ( 1500 - 2000 كواي صيني )


فيكون مجموع السنة الدراسية للغة مع السكن والمعيشة هو 47000 ريال << مع الأخذ في البال أني أخذت الحد الأعلى من السعر لأنه لابد يكون عندك احتياطي للطوارئ

بالتوفيق إن شاء الله ويكون الابتعاث بعد دخولك للصين على طول

وعليكم السلام
حبيبي زي ما قالك الاخ تشاكيل ...وشرحلك..
والمدن هنا في الصين تختلف من مدينه لمدينه اخرى,,
وحسب صرفياتك ..
واذا انت جاي على حسابك اعتقد انه مدينة ووهان موقفه من الملحقيه,, اتأكد قبل كل شيء,,
وبالتوفيق

انا جاي لووهان وجاي على حسابي ابي ادرس طب لمده سنه كم يكلفني معى كل شي وانا اصلا مبتعث لامريكا الحين بس لو سحبت عليهم وجيت يضموني للبعثه

اخوي مدامك مبتعث لامريكا لاتضيع فرصة من ايدك وتوكل على الله
مجرد راي لا اكثر

اخوي العزيز
نصيحة لوجه الله امريكا افضل لك صدقني

خلاص ابشركم الوزارة وافقت اني احول لصين على البعثه

اخوووي محب كيف الحال

ممكن اعرف وش الاسباب الللي خلتك تحووول للصين

اخوي فاقد انا الاسباب مافيه الا سبب واحد الا وهو الطب لم اجد دوله في العالم تعطيني قبول طب الا الصين اغلب الدول اعطتني سنه تحضريه مثل استراليا الوزاره رفض التحويل على قبول السنه الحضريه